Arcana Coelestia # 9857
9857. ‘Et facies pectorale judicii’: quod significet quod 1 spectat Divinum Verum elucens ex Divino Bono, constat ex significatione 'pectoralis' quod sit Divinum Verum elucens ex Divino Bono Domini in ultimis, de qua n. 9823; id vocatur ‘pectorale judicii’ quia dabat responsa, et per illa revelabat Divinum Verum: per ‘judicium’ etiam in Verbo significatur Divinum Verum, proinde doctrina ac vita secundum illam; inde nunc est quod pectorale hoc dicatur ‘pectorale judicii’, et quoque ‘judicium’ in sequentibus hujus capitis, Portabit Aharon judicium filiorum Israelis super corde suo coram Jehovah jugiter, vers. 30; et cum Joschua eligeretur in ducem super populo, dicitur quod staret coram Eleazare sacerdote, qui interrogaret eum per judicium Urim coram Jehovah, Num. 27:21.
[2] Quod ‘judicium’ sit 2 Divinum Verum ac inde intelligentia, consequenter quod sit doctrina et vita secundum illam, constat a pluribus locis in Verbo, ut a sequentibus:
apud Esaiam,
Vinea Jehovae Zebaoth domus Israelis; exspectavit judicium, sed ecce suppuratio, justitiam sed ecce clamor, 5:7;
‘exspectare judicium’ est intelligentiam ex Divino Vero, et vitam secundum praecepta:
apud eundem,
Sedit super throno in veritate, in tabernaculo Davidis, judicans et quaerens judicium, 16:5;
ibi de Adventu Domini; ‘thronus super quo sessurus’ est Divinum Verum procedens ab 3 Ipso, et inde regnum spirituale 4 , videatur n. 2129, 5 5313, 6397, 8625, 9039, ‘judicare judicium’ est docere Divinum Verum', et ‘quaerere judicium’ est receptionem ejus apud hominem:
[3] apud eundem,
In die illo erit Jehovah in cidarim decoris reliquiis populi Sui, et in spiritum judicii sedenti super judicio, 28:5, 6 6 ; ‘cidaris decoris’ cum de Jehovah, hoc est, Domino, est 7 Divina Intelligentia, videatur supra n. 9827, et ‘spiritus judicii’ 8 est sapientia ex Divino Vero, n. 9818; ‘sedenti super judicio’ 9 est 10 qui de Divino Vero instruit, 11 seu id docet:
apud eundem,
Jehovah implevit Zionem judicio et justitia, 33:5;
‘Zion’ pro Ecclesia caelesti, ‘impleri judicio’ pro intelligentia ex Divino Vero, et ‘impleri justitia’ pro sapientia ex Divino Bono:
[4] apud eundem,
Quis direxit Spiritum Jehovae, cum quo deliberavit, ut intelligentem redderet illum, et instrueret illum viam judicii, et doceret illum scientiam, et viam intelligentiae ostenderet illi? 40:13, 14;
‘Spiritus Jehovae’ est Divinum Verum, n. 9818; quod ‘instruere illum viam judicii’ sit scientem, intelligentem, et sapientem reddere, patet:
apud Jeremiam,
Ciconia in caelo novit tempora stata sua, at populus Jehovae non noverunt judicium Jehovae; quomodo dicitis sapientes nos, et lex Jehovae nobiscum? 8:7(, 8);
‘non nosse judicium Jehovae’ pro Divinum Verum, ex quo sapientia; ideo dicitur ‘quomodo dicitis sapientes nos?’
[5] apud eundem,
Vae aedificanti domum suam sine justitia, et hyperoa sua sine judicio! 22:13;
‘aedificare hyperoa sine judicio’ pro imbuere non vera:
apud Hoscheam, Desponsabo te Mihi in aeternum in justitia et in judicio, et desponsabo te Mihi in veritate, ii (19, ) 20; 12 desponsare in judicio' pro conjungere per Divinum Verum, ita per fidem et fidei vitam':
apud Amos, Fluat sicut aqua judicium, et justitia sicut torrens fortis, 5:24:
apud eundem,
Convertitis in fel judicium, et fructum justitiae in absinthium, 6:12;
‘judicium’ etiam ibi pro intelligentia ex Divino Vero, et inde vita:
[6] apud Zephaniam, Jehovah in matuta judicium Suum dabit in lucem, 3:5;
‘judicium dare in lucem’ pro revelare Divinum Verum:
apud Moschen, Omnes viae Jehovae judicium, Deut. 32:4:
apud Davidem,
Jehovah, veritas Tua usque ad aetheres, justitia Tua sicut montes Dei, judicia Tua abyssus magna, Ps. 36:6, 7 [KJV 4, 5):
apud eundem,
Jehovah educet sicut lucem justitiam tuam, et judicium tuum sicut meridiem, Ps. 37:6:
apud eundem,
Vocem meam audi juxta misericordiam Tuam, Jehovah, juxta judicia Tua vivifica me, Ps. 119:149;
in locis illis' ‘judicium’ et ‘judicia’ pro Divino Vero:
[7] apud Lucam, Vae vobis Pharisaeis! praeteritis judicium et amorem Dei; haec oportebat facere, 11:42;
‘praeterire judicium Dei’ pro Divinum Verum, et ‘praeterire amorem Dei’ pro Divinum Bonum, ac vitam ex utroque; quia etiam vita intelligitur, dicitur quod illa oporteat facere:
apud Esaiam,
Exaltetur Jehovah Zebaoth in judicio, et Deus sanctificetur in justitia, 5:16 13 :
apud eundem,
Super throno Davidis ad stabiliendum regnum in judicio et justitia, a nunc et usque in aeternum, 9:6 (KJV 7):
apud eundem,
Proferte consilium, facite judicium, pone sicut noctem umbram tuam in medio meridiei, 16:3;
‘facere judicium’ pro secundum verum Divinum:
[8] apud Jeremiam,
Suscitabo Davidi germen justum, 14 qui faciet judicium et justitiam in terra, 23:5, 33:15:
apud Ezechielem,
Si vir fuerit justus, qui fecerit judicium et justitiam, in statutis Meis ambulat, et judicia Mea custodit, ad faciendum veritatem, justus hic, vivendo vivet, 18:5, 9:
apud Zephaniam, Quaerite Jehovam, omnes mansueti 15 terrae, qui judicium Ipsius fecerunt, 2:3;
‘judicium Dei facere’ pro Divinum Verum seu secundum 16 illud:
apud Esaiam,
Dedi spiritum Meum super Illum; judicium gentibus proferet, non exstinguet, neque confringet, donec posuerit in terra judicium, 42:1, 4;
ibi de Domino; ‘proferre gentibus judicium’ et ‘ponere in terra judicium’ pro docere 17 Divinum Verum, et id in Ecclesia instaurare:
[9] apud eundem,
Lex a Mecum exibit, et judicium Meum in lucem populorum 18 exsuscitabo, 51:4; 19 ‘judicium’ pro Divino Vero, ‘in lucem populorum’ pro ad illustrationem:
apud Johannem, In judicium in mundum hunc venio, ut non videntes videant, videntes autem caeci fiant, 9:39;
‘in judicium venire in mundum’ 20 pro ad revelandum Divinum Verum, quod facit videre illos qui a Domino sapiunt, et caecutire illos qui a semet, ita qui docti audiunt':
apud Jeremiam,
Jura per vivum Jehovam in veritate, in judicio et in justitia, 4:2:
apud eundem,
Non judicans judicium ad sanitatem, medicamenta restitutionis non tibi, 30:13:
[10] apud Davidem,
Justitia et judicium fulcrum throni Tui; misericordia et veritas consistent ante facies Tuas, Ps. 89:15 [KJV 14);
‘justitia’ pro bono quod misericordiae, et ‘judicium’ pro vero quod fidei, inde dicitur etiam ‘misericordia et veritas’:
apud Ezechielem,
Hierosolyma mutavit judicia Mea in impietatem prae gentibus, et statuta Mea prae terris; ideo faciam in te judicia in oculis gentium, et dispergam omnes reliquias Tuas, 5:6-8, 10, 15; ‘mutare 21 judicia’ pro vera quae sunt status civilis; 22 quod illa significentur per judicia quando etiam statuta nominantur, videatur n. 8972; at ‘facere judicia’ est judicare vel ad mortem, quod est damnatio, vel ad vitam, quod est salvatio; 23 salvatio vel damnatio etiam significatur per ‘judicium’, ubi dicitur ‘dies’ vel ‘hora judicii’, ut Matth. 11:22 24 , 24, 12:36, 41, 42; Luc. 10:14, 11:31, 32; Joh. 5 [28, ] 29; Apoc. 18:10 25 , 14:7; 26 simile etiam per ‘judicium’, 27 ubi de officio judicis agitur, ut Matth. 5:21, 22, 7:1, 2, 23:14, 33 28 ; Joh. 5:24, 26, 27, 7:24, 8:15, 16, 12:31, 47, 48; Luc. 6:37, 12:13, 14, 56, 57, 29 19:21, 22, 20:47, (22:30; ) Marcus 12:40 30 ; Esai. 41:1, 31 3:14; Jer. 25:31, 48:21; Joel. 4:12 [KJV 3:12]; Ps. 7:8, 9 (KJV 7, 8); Ps. 9:5, 8, 9 [KJV 4, 7, 8]; Lev. 19:15; Deut. 1:16, 17, 25:1; Apoc. 17:1, 18:10, 20:12, 13.
Poznámky pod čarou:
1. The Manuscript deletes ad, and inserts spectat compare Arcana Coelestia 9856
2. verum a Divino
3. The editors of the third Latin edition made a minor correction here. For details, see the end of the appropriate volume of that edition.
4. The Manuscript inserts Ipsius.
5. The following number or numbers appear out of sequence in both the Manuscript and the first Latin edition, but they have been reordered in this edition.
6. The editors of the third Latin edition made a minor correction here. For details, see the end of the appropriate volume of that edition.
7. The following two (or in some cases more) words are transposed in the Manuscript.
8. pro
9. The editors of the third Latin edition made a minor correction here. For details, see the end of the appropriate volume of that edition.
10. The Manuscript inserts illi.
11. et
12. in judicio pro in Divino Vero, et inde intelligentia
13. The editors of the third Latin edition made a minor correction here. For details, see the end of the appropriate volume of that edition.
14. The following word or phrase is crossed out in the Manuscript, but it does appear in the first edition.
15. The editors of the third Latin edition made a minor correction here. For details, see the end of the appropriate volume of that edition.
16. The editors of the third Latin edition made a minor correction here. For details, see the end of the appropriate volume of that edition.
17. The Manuscript inserts et instaurare.
18. excitabo
19. The Manuscript inserts similiter, .
20. pro revelare Divinum Verum, quod facit videre illos qui simplices audiunt, quia non a semet sed a Domino sapiunt, et caecutire illos, qui quia docti ex se sapiunt
21. The editors of the third Latin edition made a minor correction here. For details, see the end of the appropriate volume of that edition.
22. illa significantur
23. simile per diem et horam judicii significatur apud
24. The editors of the third Latin edition made a minor correction here. For details, see the end of the appropriate volume of that edition.
25. The editors of the third Latin edition made a minor correction here. For details, see the end of the appropriate volume of that edition.
26. et simile
27. The Manuscript inserts pluribus aliis in locis.
28. The editors of the third Latin edition made a minor correction here. For details, see the end of the appropriate volume of that edition.
29. The editors of the third Latin edition made a minor correction here. For details, see the end of the appropriate volume of that edition.
30. The editors of the third Latin edition made a minor correction here. For details, see the end of the appropriate volume of that edition.
31. The editors of the third Latin edition made a minor correction here. For details, see the end of the appropriate volume of that edition.
Arcana Coelestia # 5313
5313. ‘Tantum solio magnus ero prae te’: quod significet quod apparebit usque sicut e naturali, quia a caelesti spiritualis per illud, constat ex significatione ‘magnus esse prae 1 altero’ quod sit major esse, hic quoad apparentiam seu 2 quoad conspectum; et ex significatione ‘solii’ seu throni, quod hic sit naturale; naturale enim intelligitur per ‘solium’ quando caeleste spiritualis per ‘sedentem super illo’, naturale enim instar solii est spirituali, hic caelesti spiritualis; in genere id quod inferius, est instar solii 3 superiori, 4 superius enim inibi est et agit, et quidem per 5 inferius, et quod agitur, apparet sicut 6 ab inferiore, quia, ut dictum, per 7 id; hoc intelligitur per quod Pharaoh dixit ad Josephum ‘tantum solio magnus ero prae te’.
[2] In Verbo pluries nominatur solium ubi agitur de Divino Vero et de judicio ex illo, et per ‘solium’ ibi in sensu interno significatur 8 id quod est Divini regii, 9 et per ‘sedentem super illo’ Ipse Dominus sicut Rex aut sicut Judex; sed significatio solii, sicut significatio plurium aliarum rerum, se habet respective: cum Ipsum Divinum et Divinum Humanum Domini intelligitur per ‘sedentem super solio’, tunc Divinum Verum quod procedit ab Ipso, intelligitur per ‘solium’: cum autem Divinum Verum quod procedit a Domino, intelligitur per ‘sedentem super solio’, tunc universum caelum, quod Divinum Verum implet, intelligitur per ‘solium’: cum autem Dominus quoad Divinum Verum in superioribus caelis intelligitur per ‘sedentem super solio’, tunc Divinum Verum quod 10 in infimo caelo, et quoque quod est in Ecclesia, intelligitur per ‘solium’ 11 ; ita significationes ‘solii’ se habent respective. Quod per ‘solium’ significetur id quod est Divini Veri, est causa quia per ‘regem’ in Verbo significatur verum, et quoque per ‘regnum’; quod per regem, videatur n. 1672, 1728, 2015, 2069, 3009, 3670, 4581, 4966, 5044, 5068; et quod per regnum, n. 1672, 2547, 4691:
[3] quid 12 autem per solium seu thronum in Verbo intelligitur in specie, patet ibi ex serie; ut apud Matthaeum, Ego dico vobis, Non jurabitis omnino, neque per caelum, quia thronus Dei est, neque per terram, quia scabellum pedum Ipsius; neque per Hierosolymam, quia urbs magni regis, 5:34, 35: et alibi apud eundem,
Qui juraverit per caelum, jurat per thronum Dei, et per Ipsum Qui sedet super illo, 23:22;
ibi aperte dicitur quod caelum sit ‘thronus Dei’; per terram quae vocatur ‘scabellum pedum’, significatur id quod infra caelum est, ita Ecclesia; 13 quod terra sit Ecclesia, videatur n. 566, 662, 1066, 1067, 1262, 1413, 1607, 1733, 1850, 2117, 2118, 2928, 3355, 4447, 4535: similiter 14 apud Esaiam,
Sic dixit Jehovah, caeli thronus Meus, et terra scabellum pedum Meorum, 66:1:
et apud Davidem,
Jehovah in caelis firmavit thronum Suum, Ps. 103:19 15 :
apud Matthaeum, Quando venerit Filius hominis in gloria Sua, et omnes sancti angeli cum Ipso, tunc sedebit super throno gloriae Suae, 25:31;
ibi agitur de ultimo judicio, et ‘sedens super throno’ vocatur rex, ibi vers. 34, 40, 40;
‘thronus gloriae’ in sensu interno ibi est Divinum Verum quod ex Divino Bono in caelo, ‘sedens super throno illo’ est Dominus, qui quatenus judex ex Divino Vero, vocatur ibi Rex:
[4] apud Lucam, Hic erit magnus, et Filius Altissimi vocabitur, et dabit Illi Dominus Deus thronum Davidis patris Ipsius, 1:32;
