2151. Quod ‘cucurrit Abraham obviam illis’ significet quod propius accesserit ad illa quae percipiebantur, constat ex serie rerum in sensu interno, agitur enim in versu praecedente de perceptione Domini in qua fuit; in hoc versu, quod animadverteret perceptione: ex Divino, hic nunc quod propius accesserit ad eam, repraesentatur et sic significatur per quod ‘cucurrit obviam illis’.