Arcana Coelestia # 3261
3261. ‘Et habitabat Jishak cum Beer-lahai-roi’: quod significet Divinum Rationale Domini in Divina luce, constat a significatione ‘habitare’ quod sit vivere, de qua n. 1293; et a significatione ‘Beer-lahai-roi’ quod sit Divinum Bonum Rationale ex ipso Divino Vero natum, de qua n. 3194; inde sensus proximus est quod viveret seu esset Divinum Rationale 1 cum Divino Bono quod ex ipso Divino Vero natum, 2 sed non erat ibi, quare non dicitur in Beer-lahai-roi, sed ‘cum’ Beer-lahai-roi, hoc est, si interpreteris, Cum fonte vivi videntis me, quod est cum Divino illo Bono; Jishak enim habitabat in terra meridiei, secundum illa quae in capite praecedente Gen. 25:62, ubi ita, ‘Et Jishak venit a veniendo Beer-lahai-roi, et ille habitans in terra meridiei’; et quia ibi per ‘terram meridiei’ significatur Divina lux inde, n. 3195, idcirco hic non aliud significatur.
Poznámky pod čarou:
1. The Manuscript deletes in, cum. The First Latin Edition has in, but see two lines below.
2. The Manuscript has at
