6
Credidit Abram Deo, et reputatum est illi ad justitiam.
1711. Vers. 15. Et distribuit se super eos noctu, ille et servi illius, et percussit eos, et persecutus est eos usque ad Hobam, quae a sinistra Damasco. ‘Distribuit se super eos noctu’ significat umbram in qua fuerunt bona et vera apparentia: ‘ille et servi illius’ significat Rationalem Hominem et quae in Externo oboediverunt: ‘et percussit eos’ significat vindicationem: ‘et persecutus est eos usque ad Hobam quae a sinistra Damasco’ significat extensionem quousque.