¹ כדבר אפרים רתת נשא הוא בישראל ויאשם בבעל וימת׃

² ועתה יוספו לחטא ויעשו להם מסכה מכספם כתבונם עצבים מעשה חרשים כלה להם הם אמרים זבחי אדם עגלים ישקון׃

³ לכן יהיו כענן בקר וכטל משכים הלך כמץ יסער מגרן וכעשן מארבה׃

⁴ ואנכי יהוה אלהיך מארץ מצרים ואלהים זולתי לא תדע ומושיע אין בלתי׃

⁵ אני ידעתיך במדבר בארץ תלאבות׃

⁶ כמרעיתם וישבעו שבעו וירם לבם על כן שכחוני׃

⁷ ואהי להם כמו שחל כנמר על דרך אשור׃

⁸ אפגשם כדב שכול ואקרע סגור לבם ואכלם שם כלביא חית השדה תבקעם׃

⁹ שחתך ישראל כי בי בעזרך׃

¹⁰ אהי מלכך אפוא ויושיעך בכל עריך ושפטיך אשר אמרת תנה לי מלך ושרים׃

¹¹ אתן לך מלך באפי ואקח בעברתי׃

¹² צרור עון אפרים צפונה חטאתו׃

¹³ חבלי יולדה יבאו לו הוא בן לא חכם כי עת לא יעמד במשבר בנים׃

¹⁴ מיד שאול אפדם ממות אגאלם אהי דבריך מות אהי קטבך שאול נחם יסתר מעיני׃

¹⁵ כי הוא בין אחים יפריא יבוא קדים רוח יהוה ממדבר עלה ויבוש מקורו ויחרב מעינו הוא ישסה אוצר כל כלי חמדה׃

¹⁶ תאשם שמרון כי מרתה באלהיה בחרב יפלו עלליהם ירטשו והריותיו יבקעו׃

²¹ Declare and present it. Yes, let them take counsel together. Who has shown this from ancient time? Who has declared it of old? Haven't I, Yahweh? There is no other God besides me, a just God and a Savior; There is no one besides me.

²² "Look to me, and be saved, all the ends of the earth; for I am God, and there is no other.