Arcana Coelestia # 9003
9003. ‘Victum ejus, tegumentum ejus, et debitum conjugiale (ejus), non diminuet’: quod significet non deprivationem vitae interioris, quae est ‘victus’, nec vitae exterioris, quae est ‘amictus’, ita non deprivationem conjunctionis, quae est ‘debitum conjugiale’, constat ex significatione ‘victus’ quod sit sustentatio vitae interioris, ‘victus’ enim, seu cibus et potus, in spirituali sensu sunt cognitiones boni et veri, ‘cibus’ cognitiones boni, n. 5147, et ‘potus’ cognitiones veri, n. 3168, 3772, quare ‘victus’ sunt quae vitam hominis spiritualem nutriunt, n. 5293, 5576, 5579, 5915, 8562; ex significatione ‘tegumenti’ seu amictus, quod sit sustentatio vitae exterioris, ‘tegumentum’ enim seu vestis in spirituali sensu sunt scientifica inferiora, 1 haec sunt quae vitam externam hominis spiritualiter sustentant', n. 5248, 6918; ex significatione ‘debiti conjugialis’ quod sit conjunctio; et ex significatione 'non diminuere' quod sit non deprivare.
[2] Cum his ita se habet: affectio naturalis conjuncta vero spirituali, quae significatur per ‘ancillam desponsatam filio’, requirit jugiter sustentationem vitae a vero spirituali cum quo conjuncta est; affectio enim, absque sustentatione inde, perit; se habet cum affectione hominis sicut cum ipso homine, 2 quod nisi is sustentetur victu, 3 moriatur; homo etiam quoad interiora sua non est nisi quam affectio, 4 homo bonus est affectio boni et inde veri, 4 at malus est affectio mali et inde falsi; hoc imprimis constat ex homine cum fit spiritus, sphaera vitae quae tunc exundat ex illo est vel 5 affectionis boni vel 5 affectionis mali; nutricio seu sustentatio illius tunc non est ex cibo et potu naturali sed ex spirituali, qui est falsum ex malo 6 spiritui malo, ac verum ex bono 7 spiritui bono; nutriciones mentium humanarum cum vivunt in corpore in mundo, nec aliae sunt; inde est quod omnia quae victus sunt, sicut panis, caro, vinum, aqua, et plura alia, in sensu spirituali in Verbo significent talia quae nutricionis spiritualis sunt.
[3] Ex his etiam patet quid intelligitur per Domini verba apud Matthaeum, Non ex pane solo vivit homo, sed ex omni verbo quod egreditur ex ore Dei, 4:4:
tum quid per Ipsius verba apud Lucam, Comedetis et bibetis super mensa Mea in regno Meo, 22:30:
et apud Matthaeum, Dico vobis quod non bibiturus sim a nunc ex hoc genimine vitis usque ad diem illum quando id bibero vobiscum novum in regno Patris Mei, 26:29;
haec dicens postquam instituit Sanctam Cenam, in qua panis et vinum sunt illa quae sunt amoris et fidei, similiter 8 etiam caro et sanguis; inde sciri 9 evidenter potest quid intelligitur per carnem et per sanguinem Domini apud Johannem 6:49-58, et per haec ibi, Caro Mea est vere cibus, et sanguis Meus est vere potus, vers. 55; quod ‘caro’ in Verbo sit bonum amoris, videatur n. 3813, 7850, et ‘sanguis’ bonum fidei, n. 4735, 10 6978, 7317, 7326, 7846, 11 7850, 7877; similiter ‘panis’ et ‘vinum’, n. 2165, 2177, 3464, 3478, 3735, 3813, 4211, 4217, 4735, 4976, 5915, 6118, 6377.
Poznámky pod čarou:
1. nam haec sustentant vitam externam hominis
2. quod altered to qui
3. moriatur altered to moritur
4. si
5. tuo
6. si malus
7. si bonus
8. ac
9. The following two (or in some cases more) words are transposed in the Manuscript.
10. The editors of the third Latin edition made a minor correction here. For details, see the end of the appropriate volume of that edition.
11. The following number or numbers appear out of sequence in both the Manuscript and the first Latin edition, but they have been reordered in this edition.
Arcana Coelestia # 7877
7877. ‘Et videro sanguinem’: quod significet apperceptionem illius veri ab illis qui damnationem inferunt, constat ex significatione ‘videre’ quod sit intelligere et appercipere, de qua n. 2150, 2325, 2807, 3764, 4403-4421, 4567, 4723, 5400; quod sit apperceptio ab illis qui damnationem inferunt, sequitur; et ex significatione ‘sanguinis’ quod sit verum boni innocentiae, ut supra n. 7846.
