Arcana Coelestia # 4239
4239. ‘Misit Jacob nuntios coram se ad Esau fratrem suum’: quod significet communicationem primam cum bono caelesti, constat a significatione ‘mittere nuntios’ quod sit communicare; et a repraesentatione ‘Esavi’ quod sit bonum caeleste in naturali, de qua n. 3300, 3302, 3494, 3504, 3527, 3576, 3599, 3669. Agitur hic, ut supra n. 4234 1 dictum, de conjunctione veri Divini Naturalis, quod est ‘Jacob’, cum bono Divino ibi, quod est ‘Esau’; quare primum de illustratione Naturalis a Divino actum est, n. 4235; hic nunc de communicatione prima, quae significatur per quod ‘Jacob miserit nuntios ad Esavum fratrem’; quod etiam in Verbo bonum et verum sint ‘fratres’, videatur n. 367, 3303.
Poznámky pod čarou:
1. The First Latin Edition has 4231; the Manuscript omits it but inserts Arcana Coelestia 4234 after Jacob, where however it is deleted, and Arcana Coelestia n. 4231 is inserted after Esau.
