157. Quia ‘os de ossibus, et caro de carne’ significabat proprium externi hominis in quo internus, antiquitus vocabantur omnes ii os de ossibus et caro de carne qui proprii dici potuerunt, essentque ex una domo aut ex una familia aut in aliqua cognatione, ut Jacobus Labane, Utique os meum et caro mea tu, Gen. 29:14:

fratres matris, et familia domus patris matris, ab Abimelecho, Recordamini, quod os vestrum, et caro vestra, ego, Jud. 9:1-3:

etiam tribus Israelis de se ad Davidem, Ecce nos os tuum, et caro tua, nos, 2 Sam. 5:1.