Dicta Probantia # 99
99. REDEMPTIO. SECTIO 19.6
De ultimo judicio, Ezech. 7:2 ad 12, vide desolatio.
Dies tumultus, Ezech. 7:7. dies irae, vers. 19.
Visitationes urbis appropinquant, Ezech. 8:18. [9:1.]
Stare in bello in die Jehovae, Ezech. 13:5.
Quod Jehovah redemerit illos, et tamen divagati sint. Hosch. 7:13.
Ego Jehovah Deus tuus, Deum praeter Me non agnosces, et Salvator non praeter Me, Hosch. 13:4.
E manu inferni redimam illos, a morte liberabo eos, ero pestes tuae o mors, ero exitium tuum Inferne, Hosch. 13:14.
Ibi liberaberis, ibi redimet te Jehovah e manu hostium tuorum, Mich. 4:10.
Ascendere Te feci e terra Aegypti, et e domo servitutis redemi te, Mich. 6:4.
Congregabo eos, quia redimam illos, Zach. 10:8.
Arcana Coelestia # 2021
2021. ‘In foedus aeternum’: quod significet conjunctionem cum his, constat a significatione ‘foederis’ quod sit conjunctio, de qua prius n. 665, 666, 1023, 1038; et quod cum illis qui vocantur semen, constat ex eo quod immediate sequatur, et quod foedus iterum in hoc versu dicatur, ita prius 1 se refert' ad unionem Jehovae cum Essentia Humana, alterum ad conjunctionem cum his qui sunt semen. 2 Ut distinctior idea habeatur de unione Divinae Essentiae Domini cum Humana, et de conjunctione Domini cum humano genere per fidem charitatis, hic et in sequentibus licet illam ‘unionem’ appellare, hanc autem ‘conjunctionem’; Divinae etiam Essentiae Domini cum Humana fuit unio, Domini autem cum ‘genere humano’ per fidem charitatis est conjunctio; quod inde constat quia Jehovah seu Dominus est Vita, Cujus Humana Essentia etiam facta est Vita, ut supra ostensum; vitae cum vita est unio; at homo non est vita sed recipiens vitae, ut prius quoque 3 ostensum est; cum vita influit in recipiens vitae, est conjunctio, nam ei adaptatur sicut agens patienti, seu sicut vivum in se mortuo in se, quod inde vivit; principale cum instrumentali ut appellantur, quidem conjunctum apparet sicut forent unum, sed usque non sunt unum, per se enim est illud, et per se est hoc; homo ex se non vivit, sed Dominus ex misericordia eum Sibi adjungit, et sic eum vivere facit in aeternum; et quia ita distincti sunt, conjunctio dicitur.
Poznámky pod čarou:
1. The following two (or in some cases more) words are transposed in the Manuscript.
2. The remainder of this paragraph is crossed through (once) in the Manuscript, possibly because it is a repetition of Arcana Coelestia 2
3. The Manuscript has etiam.
