Athaona 37

¹ Zakaw cha a paw khichhai châna râh Kana râh liata pahrâ ta.

² Hezy he Zakaw pathlazy cha ama châ. Zawsi cha, kô hrawhleisari a châ nahta a uhtazy chhaota sahroh pabâsa ei ta; ano cha hawtipa châ ta, a paw lahpinôzy Bilha nata Zilpah sawchapawpazy hnohta y ta; Zawsi chata ama moleina kyh ama paw hnohta tlôkhei ta.

³ Chatawhcha Izarel chata Zawsi cha a pawpi tawhta a saw sapa a châpa vâta a saw zydua hlâta a kyh pachâ via ta; viahpakao pasihpa â chapaipa taopa ta.

⁴ Chatawhcha ama paw ta âmo cha a uhta zydua hlâta kyh a pachâ via tahpa a uhtazy ta pahno haw ei ta, chatanachata ano cha a hao kaw ei ta, reikah phapa rai hlâ leipa ei ta.

⁵ Zawsi chata mâ sa ta, a uhtazy hnohta chho ta, ano cha a hao pachai ei ta.

⁶ Ano chata ama hnohta, “Ngiachhiepa ta ei mâsana kyh he nahthlie teh u,

⁷ lyu liana chata sâhpiahzy chahry pi ta, kei sâhpiah cha vaw thyu ta, a vaw duah ta; nâmo sâhpiahzy chata vaw chadô ta, ei sâhpiah cha a naoh chyu ei ta,” tah ta.

⁸ A uhtazy chata a hnohta, “Nâ bao hra heta eima chô liata ryu na reih aw mâ?” tah ei ta. A mâsana vâta a bie reipazy vâna chata, ano cha a hao pachaih heih ei ta.

⁹ Chatawhcha mâ hropa sa heih ta, a uhtazy chho heih ta, “Mâ sa heih na ta; noh zy, thlâpâ zy, awhsi sâhrawhleikhazy khi ta, einâ naoh ei,” tah ta.

¹⁰ Chatawhcha a paw cha chho ta, a uhtazy chhao, chatanachata a paw chata chhorei ta, a hnohta, “Mâ na sapa he, khâpa mâ ma a châ tly? Kei nata na nô nata na uhtazy heta a bôhpa ta eimâ châ naoh bao hra aw mâ?” tah ta.

¹¹ Chatawhcha a uhtazy ta ano cha a hao ei ta, a paw deikua chata, a bie reipa cha a palôhrupa ta a vao thlâh ha ta.

¹² Chatawhcha a uhtazy cha Sekhe liana chata ama paw sahroh zaw cha pabâsapa ta sie ei ta.

¹³ Izarel chata Zawsi hnohta, “Na uhtazy ta Sekhe liata sahroh zaw cha pabâsa veih ei mâ? A vy tua, ama hnohta ei cha tuah aw,” tah ta. Ano chata a hnohta, “Ei y thlâh haw,” tah ta.

¹⁴ Ano chata a hnohta, “Sie la, na uhnawhpazy cha a phapa ta ama y ma, sahroh zaw phapa ta a y hra ma; na vaw chho heih mah y,” tah ta. Chatawhcha Hebraw saikao tawhtapa cha tuah ta, ano chata Sekhe cha keitlô ta.

¹⁵ Chatawhcha chyhsa ahy tlyma ano cha hmô ta sibiepa su liana chata a khie ngâ ta, chatanachata chyhsa chata, “Khâpa e na tlua?” tahpa ta hiahri ta.

¹⁶ Ano chata, “Ei uhtazy ei tlua, ngiachhiepa ta sahroh zaw ama pabâsana cha na chho mah y,” tah ta.

¹⁷ Chatawhcha chyhsa chata, “He tawhna heta ama sie haw ‘Dôtha lâta sie ei suh u,’ ama tahpa ei pahno,” tah ta. Zawsi chata a uhtazy cha a chadai ta, Dôtha liana chata kei hmô ei ta,

¹⁸ Amo chata lâhlapi tawhta ama hmô nata, ama kiahpâh a hniapa ta a tlô hlâta, ano thie awpa ta â paraoh ei ta.

¹⁹ “Moh teh u, mâ a sapa cha â vy huh.

²⁰ A vy ula, thie ei suh la, khaohtlô miakha liata pathla ei suh u; chatawhcha sahrâhpa ta a sie haw, eima tah aw, chatanachata a mâzy cha kheihta ma a y tahpa eima pahno thlâh ha aw,” a tah chyu ei ta.

²¹ Rubena chata cha cha vaw pahno ta, ama ku tawhtapa pachha ta, “A thie ngâsâ cha thie khah ei suh u,” tah ta.

²² Rubena chata, a paw lâta chhitha heih awpa ta ama ku tawhtapa cha a pachha thei nawpa ta ama hnohta, “Thisaih cha palo khah u; râhpathohpa liata khaohtlôh liana heta pathla ula, ku zydua cha a chô liata pathla kha u,” tah ta.

²³ Chatawhcha Zawsi chata a uhtazy kô a kei tlô nah chata, Zawsi cha viahpakao pasihpa, a viahpakao pasihpa chei chhaopa â kypa cha vaw pahluhpa ei ta.

²⁴ a chhi ei ta, khaohtlô liana chata pathla ei ta. Khaohtlô cha a ruapa ti a y leipa châ ta.

²⁵ Chatawhcha pati nie awpa ta a tyu chyu ei ta; mohmia pasaih ei ta, moh ei ta, Ishmael mozy Kilia tawhta ama râraoseihpa ta khâpaleipa rohpahâhpa nata thohna hniapa nata myr phaohpa ta Izi lâta a zu awpazy a vy ei ta.

²⁶ Zudah chata a uhnawhpazy hnohta, “Eima nawhta thiepa ta, a thisaih lohpa, eima phih khiahtala khâpa ma a phahnaina a y aw.

²⁷ A vy teh u, a chô liata ku pathla leipa ta Ishmael sahlao hnohna hao ta, tlao zuah ei suh u, ano he eima nawhta, eima sapa tlai châ tlôh ta,” tah ta. Chatawhcha a uhnawhpazy chata a bie cha zyh ei ta.

²⁸ Midia sahlao sôhryhpazy a vy ei ta; Zawsi cha tâkâ syno ta zuah ei ta; Zawsi cha Izi râh lâta a chhi haw ei ta.

²⁹ Chatawhcha Rubena cha khaohtlô lâta a vy heih ta, Zawsi cha khaohtlô liana chata vaw y khao leipa ta, chatanachata a chysiazy hrie haw ta,

³⁰ a uhnawhpazy hnohta vawh ta, “Hawtipa kha y khao vei, kei he khataihlâ ei sie aw tly?” tah ta.

³¹ Chatawhcha Zawsi viahpakao pasihpa cha la ei ta, mie chapawhpa thie ei ta, a thi liana chata viahpakao pasihpa cha ny ei ta;

³² viahpakao pasihpa â chapaipa cha phaoh ei ta, ama paw lâna chata vawh cheih ei ta, “He he tlâ hmô pi ta; na sawchapawpa viahpakao pasihpa a châ ma, châ vei ma moh tua,” tah ei ta.

³³ Chatawcha ano chata vaw pahnota, Eisawchapawpa viahpakao pasihpa a châ he; sahrâhpa ta a sie ha he zaw; Zawsi cha, hriechhei khaipa ta a y tlai aw,” tah ta."

³⁴ Zakaw chata a chysiazy hrie ta, latho poh a sai ta, noh hluhpi a sawchapawpa cha mâchhie sa ta.

³⁵ A sawchapawpa zydua nata a sawchanônô zydua cha ano thlahpalôh awpa ta thyu ei ta; châhrasala ano chata, thlahlôhpa ta y khoh leipa ta, “Mâchhiesana chôta thlâ lâta ei sawchapawpa hnohta ei zu aw na,” tah ta. Chatanachata a paw cha ano a ngiahpa ta cha tyh ta.

³⁶ Midia sahlao chata Zawsi cha Izi râh lâta a ngiakhei ei ta, Phirao ry liata hyutuhpa pakha, vaihtuhpa py hyutuhpa Pawtipha liana chata zuah ei ta.