7
qui rogabit pro eo coram Domino, et dimittetur illi pro singulis quæ faciendo peccavit.
Leviticus 6:7
Arcana Coelestia # 8496
8496. ‘Quod coquetis coquite’: quod significet praeparationem ad conjunctionem boni; ‘et quod elixabitis elixate’: quod significet praeparationem ad conjunctionem veri; constat ex significatione ‘coquere’ quod quia per ignem, sit praeparatio ad conjunctionem boni, et ex significatione ‘elixare’ quod quia per aquam, sit praeparatio ad conjunctionem veri; per ‘aquam’ enim significatur verum fidei, n. 2702, 3058, 3424, 4976, 5668, et per ‘ignem’ significatur bonum amoris, n. 934, 5215, 6314, 6832, 6834, 6849, 7324, 7852; quod sit praeparatio ad conjunctionem, patet, nam quae coquebantur et elixabantur praeparabantur ad diem sabbati sequentem, per quem quod significetur conjunctio, mox supra ostensum est; interdictum enim fuit ut ignem die sabbati accenderent, Exod. 35:3, ita quod tunc non coquerent aut elixarent; quod 1 coctio dicatur de pane et minha, 2 quae facta per ignem, videatur Esai. 44:15, 19 3 ; 1 Sam. 28:24 4 ; Ezech. 46:20; Lev. 6:10 [KJV 17]; et quod 5 elixatio dicatur de carne, 6 quae per aquam, Exod. 29:31; Lev. 6:21 7 [KJV 28]; 1 Sam. 2:13, 15.
Poznámky pod čarou:
1. coquere
2. quod factum
3. The editors of the third Latin edition made a minor correction here. For details, see the end of the appropriate volume of that edition.
4. The editors of the third Latin edition made a minor correction here. For details, see the end of the appropriate volume of that edition.
5. elixare
6. quod factum
7. The editors of the third Latin edition made a minor correction here. For details, see the end of the appropriate volume of that edition.
