4456. ‘Multiplicate super me valde dotem et donum, et dabo quemadmodum dicitis ad me’: quod significet quod acceptabit illa quae apud illos, et faciet sua, nempe externa Ecclesiae quae illorum, cum internis quae sua, ac ita simul unam Ecclesiam constituent, constat ex significatione ‘dare quemadmodum dicitis’ quod sit unum facere cum illis quoad verum et bonum, de qua mox supra n. 4455; ipsa ‘dos et donum ¹ ’ quae dixit ut multiplicarent super illum, significat consensum in unum, nam dos quae dabatur virgini desponsandae, erat tessera quod utrinque consensus ² ; dicit quod multiplicarent super illum valde dotem et donum, ac ita super statutum, quod erat quinquaginta argenti, ex causa quia cubuit cum illa antequam acceptavit eorum religiosum, et quod esset a parte Jacobi consentire vel renuere, secundum legem antiquis etiam notam, de qua Exod. 22:15, 16 [KJV 16, 17]; imprimis quia desiderata erat conjunctio, nempe interioris veri quod ‘Shechem’, cum affectione exterioris quae ‘Dinah’. Quod dos fuerit tessera consensus ² et sic confirmatio initiationis, est quia appendere seu dare argentum erat signum quod suum esset, ita quod virgo illius, et acceptare illud esset reciprocum, ita sponsa esset sponsi, et sponsus sponsae.

Poznámky pod čarou: