5304. ‘Et bonum fuit verbum in oculis Pharaonis’: quod significet complacentiam naturalis, constat ex significatione ‘bonum esse verbum’ quod sit placere; ‘in oculis’ dicitur ex sollemni loquendi formula, quia ‘oculus’ significat visum interiorem, ita intellectum, perceptionem, advertentiam, et plura quae illius visus sunt, n. 2701, 2789, 2829, 3198, 3202, 3820, 4083, 4086, 4339, 4403-4421, 4523-4534; inde per ‘bonum fuit verbum in oculis’ significatur complacentia; et ex repraesentatione ‘Pharaonis’ quod sit naturale, de qua saepe prius.