¹ ואלה תולדת בני־נח שם חם ויפת ויולדו להם בנים אחר המבול׃

² בני יפת גמר ומגוג ומדי ויון ותבל ומשך ותירס׃

³ ובני גמר אשכנז וריפת ותגרמה׃

⁴ ובני יון אלישה ותרשיש כתים ודדנים׃

⁵ מאלה נפרדו איי הגוים בארצתם איש ללשנו למשפחתם בגויהם׃

⁶ ובני חם כוש ומצרים ופוט וכנען׃

⁷ ובני כוש סבא וחוילה וסבתה ורעמה וסבתכא ובני רעמה שבא ודדן׃

⁸ וכוש ילד את־נמרד הוא החל להיות גבר בארץ׃

⁹ הוא־היה גבר־ציד לפני יהוה על־כן יאמר כנמרד גבור ציד לפני יהוה׃

¹⁰ ותהי ראשית ממלכתו בבל וארך ואכד וכלנה בארץ שנער׃

¹¹ מן־הארץ ההוא יצא אשור ויבן את־נינוה ואת־רחבת עיר ואת־כלח׃

¹² ואת־רסן בין נינוה ובין כלח הוא העיר הגדלה׃

¹³ ומצרים ילד את־לודים ואת־ענמים ואת־להבים ואת־נפתחים׃

¹⁴ ואת־פתרסים ואת־כסלחים אשר יצאו משם פלשתים ואת־כפתרים׃ ס

¹⁵ וכנען ילד את־צידן בכרו ואת־חת׃

¹⁶ ואת־היבוסי ואת־האמרי ואת הגרגשי׃

¹⁷ ואת־החוי ואת־הערקי ואת־הסיני׃

¹⁸ ואת־הארודי ואת־הצמרי ואת־החמתי ואחר נפצו משפחות הכנעני׃

¹⁹ ויהי גבול הכנעני מצידן באכה גררה עד־עזה באכה סדמה ועמרה ואדמה וצבים עד־לשע׃

²⁰ אלה בני־חם למשפחתם ללשנתם בארצתם בגויהם׃ ס

²¹ ולשם ילד גם־הוא אבי כל־בני־עבר אחי יפת הגדול׃

²² בני שם עילם ואשור וארפכשד ולוד וארם׃

²³ ובני ארם עוץ וחול וגתר ומש׃

²⁴ וארפכשד ילד את־שלח ושלח ילד את־עבר׃

²⁵ ולעבר ילד שני בנים שם האחד פלג כי בימיו נפלגה הארץ ושם אחיו יקטן׃

²⁶ ויקטן ילד את־אלמודד ואת־שלף ואת־חצרמות ואת־ירח׃

²⁷ ואת־הדורם ואת־אוזל ואת־דקלה׃

²⁸ ואת־עובל ואת־אבימאל ואת־שבא׃

²⁹ ואת־אופר ואת־חוילה ואת־יובב כל־אלה בני יקטן׃

³⁰ ויהי מושבם ממשא באכה ספרה הר הקדם׃

³¹ אלה בני־שם למשפחתם ללשנתם בארצתם לגויהם׃

³² אלה משפחת בני־נח לתולדתם בגויהם ומאלה נפרדו הגוים בארץ אחר המבול׃ ף

² The godly man has perished out of the earth, and there is no one upright among men. They all lie in wait for blood; every man hunts his brother with a net.

³ Their hands are on that which is evil to do it diligently. The ruler and judge ask for a bribe; and the powerful man dictates the evil desire of his soul. Thus they conspire together.