10819. Quia Pater in Domino est, ac Pater et Dominus unum sunt, et quia credendum est in Ipsum, et ¹ qui credit in Ipsum vitam aeternam habet, patet quod Dominus sit Deus; quod Dominus sit Deus, docet Verbum ubivis, ut apud Johannem, In principio erat Verbum, et Verbum erat apud Deum, et Deus erat Verbum; omnia per Ipsum facta sunt, et sine Ipso factum est nihil quod factum est; et Verbum caro factum est et habitavit ² internos, et vidimus gloriam Ipsius, gloriam ut Unigeniti a Patre, 1:1, 3, 14:

apud Esaiam,

Puer natus est nobis, Filius datus est nobis, super cujus umero principatus; et vocabitur nomen Ipsius Deus, Heros, Pater aeternitatis, Princeps pacis, 9:5 (KJV 9:6):

apud eundem,

Virgo concipiet et pariet, et vocabitur nomen Ipsius Deus nobiscum, 7:14; Matth. 1:23:

et apud Jeremiam,

Ecce dies ³ venient cum suscitabo Davidi germen justum, qui ⁴ regnabit Rex et ⁵ prosperabitur; et hoc nomen Ipsius, quod vocabunt Ipsum, Jehovah justitia nostra, 23:5, 6, 33:15, 16.

Poznámky pod čarou: