Arcana Coelestia#3878
3878. vers. 35Et concepit adhuc, et peperit filium, et dixit, Hac vice confitebor Jehovam, propterea vocavit nomen ejus Jehudah; et substitit a pariendo. ‘Concepit adhuc, et peperit filium’ significat, ut prius, conceptionem et partum spiritualem ab externo ad internum adhuc magis: ‘et dixit, Hac vice confitebor Jehovam’ significat in sensu supremo Dominum, in interno Verbum, in externo doctrinam inde, hic Divinum amoris, et caeleste regnum Ipsius: ‘propterea vocavit nomen ejus Jehudah’ significat quale ejus: ‘et substitit a pariendo’ significat per scalam ascensum a terra usque ad Jehovam seu Dominum.