10
Tu autem, fili hominis, ostende domui Israël templum, et confundantur ab iniquitatibus suis, et metiantur fabricam,
10
Tu autem, fili hominis, ostende domui Israël templum, et confundantur ab iniquitatibus suis, et metiantur fabricam,
9658. ‘Ita 1 erit ambobus illis ad duos angulos erunt’: quod significet similem conjunctionem ubivis, constat ex significatione ‘amborum’ seu duorum 2 , quod sint conjunctio, de qua supra n. 9655, quia hoc utrinque, significatur conjunctio similis ubivis, nam asseres geminati ad binos 3 angulos spectabant ad omnem plagam; ita construebant bina crura ad binos angulos, et spectare ad omnem plagam est ubivis; et quia utrinque similiter, est ubivis similis conjunctio.
Poznámky pod čarou:
1. Et, in the Manuscript, the First Latin Edition.
2. (deletes) amborum et duorum
3. The Manuscript inserts illos.
5265. ‘Septem vaccae bonae septem anni eae’: quod significet status multiplicationis veri in interiore naturali, constat ex significatione ‘vaccarum’ quod in bono sensu sint vera interioris naturalis, de qua n. 5198; et ex significatione ‘annorum’ quod sint status, de qua n. 482, 487, 488, 493, 893; quod septem fuerint, est quia ‘septem’ significant sanctum et inde adjiciunt sanctitatem rei de qua agitur, n. 395, 433, 716, 881; et quoque involvunt integram periodum a principio ad finem, n. 728; inde est quod septem vaccae et septem aristae in somnio visae sint, et dein quod septem anni abundantiae annonae, et septem anni famis fuerint; inde quoque est quod septimus dies sanctificatus sit, et quod septimus annus in Ecclesia repraesentativa fuerit annus sabbatarius, et quod post septies septem annos Jubilaeum;
[2] quod ‘septem’ significent sancta est ex 1 significatione 'numerorum in mundo 2 spirituum; unusquisque numerus ibi aliquam rem involvit; aliquoties mihi ad visum apparuerunt numeri, simplices et compositi, semel etiam in longa serie, et miratus quid significarent; et dictum quod existerent ex loquela angelica, et quod res quoque per numeros quandoque soleant exprimi; qui numeri non apparent in caelo sed in mundo spirituum, ubi talia ad visum sistuntur; hoc antiquissimi qui caelestes homines fuerunt et cum angelis locuti sunt, norunt, et inde computum ecclesiasticum per numeros formarunt, per quos exprimebant universaliter illa quae per voces singulariter; sed quid unusquisque numerus involverat, non mansit apud posteros, solum quid significarent numeri simplices, nempe duo, tria, sex, septem, octo, duodecim, et inde viginti quatuor, septuaginta duo, et septuaginta septem; imprimis quod per ‘septem’ significaretur sanctissimum, nempe in supremo sensu Ipsum Divinum, et in sensu repraesentativo caeleste amoris; inde est quod status hominis caelestis significatus sit per diem septimum, n. 84-87.
[3] Quod numeri significent res, patet manifeste a numeris quamplurimis 3 in Verbo, ut ab his apud Johannem, Qui habet intelligentiam, computato numerum bestiae, numerus enim hominis est, nempe, numerus ejus est sexcenta sexaginta sex, Apoc. 13:18: et alibi apud eundem,
Angelus mensus est murum 4 sanctae Hierosolymae centum quadraginta quatuor cubitorum, quae est mensura hominis, hoc est, angeli, Apoc. 21:17;
numerus centum quadraginta quatuor est ex duodecim in se multiplicatis, et ex 5 bis septuaginta duo.
Poznámky pod čarou:
1. significativo
2. spirituali
3. The Manuscript inserts qui.
4. civitatis sanctae
5. his, in the First Latin Edition