56
COPH. Vocem meam audisti ; ne avertas aurem tuam a singultu meo et clamoribus.
Arcana Coelestia # 9024
9024. ‘Et cum litigaverint viri’: quod significet contentionem apud se de veris, constat ex significatione ‘litigare’ quod sit contendere, de qua sequitur, et ex significatione 'virorum' quod sint intelligentes et qui in veris, ac in sensu abstracto intellectualia et vera, de qua n. 3134, 9007; inde 1 'litigatio ‘virorum’ significat contentionem de veris inter illos qui ab Ecclesia, et in sensu abstracto de illis apud se 2 , nam ‘litigare’ in sensu spirituali est contendere de talibus quae Ecclesiae sunt, proinde quae fidei; in Verbo non aliud per ‘litigare’ intelligitur, nam Verbum est spirituale et agit de spiritualibus, hoc est, de illis quae sunt Domini, Ipsius regni in caelo et regni in terra, hoc est, Ecclesiae; 3 quod ‘litigare’ in Verbo significet contentionem de veris, et 4 in genere pro veris contra falsa, 5 ut et defensionem, et liberationem a falsis 6 a sequentibus his locis 7 patet:
apud Jeremiam,
[2]. Venit tumultus usque ad finem terrae, 8 quoniam lis Jehovae contra gentes; judicium intrabit cum omni carne, impios tradet gladio; ecce malum 9 exibit de gente ad gentem, et procella magna excitabitur a lateribus terrae, 25:31, 32;
describitur sic prophetice status Ecclesiae perversus; ‘tumultus’ est contentio pro falsis contra vera et pro malis contra bona, ‘terra’ est Ecclesia, ‘lis Jehovae contra gentes’ est contentio Domini pro veris contra falsa, et pro bonis contra mala, ita quoque defensio 10 , ‘gentes’ sunt falsa et mala, ‘gladius’ est falsum pugnans et vincens, ‘procella magna’ est falsum dominans, ‘latera terrae’ sunt ubi falsa ex malo erumpunt: apud eundem,
[3]. Jehovah litigabit litem eorum, ut quietem det terrae, Jer. 50:34;
‘litigare litem’ pro defendere vera contra falsa et liberare, ‘terra’ pro Ecclesia, cui ‘quies’ cum 11 est in bono et inde in veris: apud eundem,
Litigasti, Domine, lites animae meae, liberasti vitam meam, Threni 3:58;
‘litigare lites animae’ pro defendere et liberare a falsis: apud Davidem,
Litiga litem meam, et redime me; juxta verbum Tuum vivifica me, Ps. 119:154;
‘litigare litem’ etiam pro liberare a falsis: apud Micham, Litiga cum montibus, et audiant colles vocem tuam, 6:1;
‘litigare cum montibus’ pro contendere et defendere contra elatos, 12 ut et contra mala amoris sui; ‘colles qui audient vocem’ sunt humiles et qui in charitate: apud Esaiam,
Non in aeternum litigabo, et non in perpetuum succensebo, 57:16;
‘litigare’ pro contendere contra falsa: apud Hoscheam,
Est lis Jehovae cum Jehuda, Hos. 12:3 [KJV Hos. 12:2];
similiter; praeter etiam alibi.
Poznámky pod čarou:
1. cum litagaverint viri
2. quae fidei
3. The Manuscript inserts inde est.
4. imprimis
5. tum
6. ut ex
7. constare potest
8. quia
9. The editors of the third Latin edition made a minor correction here. For details, see the end of the appropriate volume of that edition.
10. The Manuscript inserts et liberatio.
11. The Manuscript places this after veris.
12. et sic