[2] Quid verum boni innocentiae, dicendum: bonum innocentiae est bonum amoris in Dominum; qui enim in hoc amore sunt in innocentia sunt; inde est quod illi qui in intimo seu tertio caelo sunt in innocentia sint prae reliquis quia in amore in Dominum 1 ; ex innocentia apparent illi qui ibi, aliis sicut infantes, et usque sunt sapientissimi omnium qui in caelo, videatur n. 2306, nam innocentia habitat in sapientia, n. 2305, 3495, 4797; verum boni innocentiae quod apud illos non est verum fidei sed est bonum charitatis; nam illi qui in tertio caelo sunt non sciunt quid fides, ita nec quid verum ejus, sunt enim in perceptione veri quod fidei, ex qua sciunt ilico quod ita sit, nec usquam ratiocinantur de illo num ita sit, minus litigant de illo; quod eo modo in perceptione est, hoc non cadit in scientiam; aliter apud spirituales qui in secundo caelo; hi per verum quod fidei 2 ducuntur ad bonum quod charitatis, quare illi ratiocinantur num id verum sit vel non, quia num sit non percipiunt, inde vera illis fiunt scientia, et vocantur doctrinalia fidei.
[3] Quod illi qui in intimo seu tertio caelo in tali statu sint, quod percipiant quid verum fidei, ac ideo illud non ad scientiam referant, videatur n. 202, 337, 2715, 2718, 3246, 4448. 3 Quomodo cum hoc se habet quod a Jehovah dicatur ‘videro’, ita de Se, significetur apperceptio ab illis qui damnationem inferunt, hoc est, ab infernalibus, patere potest ab illis quae prius 4 ostensa sunt, quod nempe malum tribuatur Jehovae seu Domino, tametsi nihil mali ab Ipso 5 provenit, sed ab inferno, videatur n. 2447, 6 6071, 6991, 6997, 7533, 7 7632, 7643; quod malum permittatur, hoc apparet sicut ab Ipso Qui permittit, cum potest auferre; ita hic quod morti dati sint primogeniti Aegyptiorum; hoc tribuitur Jehovae, nam dicitur, ‘Transibo per terram Aegypti in nocte illa, et percutiam omne primogenitum in terra Aegypti: et factum in media nocte, et jehovah percussit omne primogenitum in terra Aegypti, a primogenito Pharaonis sessuro super throno illius, usque ad primogenitum captivi qui in domo foveae’, vers. 12, 29, 29;
et tamen in hoc versu vocatur illi ‘perditor’ qui hoc facit, ‘Erit sanguis vobis ad signum super domibus ubi vos, et videro sanguinem, et praeteribo praeter vos, et non erit vobis plaga perditori’;
[4] similiter se habet cum devastatione malorum in altera vita, deque damnatione, et 8 dejectione in infernum, quae in sensu interno per plagas, et 8 per mortem primogenitorum 9 , et per immersionem in mare Suph, intelliguntur; Jehovah seu Dominus nullum vastat, minus damnat et in infernum dejicit; sed est ipse spiritus malus qui hoc sibi facit, hoc est, est malum quod in illo; inde nunc est quod per ‘videro sanguinem’ significetur apperceptio ab illis qui damnationem inferunt.
[5] Quomodo cum permissione se habet, non potest paucis dici quia perplura arcana involvit; quod damnentur impii et quod crucientur, non est a Domino permissio qualis est volentis sed qualis est non volentis, qui non potest auxilium ferre, urgente et resistente fine, qui est salvatio totius generis humani, nam si auxilium ferret, foret malum facere, quod prorsus contra Divinum est; sed de his plura, ex Divina Domini Misericordia, alibi.
Poznámky pod čarou:
1. The Manuscript inserts sunt.
2. The editors of the third Latin edition made a minor correction here. For details, see the end of the appropriate volume of that edition.
3. Quod per
4. The Manuscript inserts aliquoties.
5. provenit altered to venit
6. The editors of the third Latin edition made a minor correction here. For details, see the end of the appropriate volume of that edition.
7. The editors of the third Latin edition made a minor correction here. For details, see the end of the appropriate volume of that edition.
8. The Manuscript inserts tandem.
9. The Manuscript inserts in Aegypto.
