Ново христијанско проучување на Библијата

Библијата

 

Hoschea 14

Студија

   

1 Pereat Samaria, quoniam ad amaritudinem concitavit Deum suum ! in gladio pereant, parvuli eorum elidantur, et fœtæ ejus discindantur !

2 Convertere, Israël, ad Dominum Deum tuum, quoniam corruisti in iniquitate tua.

3 Tollite vobiscum verba, et convertimini ad Dominum ; et dicite ei : Omnem aufer iniquitatem, accipe bonum, et reddemus vitulos labiorum nostrorum.

4 Assur non salvabit nos : super equum non ascendemus, nec dicemus ultra, Dii nostri opera manuum nostrarum : quia ejus, qui in te est, misereberis pupilli.

5 Sanabo contritiones eorum ; diligam eos spontanee : quia aversus est furor meus ab eis.

6 Ero quasi ros ; Israël germinabit sicut lilium, et erumpet radix ejus ut Libani.

7 Ibunt rami ejus, et erit quasi oliva gloria ejus, et odor ejus ut Libani.

8 Convertentur sedentes in umbra ejus ; vivent tritico, et germinabunt quasi vinea ; memoriale ejus sicut vinum Libani.

9 Ephraim, quid mihi ultra idola ? Ego exaudiam, et dirigam eum ego ut abietem virentem ; ex me fructus tuus inventus est.

10 Quis sapiens, et intelliget ista ? intelligens, et sciet hæc ? quia rectæ viæ Domini, et justi ambulabunt in eis ; prævaricatores vero corruent in eis.

   

Од делата на Сведенборг

 

Doctrina Novae Hierosolymae de Domino #38

Проучи го овој пасус

  
/ 65  
  

38. (i., ( Quod Dominus dicatur Jehovah, patet ex his:-

"Dixit" Jehovah "Creator tuus, Jacob; et Formator tuus, Israel;... nam redemi te. ...Ego Jehovah Deus tuus, Sanctus Israelis Salvator tuus" (Esaiam 43:1, 3).

"Ego Jehovah, Sanctus (vester), Creator Israelis Rex vester" (Esaiam 43:15, (.

(Sic dixit Jehovah,) Sanctus Israelis, 1 et Formator ejus (Esaiam 45:11, 15).

"Ut sciat omnis caro, quod Ego Jehovah Salvator tuus, et Redemptor tuus Fortis Jacobi" (Esaiam 49:26).

"Ut scias, quod Ego Jehovah Salvator tuus, et Redemptor tuus Potens Jacobi" (Esaiam 49:16).

"Jehovah Formator tuus 2 ab utero" (Esaiam 49:5).

"Jehovah Petra mea, et Redemptor meus" (Psalmus 19:15 (B.A. Psalmus 19:14)).

"Dixit Jehovah, Factor tuus, et Formator... ab utero... Sic dixit Jehovah Rex Israelis, et Redemptor ejus Jehovah Zebaoth" (Esaiam 44:2, 6).

"Quod ad Redemptorem nostrum, Jehovah Zebaoth nomen Ipsius, Sanctus Israelis" (Esaiam 47:4).

"Cum misericordia aeternitatis miserebor..., sic dixit Redemptor tuus Jehovah" (Esaiam 54:8).

"Redemptor eorum fortis, Jehovah (Zebaoth) nomen Ipsius" (Jeremiam 50:34).

"Jehovah" Deus, "Petra mea, propugnaculum meum,... cornu salutis meae, Salvator meus" (2 Samuelis 22:2-3).

"Dixit Jehovah, Redemptor vester, Sanctus Israelis" (Esaiam 43:14, 16:17 [NCBSP: 48:17]).

"Sic dixit Jehovah, Redemptor Israelis, Sanctus Ipsius,... Reges videbunt" (Esaiam 49:7).

"Ego Jehovah, et praeter Me non Salvator" (Esaiam 43:11).

