Novokřesťanské studium Bible

Bible

 

Hoschea 13

Studie

   

1 Loquente Ephraim, horror invasit Israël ; et deliquit in Baal, et mortuus est.

2 Et nunc addiderunt ad peccandum ; feceruntque sibi conflatile de argento suo quasi similitudinem idolorum : factura artificum totum est : his ipsi dicunt : Immolate homines, vitulos adorantes.

3 Idcirco erunt quasi nubes matutina, et sicut ros matutinus præteriens ; sicut pulvis turbine raptus ex area, et sicut fumus de fumario.

4 Ego autem Dominus Deus tuus, ex terra Ægypti ; et Deum absque me nescies, et salvator non est præter me.

5 Ego cognovi te in deserto, in terra solitudinis.

6 Juxta pascua sua adimpleti sunt et saturati sunt ; et levaverunt cor suum, et obliti sunt mei.

7 Et ego ero eis quasi leæna, sicut pardus in via Assyriorum.

8 Occurram eis quasi ursa raptis catulis, et dirumpam interiora jecoris eorum, et consumam eos ibi quasi leo : bestia agri scindet eos.

9 Perditio tua, Israël : tantummodo in me auxilium tuum.

10 Ubi est rex tuus ? maxime nunc salvet te in omnibus urbibus tuis ; et judices tui, de quibus dixisti : Da mihi regem et principes.

11 Dabo tibi regem in furore meo, et auferam in indignatione mea.

12 Colligata est iniquitas Ephraim ; absconditum peccatum ejus.

13 Dolores parturientis venient ei : ipse filius non sapiens : nunc enim non stabit in contritione filiorum.

14 De manu mortis liberabo eos ; de morte redimam eos. Ero mors tua, o mors ! morsus tuus ero, inferne ! consolatio abscondita est ab oculis meis.

15 Quia ipse inter fratres dividet : adducet urentem ventum Dominus de deserto ascendentem, et siccabit venas ejus, et desolabit fontem ejus : et ipse diripiet thesaurum omnis vasis desiderabilis.

   

Ze Swedenborgových děl

 

Arcana Coelestia # 9314

Prostudujte si tuto pasáž

  
/ 10837  
  

9314. ‘Et hostem agam in hostes tuos’: quod significet quod avertet omnia mala ex quibus falsa, constat ex significatione ‘hostem agere’ cum de Jehovah seu Domino, quod sit avertere, de qua mox supra n. 9313, et ex significatione ‘hostium’ quod sint mala ex quibus falsa, quoniam illa in spirituali sensu sunt ‘hostes’ contra bona ex quibus vera. Quod per ‘hostes’ significentur mala ex quibus falsa, est quia per ‘inimicos’ significantur falsa ex malo; nam ubi in Verbo agitur de falso, etiam agitur de malo, sicut cum de vero etiam de bono, videatur n. 683, 793, 801, 2173, 2516, 2712, 3132, 4138 fin. , 5138, 5502, 6343, 7945, 8339; inde patet quod aliud significetur per ‘inimicum agere in inimicos’ et aliud per ‘hostem agere in hostes’, et quod hoc non sit repetitio solum propter exaltationem rei.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

Ze Swedenborgových děl

 

Arcana Coelestia # 8339

Prostudujte si tuto pasáž

  
/ 10837  
  

8339. ‘In tympanis et choreis’: quod significet celebrationem ex gaudio et laetitia, constat ex significatione ‘tympani’ quod praedicetur de affectione boni spiritualis, seu de bono veri, et quod significet ejus jucundum seu gaudium, de qua mox supra n. 8337; et ex significatione ‘choreae’ quod praedicetur de affectione veri spiritualis 1 , et quod significet ejus amoenum seu laetitiam, de qua sequitur. Antiquis temporibus testificata fuit laetitia cordis non modo per instrumenta 2 musica et per cantus, sed etiam per choreas; gaudia enim cordis seu interiora 3 in corpore 4 erumpebant in varios actus, ut in cantus et quoque in choreas; quia antiquis temporibus laetitiae quae reliquis praecelluerunt fuerunt laetitiae spirituales, hoc est, ex affectionibus 5 amorum spiritualium, quae fuerunt boni et veri, ideo quoque tunc licuit cantibus et harmoniis musicis adjungere choreas, et sic quoque his modis 6 testificari gaudium; inde est quod ‘choreae’ in Verbo memorentur, et per illas significantur laetitiae affectionum veri seu fidei ex bono seu charitate, ut apud Jeremiam,

Denuo adornabis tympana tua, et exibis in 7 choream ludentium. Fiet anima illorum sicut hortus irriguus, et non addent dolere amplius, tunc laetabitur virgo in chorea, et adolescentes et senes simul, 31:4, 12, 13:

apud eundem,

8 Cessabit gaudium cordis nostri, conversa est in luctum chorea nostra, Threni 5:15:

apud Davidem,

Convertisti luctum meum in choream mihi, Ps. 30:12 [KJV Ps. 30:11]:

apud eundem,

Laudent nomen Ipsius in chorea, cum tympano et cithara psallent 9 Ipsi, Ps. 149:3, 150:4;

quod etiam gentiles in cultu suo divino 10 luserint et egerint choreas, constat in Exod. 32:6, 19.

[2] Gaudium et laetitia dicitur, quia ‘gaudium’ in Verbo praedicatur de bono 11 et ‘laetitia’ de vero; inde in Verbo pluries dicitur gaudium et laetitia, utrumque simul, ut apud Esaiam,

Ecce gaudium et laetitia occidere bovem, 22:13:

apud eundem,

Gaudium et laetitia assequentur, et fugient tristitia et gemitus, 35:10:

apud eundem,

Gaudium et laetitia invenietur in Zione, confessio et vox cantus, 51:3, 11:

apud Jeremiam,

Vox gaudii et vox laetitiae, et vox sponsi et vox sponsae, 12 33:11:

apud Sachariam, Jejunium decimi erit domui Jehudae in gaudium et laetitiam, 8:19:

apud Davidem,

Audire facies me gaudium et laetitiam, Ps. 51:10 [KJV Ps. 51:8];

in his locis quia ‘gaudium’ praedicatur de bono et ‘laetitia’ de vero, utrumque dicitur, alioquin fuisset una vox satis; talis est locutio sancta quae in Verbo, ex causa ut in singulis ibi sit conjugium caeleste, hoc est, boni et veri, n. 683, 793, 801, 2173, 2516, 2712, 4138 fin. , 5138, 5502, 7945.

Poznámky pod čarou:

1. The Manuscript inserts seu veri fidei.

2. musices

3. in altered to e

4. erumpunt

5. The Manuscript inserts quae.

6. celebrare Deum; inde quoque choreae etiam in Verbo memorantur, et per illas ibi significantur laetitiae affectionum veri fidei

7. The editors of the third Latin edition made a minor correction here. For details, see the end of the appropriate volume of that edition.

8. Cessavit

9. The editors of the third Latin edition made a minor correction here. For details, see the end of the appropriate volume of that edition.

10. luderent seu agerent

11. at

12. The editors of the third Latin edition made a minor correction here. For details, see the end of the appropriate volume of that edition.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org