Arcana Coelestia # 8937
8937. ‘Greges tuos et armenta tua’: quod significet bona interna et externa, constat ex significatione ‘gregum’ quod sint bona interna, et ex significatione ‘armentorum’ quod sint bona externa, de quibus n. 2566, 5913; quod per ‘greges’ significentur bona interna, est quia ad greges pertinent agni, oves, haedi, caprae, arietes, hirci, per quos significantur talia quae sunt innocentiae, amoris caelestis et spiritualis in interno homine; et quod per ‘armenta’ significentur bona externa, erat quia ad armenta pertinent boves, juvenci, vituli, per quos significantur talia quae sunt' boni et veri in externo homine; quid ‘boves’ significabant 1 , videatur n. 2180, 2566, 2781, quid ‘juvenci’ et ‘vituli’, n. 1824, 2830, quid ‘agni’, n. 3519, 2 3994, 7840, quid ‘oves’, n. 4169, quid ‘haedi’ et ‘caprae’, n. 3519, 4005, 4006, 4872, quid ‘arietes’, n. 2830, 4170, et quid ‘hirci’, n. 4169 fin. , 4769.
Poznámky pod čarou:
1. significant
2. The editors of the third Latin edition made a minor correction here. For details, see the end of the appropriate volume of that edition.