"Nonne Ego Jehovah, et non amplius... praeter Me?... et Salvator non est praeter Me. Respicite ad Me, ut salvemini omnes fines terrae" (Esaiam 45:21-22).

"Ego Jehovah Deus tuus,... et Salvator non praeter Me" (Hoscheam 13:4).

"Redemeras me, Jehovah (Deus) veritatis" (Psalmus 31:6).

"Speret Israel in Jehovah, quia cum Jehovah misericordia,... plurima cum Ipso redemptio;... Ille redimet Israelem ab omnibus iniquitatibus ejus" (Psalmus 130:7-8).

"Jehovah Zebaoth nomen Ipsius, et Redemptor tuus, Sanctus Israelis; Deus totius terrae vocabitur" (Esaiam 54:5 3 ).

In his locis vocatur Jehovah Redemptor et Salvator; et quia solus Dominus est Redemptor et Salvator, est Ipse quia per Jehovam intelligitur. Quod Dominus sit Jehovah, hoc est, quod Jehovah sit Dominus, etiam patet ex his:-

"Virga de trunco Jischaji, et surculus e radicibus ejus fructum feret;... quiescet super Illo Spiritus Jehovae" (Esaiam 11:1-2).

"Dicetur in die illo, Ecce Deus noster Hic, quem exspectavimus ut liberet nos,... Jehovah quem exspectavimus, exsultemus et, laetemur in salute Ipsius" (Esaiam 25:9).

"Vox clamantis in deserto, Parate viam Jehovae, complanate in solitudine semitam Deo nostro. ...Revelabitur enim gloria Jehovae, et videbunt omnis caro. ...Ecce Dominus Jehovih in forti venit, et brachium Ipsius dominabitur Ipsi" (Esaiam 40:3, 5, 10).

"Ego Jehovah,... dabo Te in foedus populo, in luce gentium:... Ego Jehovah, hoc nomen meum, et gloriam meam alteri non dabo" (Esaiam 42:6-8).

"Ecce dies,... quum suscitabo Davidi germen justum, qui regnabit Rex, et prosperabitur, et faciet judicium et justitiam in terra;... et hoc nomen Ipsius quod vocabunt Ipsum, Jehovah Justitia nostra" Jeremiam 23:5-6; 33:15-16).

"Tu... Bethlechem Ephrataea,... ex te Mihi exibit, qui sit Dominator in Israele:... stabit et pascet in robore Jehovae" (Micham 5:1, 3).

"Puer natus est nobis, Filius datus est nobis, super cujus humero principatus, et vocabitur nomen Ipsius,... Deus, Heros, Pater aeternitatis...: ...super throno Davidis..., ad stabiliendum et, fundandum illud in judicio et... justitia, a nunc et usque in aeternum (Esaiam 9:5-6 (B.A. 6-7)).

"Jehovah exibit, et pugnabit contra gentes;... et stabunt pedes Ipsius ...super Monte Olivarum ante facies Hierosolymae" (Sachariam 14:3-4).

"Attollite portae capita vestra, et extollimini ostia mundi, ut ingrediatur Rex gloriae. Quis Hic Rex gloriae? Jehovah fortis et heros, Jehovah heros belli" (Psalmus 24:7-10).

"In die illo erit Jehovah Zebaoth in coronam ornatus, et in cidarim decoris reliquiis populi sui" (Esaiam 28:5).

"Ego mittam vobis Eliam Prophetam, antequam venit dies Jehovae magnus" (Malachiam 3:23 [NCBSP: 4:5]).

Praeter alibi, ubi dicitur "dies Jehovae magnus et propinquus" (ut Ezechiel 30:3 4 ; Joel 2:11; Amos 5:18, 20; Zephaniam 1:7, 14-15, 18).

Фусноти:

1. Israelis pro "vester"

2. "tuus:" sic editio princeps; sic etiam articulus"34. Videatur autem Arcana Coelestia 2159, 2586, et alibi, ubi rectius "meus."

