Arcana Coelestia # 7043
7043. ‘Et quaesivit occidere illum’: quod significet quod apud illam Ecclesia repraesentativa non institui posset, constat ex significatione ‘quaerere occidere’ quod sit non recipere, de qua n. 3387, 3395, hic itaque non recipere seu eligere gentem illam, ut apud eam Ecclesia repraesentativa institueretur; gens illa per Moschen futurum illius ducem et caput jugiter in 1 tribus his versibus intelligitur, videatur supra n. 7041; quod gens illa non electa sit, sed quod contumaciter institerit ut esset Ecclesia, videatur n. 4290, 4293; et quod non aliqua Ecclesia sed modo repraesentativum Ecclesiae apud illam 2 institutum fuerit, n. 4281, 4288, 6304; quodque illa quae Ecclesiae et sancta sunt repraesentari possint etiam a malis, quia repraesentativum non spectat personam sed rem, n. 3670, 4208, 4281. Simile quod hic in sensu interno intelligitur per id quod Jehovah gentem illam prorsus delere vellet, et loco ejus aliam gentem ex Mosche exsuscitare, 3 Num. 14:12;
et quoque quod dicatur quod ‘ 4 Jehovam’ paenituerit' quod gentem illam introduceret, et quod introduxerit in terram Canaanem.
Poznámky pod čarou:
1. The following two (or in some cases more) words are transposed in the Manuscript.
2. instituta
3. The following word or phrase is crossed out in the Manuscript, but it does appear in the first edition.
4. The editors of the third Latin edition made a minor correction here. For details, see the end of the appropriate volume of that edition.
