3253. ‘Et exspiravit et mortuus est Abraham’: quod significet finem repraesentationis per Abrahamum, constat a significatione ‘exspirare et mori’ quod sit desinere seu finem habere, n. 494, hic finem repraesentationis; nam omne vitae Abrahami quod descriptum est in Verbo, non de Abrahamo ¹ , nisi solum in sensu ² historico, sed est de Domino ac Ipsius regno, quare cum dicitur de illo quod ‘exspiraverit et mortuus sit’, non aliud significare potest in Verbo, hoc est, in sensu ejus genuino, quam quod status repraesentativus Domini per Abrahamum finem habeat.

脚注: