Explanation of Leviticus 14:18
Napsal(a) Henry MacLagan
Verse 18. But not only so. For in consequence of such worship, good is also established in the Inmost, and thus in the whole man, when he is purified from profanation. And thus is effected the reconciliation of the external with the internal man, and complete deliverance from evil by the Lord [more]
Arcana Coelestia # 10021
10021. ‘Et appropinquare facies juvencum’: quod significet statum applicationis naturalis seu externi hominis qualis in sua infantia, constat ex significatione ‘appropinquare facere’ quod sit praesentia et conjunctio, de qua n. 9378, 9997, 10001, et quoque applicatio, n. 8439, hic applicatio ad purificationem et ad receptionem boni et veri a Divino, nam per sacrificium hoc, et per sacrificia 1 in genere id significatur; et ex significatione ‘juvenci’ quod sit bonum charitatis innocentiae in naturali seu externo homine, de qua n. 9391, ita externus seu naturalis homo qualis est in sua infantia, nam tunc in bono innocentiae est; dum in illo statu est, etiam in statu applicationis ad purificationem et ad receptionem boni et veri a Divino est.
[2] Quoniam de his nunc in sensu interno agitur, dicendum est quomodo se habent 2 : quando regeneratur homo, quod fit eum adolevit aetate, tunc primum immittitur in statum innocentiae, sed in statui innocentiae externae, 3 paene qualis est infantum; horum innocentia est innocentia externa, quae habitat in ignorantia; hic status est 4 planum novae vitae cum homo regeneratur, est etiam homo 5 tunc sicut infans, nam eum regeneratur, tunc e novo concipitur, nascitur, fit infans, adolescit, quod fit per verum implantatum bono; et quantum tunc genuinum bonum 6 , tantum in bonum innocentiae internae venit, quae innocentia habitat in sapientia; et quia regeneratio hominis est imago glorificationis Domini, patet quod Dominus ita Se glorificaverit, hoc es Humanum Suum Divinum fecerit; agitur enim in sensu interno in hoc capite de glorificatione Domini 7 , n. 9985; sed quia glorificatio Domini quoad Suum Humanum transcendit intellectum 8 , ideo ut aliquo modo capiatur, per instar seu imaginem ejus, 9 explicatur. Haec praemissa sunt ut sciatur quid intelligitur per purificationem et per receptione: boni et veri, ac per conjunctionem eorum quae per sacrificia in genere, et hic per sacrificia inaugurationis Aharonis et filiorum ejus sacerdotium in specie, significantur 10 . Quod regeneratio hominis sit imago glorificationis Domini, videatur n. 11 3138, 3212, 3296, 3490, 4402, 5688: quod innocentia infantum sit innocentia externa, et habitet in ignorantia, n. 12 2305, 2306, 3494, 3504, 4563, 4797, 5608, 9301 quod homo qui regeneratur, e novo concipiatur, nascatur, infans et puer fiat, et adolescat, n. 3203 quod innocentia infantiae sit planum, n. 2780, 3183, 3994, 4797, 5608, 7840: quod cognitiones veri et boni implantentur innocentiae infantiae, ut suo plano, n. 1616, 2299, 3504, 4797: quod innocentia regeneratorum sit innocentia interna, et habitet in sapientia, n. 1616, 13 3494, 3994, 4797, 5608, 9301, 14 9938: differentia innocentiae externae quae infantum, et innocentiae internae quae sapientum 15 , 16 n. 2280, 4563, 9301 quod ita se res habeat, constare potest ex educatione et regeneratione infantum in altera vita, de qua n. 2289-2309: quod omne bonum Ecclesiae et caeli in se habeat innocentiam, et quod absque ea bonum non sit bonum, n. 2736, 2780, 6013, 7840, 7887, 17 9262: quid innocentia, n. 3994, 4001, 4797, 5236, 6107, 6765, 7902, 9262, 9936.
Poznámky pod čarou:
1. sacrificium
2. Cum his ita se habet
3. The editors of the third Latin edition made a minor correction here. For details, see the end of the appropriate volume of that edition.
4. The Manuscript inserts ipsum.
5. seu regenerationis, est enim homo etiam
6. The Manuscript inserts intrat.
7. The Manuscript inserts quoad Humanum suum.
8. The Manuscript inserts humanum.
9. The Manuscript inserts quae ut mox dicta, est regeneratio hominis, .
10. de quibus, ut dictum, in sensu interno, in nunc sequentibus, agitur
11. The editors of the third Latin edition made a minor correction here. For details, see the end of the appropriate volume of that edition.
12. The editors of the third Latin edition made a minor correction here. For details, see the end of the appropriate volume of that edition.
13. The editors of the third Latin edition made a minor correction here. For details, see the end of the appropriate volume of that edition.
14. The editors of the third Latin edition made a minor correction here. For details, see the end of the appropriate volume of that edition.
15. regenatorum
16. The Manuscript inserts qualis.
17. The editors of the third Latin edition made a minor correction here. For details, see the end of the appropriate volume of that edition.
