12
Et quasi subcinericium hordeaceum comedes illud, et stercore quod egreditur de homine operies illud in oculis eorum.
Ezechiel 4:12
Arcana Coelestia # 4759
4759. ‘In viginti argenti’: quod significet aestimationem, constat ex significatione ‘viginti’ quod sint bonum et verum in interiore homine reconditum a Domino, quae ‘reliquiae’ vocantur, de qua n. 2280, ita sanctum bonum aut verum, hic sanctum verum quia ‘viginti argenti’ dicitur, ‘argentum’ enim est verum, n. 1551, 2954; idem numerus quoque significat non sanctum quia pleraque in Verbo etiam oppositum sensum habent, hic non sanctum respective ad illos qui abalienarunt Divinum Verum seu vendiderunt Josephum 1 ,
n. 4758, at sanctum respective ad illos qui receperunt seu emerunt; ita non sanctum respective ad fratres Josephi, hoc est, ad illos in Ecclesia qui in fide separata sunt, at sanctum respective ad Jishmaelitas, hoc est, ad illos qui in simplici bono; haec sunt quae per aestimationem intelliguntur. Quod ‘viginti’ etiam significent non sanctum, est quia viginti sunt ‘reliquiae’, ut supra dictum; qui non habent reliquias boni et veri in interiore suo homine 2 , sed loco eorum malum et falsum, illis sanctum non est sanctum, sed est secundum genus mali et falsi vel spurcum vel profanum.
[2] Quod ‘viginti’ etiam sint non sanctum, constat apud Zachariam,
Vidi, et ecce volumen volans; et dixit ad me, Quid tu vides? cui dixi, Video volumen volans, longitudo ejus viginti ulnae, latitudo ejus decem ulnae: et dixit ad me, Haec maledictio exiens super facies totius terrae, 5:1-3:
apud Haggaeum, Cum veniret ad torcular ad hauriendum quinquaginta e torculari fuit viginti; percussi vos uredine, et rubigine omne opus manuum vestrarum, 2:16 [17]:
[3] apud Ezechielem,
Cibus tuus quem comedes pondere, viginti sicli in diem, de tempore usque in tempus 3 comedes illum; ... et quidem placentam hordeorum comedes eam; quod ad illam, cum stercore fimi hominis facies in oculis illorum. Sic enim, dixit Jehovah, comedent filii Israelis panem suum immundum inter gentes, 4:10, 12, 13; in illis locis viginti pro non sancto, immundo et profano. Quod morerentur 4 omnes in deserto qui supra viginti annos, Num. 14:29, 32:11, repraesentabat etiam sanctum respective ad illos qui infra illos annos, et non sanctum respective ad illos qui supra.
Quod omnes numeri in Verbo significent res, videatur n. 482, 487, 575, 647, 648, 755, 813, 1963, 1988, 2075, 2252, [3252], 4264, 4495, 4670. 5 Quod ‘reliquiae’ sint bonum et verum in interiore homine reconditum a Domino, n. 468, 530, 560, 561, 576, 660, 798, 1050, 1738, 1906, 2284.
Poznámky pod čarou:
1. qui abalienarunt seu vendiderunt Josephum, hoc est, Verum Divinum
2. The Manuscript places this after eorum.
3. tempore, in the First Latin Edition
4. The following two (or in some cases more) words are transposed in the Manuscript.
5. The Manuscript inserts et.
Arcana Coelestia # 4264
4264. ‘Camelas lactantes et filios illarum triginta, juvencas quadraginta et juvencos decem, asinas viginti et pullos decem’:
quod significet servitia communia et specialia, constat ex significatione ‘camelarum et filiorum 1 illarum’, tum ‘juvencarum et juvencorum’, ut et ‘asinarum et pullorum illarum’, quod sint illa quae sunt naturalis hominis, de quibus aliquoties prius, de camelis n. 3048, 3071, 3143, 3145; de juvencis n. 1824, 1825, 2180, 2780, 2830; de asinabus, n. 2781; quod illa quae sunt naturalis hominis sint respective servitia, videatur n. 1486, 3019, 3020, 3167; inde est quod per illa 2 significentur servitia communia et specialia. Quod attinet numerum caprarum quod ducentae 3 ,
caprorum quod viginti, ovium quod ducentae, arietum quod viginti, camelarum et filiorum earum quod triginta, juvencarum quod quadraginta, juvencorum quod decem, asinarum quod viginti, et pullorum illarum quod decem, sunt arcana quae absque multa explicatione et ampla deductione, aperiri nequeunt; omnes enim numeri in Verbo significant res, n. 482, 487, 575, 647, 648, 755, 813, 1988, 2075, 2252, 3252, et quid significant, ostensum est ubi in praecedentibus occurrerunt:
[2] et quoque miratus sum quandoque quod loquela angelorum cum in mundum spirituum delapsa, etiam in varios numeros ceciderit; tum quod ubi numeri in Verbo lecti sunt, ab angelis intellectae sint res; numerus enim nusquam penetrat in caelum, nam numeri sunt mensurae et spatii, tum temporis, et haec sunt mundi et naturae, quibus in caelis correspondent status et statuum mutationes: antiquissimi qui caelestes homines fuerunt et communicationem cum angelis habuerunt, noverunt quid per singulos numeros, etiam per compositos significaretur, inde significatio illorum derivata est ad posteros, et ad filios Antiquae Ecclesiae: haec sunt quibus homo Ecclesiae hodie, qui nihil sanctius in Verbo credit reconditum esse quam quod in littera apparet, fidem vix adhibeat.
Poznámky pod čarou:
1. The manuscript has earum.
2. The Manuscript inserts omnia.
3. The Manuscript and the First Latin Edition have this and following numbers of this [ ] in Arabic notation.
