¹ ויאמר יהוה אל אברם לך לך מארצך וממולדתך ומבית אביך אל הארץ אשר אראך׃

² ואעשך לגוי גדול ואברכך ואגדלה שמך והיה ברכה׃

³ ואברכה מברכיך ומקללך אאר ונברכו בך כל משפחת האדמה׃

⁴ וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן׃

⁵ ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען׃

⁶ ויעבר אברם בארץ עד מקום שכם עד אלון מורה והכנעני אז בארץ׃

⁷ וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו׃

⁸ ויעתק משם ההרה מקדם לבית אל ויט אהלה בית אל מים והעי מקדם ויבן שם מזבח ליהוה ויקרא בשם יהוה׃

⁹ ויסע אברם הלוך ונסוע הנגבה׃

¹⁰ ויהי רעב בארץ וירד אברם מצרימה לגור שם כי כבד הרעב בארץ׃

¹¹ ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את׃

¹² והיה כי יראו אתך המצרים ואמרו אשתו זאת והרגו אתי ואתך יחיו׃

¹³ אמרי נא אחתי את למען ייטב לי בעבורך וחיתה נפשי בגללך׃

¹⁴ ויהי כבוא אברם מצרימה ויראו המצרים את האשה כי יפה הוא מאד׃

¹⁵ ויראו אתה שרי פרעה ויהללו אתה אל פרעה ותקח האשה בית פרעה׃

¹⁶ ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים׃

¹⁷ וינגע יהוה את פרעה נגעים גדלים ואת ביתו על דבר שרי אשת אברם׃

¹⁸ ויקרא פרעה לאברם ויאמר מה זאת עשית לי למה לא הגדת לי כי אשתך הוא׃

¹⁹ למה אמרת אחתי הוא ואקח אתה לי לאשה ועתה הנה אשתך קח ולך׃

²⁰ ויצו עליו פרעה אנשים וישלחו אתו ואת אשתו ואת כל אשר לו׃

¹⁰ I will greatly rejoice in Yahweh, my soul shall be joyful in my God; for he has clothed me with the garments of salvation, he has covered me with the robe of righteousness, as a bridegroom decks himself with a garland, and as a bride adorns herself with her jewels.

¹¹ For as the earth brings forth its bud, and as the garden causes the things that are sown in it to spring forth; so the Lord Yahweh will cause righteousness and praise to spring forth before all the nations.