Arcana Coelestia # 622
622. Quod ‘corrumpere’ de persuasionibus, constat apud Esaiam,
Non facient malum, et non corrumpent in toto monte sanctitatis Meae, quia plena erit terra scientia 1 a cum Jehovah, 11:9;
et similiter, cap. 65:25,
ubi ‘malum facere’ spectat voluntatem seu cupiditates, ‘corrumpere’ intellectum seu persuasiones falsi:
apud eundem,
Vae genti peccatrici, populo gravi iniquitate, semini malefacientium, filiis corruptoribus, 1:4;
ibi, ut alibi, ‘gentes et semen malefacientium’ pro malis quae sunt voluntatis seu cupiditatum; ‘populus et filii corruptores’ pro falsis quae sunt intellectus seu persuasionum:
apud Ezechielem,
Corrupta es prae iis in omnibus viis tuis, 16:47;
ibi ‘corrumpere’ de iis quae sunt intellectus, rationis seu cogitationis, ‘via’ enim est vox significans veritatem:
apud Davidem,
Corruptum fecerunt, et abominabile fecerunt opus, Ps. 14:1;
ubi ‘corruptum’ pro diris persuasionibus, et ‘abominabile’ pro foedis cupiditatibus, quae in opere, seu a quibus opus:
apud Danielem,
Post septimanas sexaginta et duas excidetur Messias, 2 et non Illi; et civitatem et sanctuarium corrumpet populus ducis venturi, et finis ejus cum inundatione, 9:26;
similiter ‘corrumpere’ pro persuasionibus falsi, de quibus praedicatur ‘inundatio’.
Poznámky pod čarou:
1. In n. 28 and 9755 Swedenborg has scientia Jehovae.
2. Schmidius has sed non sibi, which Swedenborg has in Coronis 32 and Apocalypsis Explicata 315 fin. ; where we read sed non sibi, significat quod revicturum sit apud illos qui in nova Ecclesia; and he compares it with Apocalypsis 1:18.
Esaias 53:9
9
Et dabit impios pro sepultura, et divitem pro morte sua, eo quod iniquitatem non fecerit, neque dolus fuerit in ore ejus.