haec angelus ad Mariam; quod ibi ‘thronus Davidis’ non sit regnum 16 quod habuit David, seu regnum in terra sed regnum in caelo, cuivis constat, quare nec per ‘Davidem’ significatur David, sed regium Divinum Domini, 17 et per thronum significatur' Divinum Verum quod procedit, et quod facit regnum Domini:
apud Johannem, Fui in spiritu, cum ecce thronus positus in caelo, et super throno sedens, et qui sedens erat similis aspectu lapidi jaspidi et 18 sardio: iris autem circa thronum similis aspectu smaragdino: circa thronum throni viginti quatuor, et super thronis vidi viginti et quatuor seniores sedentes: ... e throno exibant fulmina et tonitrua et voces, item septem lampades ignis ardentes coram throno, quae sunt septem spiritus Dei. Insuper ante thronum mare vitreum, simile crystallo; in medio tandem throni, et circa thronum quatuor animalia plena oculis ante et retro.... Ceterum quando dederunt animalia gloriam, et honorem, et gratiarum actionem sedenti, super throno viventi in saecula saeculorum, cadent viginti quatuor seniores ante sedentem super throno, et adorabunt viventem in saecula saeculorum, et 19 projicient coronas suas ante thronum, Apoc. 4:2 ad fin. ;
[5] ibi describitur thronus gloriae Domini, et per illum Divinum Verum quod procedit ab Ipso, at per repraesentativa quae quid significant si quis non novit, vix scire poterit quicquam 20 quid his propheticis inest, sed credet omnia talia esse absque altiore Divino; qui non aliud novit, 21 non potest aliter quam de regno caelesti similem regno mundano capere ideam; cum tamen per ‘thronum positum in caelo’ significatur Divinum Verum ibi, ita caelum quoad Divinum Verum; per ‘sedentem super throno’ intelligitur Dominus, quod Is apparuit similis aspectu ‘lapidi jaspidi et 18 sardio’ est quia per lapides illos, ut per omnes 22 lapides pretiosos in Verbo, significatur Divinum Verum, n. 114, 3858, 3862, et per lapides in genere vera fidei, n. 643, 1298, 3720, 3769, 3771, 3773, 3789, 3798;
[6] per ‘iridem circa thronum’ significantur vera pellucentia a bono, et hoc quia colores in altera vita sunt ex luce caeli, et lux caeli est Divinum Verum; de iridibus in altera vita, videatur n. 1042, 1043, 1053, 1623-1625; de coloribus ibi, n. 1053, 1624, 3993, 4530, 4922, 4677, 4741, 4742; per ‘thronos viginti quatuor circa 23 thronum’ significantur omnia veri in uno complexu, similia quae significantur per ‘duodecim’; quod ‘duodecim’ sint omnia veri in uno complexu, videatur n. 577, 2089, 2129, 2130, 3272, 3858, 3913; ‘fulmina, tonitrua et voces quae exibant ex throno’ significant terrores qui ex Divino Vero illis qui non in bono sunt; ‘septem lampades ignis ardentes’ sunt affectiones veri ex bono, quae etiam illis qui non in bono damna inferunt, quapropter vocantur ‘septem spiritus Dei’, qui quod damna intulerint, patet a sequentibus ibi;
[7] ‘mare vitreum ante thronum’ est omne verum in naturali, ita sunt cognitiones et scientifica; quod ‘mare’ illa sint, videatur n. 28, 24 2850; ‘quatuor animalia in medio throni et circa thronum plena oculis ante et retro’ sunt intellectualia a Divino in caelis, ‘quatuor’ significant conjunctionem 25 eorum cum voluntariis, vera enim sunt partis intellectualis, et bona sunt partis voluntariae hominis; inde dicitur quod ‘plena essent oculis ante et retro’, quia ‘oculi’ significant intellectualia, et inde in sensu superiore illa quae sunt fidei, n. 2701, 3820, 4403-4421, 4523-4534; quod ‘quatuor’ sint conjunctio, simile ac ‘duo’, n. 1686, 3519, 5194; sanctitas Divini Veri procedentis a Domino in sequentibus 26 describitur.
[8] Quia per ‘viginti quatuor thronos et viginti quatuor seniores’ significantur omnia veri seu omnia fidei in uno complexu, et per 'duodecim' similia, ut mox dictum, inde patet quid per ‘duodecim thronos super quibus sedebunt duodecim apostoli’ in sensu interno intelligitur, quod nempe omnia veri, ex quibus et secundum quae fit judicium; de quibus ita apud Matthaeum, Jesus dixit discipulis, Amen dico vobis, quod vos qui secuti estis Me, in regeneratione, quando sedebit Filius hominis super throno gloriae Suae, sedebitis etiam vos super duodecim thronis, judicantes duodecim tribus Israelis, 19:28:
et apud Lucam, Ego dispono vobis, sicut disposuit Mihi Pater Meus regnum, ut comedatis et 27 bibatis super mensa Mea in regno Meo, et sedeatis super thronis, judicantes duodecim tribus Israelis, 22:29, 30;
quod ‘duodecim apostoli’ sint omnia veri, videatur n. 2129, 2553, 3354, 3488, 3858; 28 quodque ‘duodecim filii Jacobi’ et inde ‘duodecim tribus Israelis’, n. 3858, 3921, 3926, 3939, 4060, 29 4603, et quod apostoli ne quidem unum judicare queant, 30 n. 2129, 2553:
[9] similiter apud Johannem, Vidi thronos, et consederunt super illis, et judicium datum est illis, Apoc. 20:4;
per ‘thronos’ ibi etiam significantur omnia veri ex quibus et secundum quae judicium; simile etiam per ‘angelos’ intelligitur cum quibus ‘venturus Dominus ad judicium’, Matth. 25:31;
quod per ‘angelos’ in Verbo significetur aliquid Domini, videatur n. 1705, 1925, 31 2320, 2821, 3039, 4085, 32 ibi vera quae ex Divino; quae vera etiam in Verbo judicia vocantur, n. 2235.
[10] Alibi etiam plurimis in locis tribuitur Jehovae seu Domino thronus, et hoc quia in thronis est repraesentativum regni; cum 33 in superiore caelo sermo est de Divino Vero et de judicio, tunc in ultimo caelo 34 apparet thronus; inde est quod, ut dictum, thronus repraesentativum sit, et quod ideo toties in Verbo prophetico thronus nominetur, et quoque quod ab antiquissimis temporibus thronus factus sit insigne regis, et quod sicut insigne 35 significet regium 36 ; ut quoque in 37 sequentibus locis:
apud Mosen,
Aedificavit Moses altare, et vocavit nomen ejus Jehovah Nissi: praeterea dixit, Quia manus super throno Jah, bellum erit Jehovae contra Amalekum a generatione in generationem, Exod. 17:15, 16;
quid ‘manus super throno Jah’, et 38 quid ‘Jehovae bellum contra Amalekum a generatione in generationem’, nemo scire potest nisi ex sensu interno, ita nisi sciatur quid thronus, et quid Amalek; per ‘Amalekum’ in Verbo significantur falsa quae oppugnant vera, n. 1679, et per ‘thronum 39 ’ ipsum Divinum Verum quod oppugnatur:
[11] apud Davidem,
Jehovah fecisti judicium meum, et causam meam, sedisti super throno Judex justitiae, ... Jehovah in aeternum manebit, praeparavit ad judicium thronum Suum, Ps. 9:5, 8 [KJV Ps. 9:4, 7]:
apud eundem,
Thronus Tuus Deus in saeculum et aeternum, sceptrum rectitudinis sceptrum regni Tui, Ps. 45:7 [KJV Ps. 45:6]:
apud eundem,
Nubes et caligo circum Ipsum, justitia et judicium fulcrum throni Ipsius, Ps. 97:2:
apud Jeremiam,
In tempore illo vocabunt Hierosolymam thronum Jehovae, et congregabuntur ad illam omnes gentes, 3:17;
[12] ‘Hierosolyma’ pro regno spirituali Domini. Hoc regnum etiam per novam Hierosolymam apud Ezechielem intelligitur, et quoque per ‘sanctam Hierosolymam descendentem e caelo’ in Apocalypsi. Regnum spirituale Domini est 40 ubi 41 principale est Divinum Verum in quo 42 Bonum, at regnum caeleste 43 , ubi 44 principale est Divinum Bonum 45 a quo Divinum Verum; inde patet cur Hierosolyma dicitur ‘thronus Jehovae’: et apud Davidem,
In Hierosolyma sedent throni ad judicium, Ps. 122:5: Zion autem 46 dicitur thronus gloriae Jehovae apud Jeremiam,
Num reprobando reprobasti Jehudam, num Zionem fastidivit anima tua? Ne spernito propter nomen Tuum, ne deturpes thronum gloriae Tuae, 14: [19, ] 21; per ‘Zionem’ intelligitur regnum caeleste Domini.
[13] Quomodo repraesentatur Dominus quoad judicium in caelo, ubi ad oculos sistuntur videnda talia quae passim apud Prophetas memorantur, patet apud Danielem,
Videns fui usque dum throni projecti sunt, et Antiquus dierum 47 sedit; vestis Ipsius sicut nix alba, et crinis capitis Ipsius sicut lana munda; thronus Ipsius flamma ignis, rotae ejus ignis ardens; flumen ignis emanans et exiens coram Ipso, mille millia ministrabant Ipsi, et myrias myriadum coram Ipso stabant; judicium consedit, et libri aperti sunt, 7:9, 10 48 ; talia visa perpetua sunt in caelo, omnia repraesentativa, apparent ex sermone angelorum in superioribus caelis, qui delapsus sistit talia videnda; spiritus angelici quibus datur perceptio a Domino 49 sciunt quid significant, sicut quid ‘Antiquus dierum’, quid ‘vestis quae sicut nix alba’, ‘crinis capitis qui sicut lana munda’, ‘thronus qui sicut flamma ignis’, ‘rotae quae ignis ardens’, ‘flumen ignis ab Ipso emanans’; per ‘flammam ignis’ et per ‘flumen ignis’ repraesentatur ibi 50 Bonum Divini Amoris, n. 934, 4906, 5071, 5215:
[14] similiter quae apud Ezechielem,
Supra expansum quod super capite cheruborum quasi aspectus lapidis sapphiri, similitudo throni; et super simili tudine throni similitudo quasi aspectus hominis super illo superius, 1:26, 10:1:
pariter quae in libro 1 Regum, Vidi, dixit Michah propheta, 51 Jehovam sedentem super throno Suo, et universum exercitum caelorum stantem juxta Ipsum, a dextra Ipsius, et a sinistra Ipsius, 22:19;
qui non scit quid singula repraesentant, et inde significant, non aliter credere potest quam quod thronus sit Domino, sicut regibus in terra, et quod talia quae ibi memorantur; sed non sunt talia in caelis, verum sistuntur ita videnda coram illis qui in ultimo caelo sunt, ex quibus sicut ex imaginibus vident arcana Divina.
