Title: All These Things Shall Be Added to You

Topic: Salvation

Summary: Passages in Scripture prepare us for hardship and loss in the short run and joy and abundance in the long run.

Use the reference links below to follow along in the Bible as you watch.

References:
Matthew 6:31; 12:28
Genesis 1; 4
Matthew 21:28, 43
Mark 12:28
Luke 17:20-21
John 3:3
Galatians 5:14, 24
Psalms 16:8; 84:10-11
Matthew 25:20, 29
Luke 6:20, 35, 38
Genesis 1:22, 28; 8:17; 9:1; 17:20; 28:3
Ezekiel 36:25, 29, 34-35
Mark 4:30
Revelation 22:12, 14

675. Quod Circumcisio fuerit instituta, in signum, quod homines Ecclesiae Israeliticae essent ex posteritate Abrahami, Isaci et Jacobi, constat ex his, "Dixit Deus ad Abrahamum, hoc foedus Mecum, quod observabitis inter Me et inter vos, et inter semen tuum post te; circumcide vobis omnem masculum, et circumcidetis carnem praeputii vestri, ut sit in signum foederis inter Me et vos," Genesis 17:9-11. ¹ Quod foedus seu ejus signum postea confirmatum est per Mosen, Leviticus 12:1-3. Et quia Ecclesia illa per illud signum a reliquis distinguebatur, ideo antequam filii Israelis transgressi sunt Jordanem, mandatum erat, ut iterum circumciderentur, Joshua V. causa fuit, quia Terra ² Canaan repraesentabat ³ Ecclesiam, et Jordanes fluvius introductionem in illam: et insuper ut in ipsa terra ⁴ Canaane illius signi recordarentur, mandatum est hoc, "Quando veneritis in Terram, et plantaveritis quamcunque Arborem cibi, praeputiabitis praeputium fructus ejus; tribus annis erit vobis praeputiatus, non comedetur," Leviticus 19:23.

[2] Quod Circumcisio repraesentaverit et inde significaverit rejectionem concupiscentiarum carnis, et sic purificationem a malis, simile quod Baptismus, constat ex locis in Verbo, ubi dicitur, quod circumciderent Cor, ut in his, "Moses dixit, circumcidite praeputium cordis vestri, cervicem vestram ne indurate, Deuteronomius 10:16. Circumcidet Jehovah Deus cor tuum, et cor seminis tui, ut diligas Jehovam Deum tuum, ex toto corde tuo, ex tota anima tua, quo vivas," Deuteronomius 30:6. Et apud Jeremiam, "Circumcidite vos Jehovae, ut removeat praeputia cordis vestri, vir Jehudae et habitatores Hierosolymae, ne exeat sicut ignis ira mea propter malitiam operum vestrorum," 4:4. Et apud Paulum, "In Jesu Christo neque Circumcisio aliquid valet, neque Praeputium, sed Fides per Charitatem operans, et nova Creatura," Galatas 5:6; 6:15.

[3] Ex his nunc patet, quod loco circumcisionis institutus sit Baptismus, quia per circumcisionem carnis repraesentata est circumcisio cordis, quae etiam significat purificationem a malis, nam mala omnis generis assurgunt ex carne, ac praeputium significat spurcos amores ejus; quoniam circumcisio et baptismi lavatio simile significant, ideo dicitur apud Jeremiam, "Circumcidite vos Jehovae, ut removeat praeputia ⁵ cordis vestri," 4:4et paulo post, Lava ⁶ a malitia cor tuum, Hierosolyma, ut serveris, Vers. 14. Quid Circumcisio et Lavatio cordis, docet Dominus apud Matthaeum 15:18-19.

Poznámky pod čarou: