Arcana Coelestia#9779
9779. ‘Et tu praecipies filiis Israelis’: quod significet Ecclesiae per Verbum a Domino, constat ex repraesentatione Moschis, qui hic est ‘tu’, quod sit Dominus quoad Verbum, seu Verbum quod a Domino, de qua n. 4859 fin. , 5922, 6752, 7014, 7089, 9372, et ex repraesentatione ‘filiorum Israelis’ quod sit Ecclesiae spiritualis, de qua n. 9340; inde patet quod per quod ‘Moscheh praeciperet filiis Israelis’ significetur quod Ecclesiae per Verbum a Domino.