[15] Regium Domini, per quod significatur Divinum Verum quod procedit ab Ipso, repraesentatum quoque fuit per solium a Salomone constructum, de quo ita in libro 1 Regum, Fecit Salomo solium eboris magnum, et obtexit illud auro depurato; sex gradus ad solium, et caput rotundum solio a post illud; manus hinc et illinc ad locum sedis, et bini leones stantes juxta manus, et duodecim leones stantes ibi supra sex gradus hinc et illinc, 10:18-20;
fuit thronus gloriae ita repraesentatus; ‘leones’ sunt Divina Vera pugnantia et vincentia, ‘duodecim leones’ sunt omnia illa vera in uno complexu.
[16] Quia paene omnia in Verbo etiam oppositum sensum habent, ita quoque solium seu thronus, et in eo sensu significat regnum falsi, ut apud Johannem,
52 Angelo Ecclesiae quae in Pergamo, Novi opera tua, et ubi habitas, ubi thronus Satanae est, Apoc. 2:[12, ] 13:
apud eundem,
Draco dedit bestiae ascendenti ex mari virtutem suam, et thronum suum, et potestatem magnam, Apoc. 13:2:
apud eundem,
Quintus angelus effudit phialam suam super thronum bestiae, et factum est regnum ejus obscuratum, Apoc. 16:10:
apud Esaiam,
Tu dixisti in corde tuo, In 53 caelos ascendam, supra stellas 54 Dei exaltabo thronum meum, 14:13; ibi de Babele.
Poznámky pod čarou:
1. altera, in the First Latin Edition
2. ad
3. The Manuscript inserts est.
4. inibi enim
5. naturale
6. e naturali
7. The manuscript has e.
8. The Manuscript inserts in genere.
9. The Manuscript has ac.
10. The Manuscript inserts est.
11. The Manuscript inserts ita naturale.
12. itaque
13. quod Ecclesia dicatur terra in Verbo
14. The Manuscript inserts ac.
15. The editors of the third Latin edition made a minor correction here. For details, see the end of the appropriate volume of that edition.
16. terrae
17. thronus ejus est
18. This is how Apocalypsis Explicata and Apocalypsis Revelata read. The Manuscript and the First Latin Edition have "sardino". The Greek reads [σάρδιον], sardion.
19. projiciunt
20. quod
21. The Manuscript inserts is.
22. The following two (or in some cases more) words are transposed in the Manuscript.
23. The editors of the third Latin edition made a minor correction here. For details, see the end of the appropriate volume of that edition.
24. The editors of the third Latin edition made a minor correction here. For details, see the end of the appropriate volume of that edition.
25. The manuscript has illorum.
26. The Manuscript inserts ibi.
27. libatis, in the First Latin Edition.
28. difficult to read, probably quod etiam 12 filii Jacobi et inde duodecim tribus
29. The editors of the third Latin edition made a minor correction here. For details, see the end of the appropriate volume of that edition.
30. The Manuscript inserts videatur.
31. The editors of the third Latin edition made a minor correction here. For details, see the end of the appropriate volume of that edition.
32. The Manuscript places this after Domini.
33. The Manuscript inserts enim.
34. apparent sicut throni
35. The Manuscript inserts etiam.
36. The Manuscript inserts et inde est, quod thronus toties in Verbo prophetico nominetur.
37. The Manuscript inserts his.
38. cur
39. The Manuscript inserts Jah.
40. The Manuscript inserts caelum Ipsius.
41. The Manuscript places this after Bonum.
42. The Manuscript inserts Divinum.
43. The Manuscript inserts est.
44. The Manuscript places this after Verum.
45. The manuscript has e.
46. vocatur
47. The editors of the third Latin edition made a minor correction here. For details, see the end of the appropriate volume of that edition.
48. The editors of the third Latin edition made a minor correction here. For details, see the end of the appropriate volume of that edition.
49. The Manuscript inserts inde.
50. Divinum bonum
51. The Manuscript inserts vidi.
52. The editors of the third Latin edition made a minor correction here. For details, see the end of the appropriate volume of that edition.
53. coelis, in the First Latin Edition.
54. ibi, in the First Latin Edition, caeli in the Manuscript, Schmidius; also Hebrew, incl. Dead Sea Scrolls, Dei