3. 5 pro "51"

4. 3 pro "12"

  
/ 65  
  

Библијата

 

Esaias 43

Студија

   

1 Et nunc hæc dicit Dominus creans te, Jacob, et formans te, Israël : Noli timere, quia redemi te, et vocavi te nomine tuo ; meus es tu.

2 Cum transieris per aquas, tecum ero, et flumina non operient te ; cum ambulaveris in igne, non combureris, et flamma non ardebit in te.

3 Quia ego Dominus Deus tuus, Sanctus Israël, salvator tuus, dedi propitiationem tuam Ægyptum, Æthopiam, et Saba pro te.

4 Ex quo honorabilis factus es in oculis meis, et gloriosus, ego dilexi te, et dabo homines pro te, et populos pro anima tua.

5 Noli timere, quia ego tecum sum ; ab oriente adducam semen tuum, et ab occidente congregabo te.

6 Dicam aquiloni : Da ; et austro : Noli prohibere ; affer filios meos de longinquo, et filias meas ab extremis terræ.

7 Et omnem qui invocat nomen meum, in gloriam meam creavi eum, formavi eum, et feci eum.

8 Educ foras populum cæcum, et oculos habentem ; surdum, et aures ei sunt.

9 Omnes gentes congregatæ sunt simul, et collectæ sunt tribus. Quis in vobis annuntiet istud, et quæ prima sunt audire nos faciet ? Dent testes eorum, justificentur, et audiant et dicant : Vere.

10 Vos testes mei, dicit Dominus, et servus meus quem elegi ; ut sciatis, et credatis mihi, et intelligatis quia ego ipse sum ; ante me non est formatus Deus, et post me non erit.

11 Ego sum, ego sum Dominus ; et non est absque me salvator.

12 Ego annuntiavi, et salvavi ; auditum feci, et non fuit in vobis alienus : vos testes mei, dicit Dominus, et ego Deus.

13 Et ab initio ego ipse ; et non est qui de manu mea eruat. Operabor, et quis avertet illud ?

14 Hæc dicit Dominus, redemptor vester, Sanctus Israël : Propter vos misi in Babylonem, et detraxi vectes universos, et Chaldæos in navibus suis gloriantes.

15 Ego Dominus, Sanctus vester, creans Israël, rex vester.

16 Hæc dicit Dominus, qui dedit in mari viam, et in aquis torrentibus semitam ;

17 qui eduxit quadrigam et equum, agmen et robustum ; simul obdormierunt, nec resurgent ; contriti sunt quasi linum, et extincti sunt.

18 Ne memineritis priorum, et antiqua ne intueamini.

19 Ecce ego facio nova, et nunc orientur, utique cognoscetis ea ; ponam in deserto viam, et in invio flumina.

20 Glorificabit me bestia agri, dracones, et struthiones, quia dedi in deserto aquas, flumina in invio, ut darem potum populo meo, electo meo.

21 Populum istum formavi mihi, laudem meam narrabit.

22 Non me invocasti, Jacob ; nec laborasti in me, Israël.

23 Non obtulisti mihi arietem holocausti tui, et victimis tuis non glorificasti me ; non te servire feci in oblatione, nec laborem tibi præbui in thure.

24 Non emisti mihi argento calamum, et adipe victimarum tuarum non inebriasti me ; verumtamen servire me fecisti in peccatis tuis, præbuisti mihi laborem in iniquitatibus tuis.

25 Ego sum, ego sum ipse qui deleo iniquitates tuas propter me, et peccatorum tuorum non recordabor.

26 Reduc me in memoriam, et judicemur simul : narra si quid habes ut justificeris.

27 Pater tuus primus peccavit, et interpretes tui prævaricati sunt in me :

28 et contaminavi principes sanctos ; dedi ad internecionem Jacob, et Israël in blasphemiam.

   

©2024 New Christian Bible Study Corporation. All rights reserved. Printed from newchristianbiblestudy.org