Arcana Coelestia # 9228
9228. Quod ‘septem’ significent integram periodum a principio ad finem, ita plenum, constat a pluribus locis in Verbo, ut apud Esaiam,
Erit lux lunae sicut lux solis, et lux solis erit septupla, sicut lux septem dierum, in die quo obligabit Jehovah fracturam populi Sui, 30:26;
agitur ibi de salvatione fidelium ac de intelligentia et sapientia eorum in regno Domini; ‘luna’ est fides a Domino, ita fides in Dominum, et ‘sol’ est amor a Domino, ita amor in Dominum, n. 30-38, 1521, 1529-1531, 2441, 2495, 3636, 3643, 4060, 4321 fin. , 4696, 5377, 7078, 7083, 7171, 8644; ‘lux solis septupla, sicut lux septem dierum’ est status plenus intelligentiae et sapientiae ex amore et fide in Dominum:
[2] apud Ezechielem,
Exibunt habitatores urbium Israelis, et incendent ac comburent arma, et scutum et clypeum, cum arcu et cum telis, et cum baculo manus, et cum hasta; 1 accendent illis ignem septem annis, ut non adferant ligna ex agro, neque excidant ex silvis: et mundabunt terram septem mensibus, 39:9, [10, ] 12; agitur ibi de destructione falsi; ‘arma’ quae ibi recensentur sunt falsa per quae pugnant mali contra vera Ecclesiae, ‘accendere illis ignem septem annis’ significat destructionem 2 plenariam per cupiditates amorum sui et mundi, ‘ut non adferant ligna ex agro, neque excidant e silvis’ significat 3 dum nihil boni supersit, neque in interiore homine neque in exteriore, ‘mundare terram septem mensibus’ significat plenariam restitutionem boni et veri in Ecclesia; quod ‘arma’ sint vera pugnantia contra falsa, et in opposito sensu falsa pugnantia contra vera, 4 quod ‘arcus cum telis’ sint doctrinalia veri, et in opposito sensu doctrinalia falsi, 5 quod ‘baculus manus’ sit potentia veri, et in opposito sensu potentia falsi, 6 quod ‘incendere et comburere’ sit vastare per cupiditates amorum sui et mundi, 7 quod ‘ligna ex agro’ sint bona interiora Ecclesiae, et ‘ex silvis’ scientifica boni et veri, et 8 quod ‘terra’ sit Ecclesia, ostensum est plurimis in locis; quisque videre potest quod 9 ibi alia significentur quam quae in littera exstant, sicut quod 10 comburerent arma, et incenderent ignem septem annis, ut non adferant ligna ex agro, 11 nec excidant ex silvis; 12 quod usque 13 significentur sancta ac Divina scitur, quia Verbum est sanctum et ex Divino; sed quae sancta ac Divina in illis verbis continentur, nullatenus sciri potest nisi sciatur quid significant ‘arma’, quid ‘septem anni’, 14 et ‘septem menses’, quid ‘ligna ex agro’ et 15 ‘ligna ex silvis’; inde patet quod prophetica 16 illa absque notitia ex sensu interno 17 prorsus non capiantur:
[3] apud Davidem,
Septies in die laudo Te super judiciis justitiae Tuae, 164 18 :
apud eundem,
Retribue vicinis septuplum in sinum eorum, Ps. 79:12; 'septuplum' est ad plenum: similiter apud Moschen, Quod septuplum punirentur si transgrederentur praecepta et statuta, Lev. 26:18, 21, 24, 28.
Qui non scit quod ‘septem’ significent integram periodum a principio ad finem, et inde plenum, credet quod ‘septem septimanae’ significent septem tempora apud Danielem,
Scito et percipito, ab exitu Verbi ad usque restituendum et ad aedificandum Hierosolymam, usque ad Messiam Principem, septimanae septem, 9:25;
sed ‘ 19 septimanae septem usque ad Messiam Principem’ significant id quod dicitur de Domino, quod venturus in plenitudine temporum, ita 20 significant integram periodum 21 . Inde patet quod septem spiritus coram throno Dei, Apoc. 1:4, liber obsignatus septem sigillis, Apoc. v i, et septem angeli habentes septem phialas, quae sunt plagae septem ultimae, Apoc. 15:1, 6, 7, 21:9, non sint septem spiritus, nec septem sigilla, nec septem angeli, septem phialae, ac septem plagae, quae significantur, sed quod sint omnia usque ad plenum; pariter quod sterilis pareret septem, I Sam. 2:5, non sint septem sed multum usque ad plenum.
[4] Quia ‘septem’ talia significabant, ideo statutum est quod sacerdos septem diebus indutus esset vestibus cum initiaretur, Exod. 29:30, quod septem diebus implerentur manus ejus, ibid. vers. 35, septem diebus sanctificaretur altare, ibid. vers. 37, quod initiati in sacerdotium non 22 decederent a tentorio septem diebus, Lev. 8:33, 34; 23 similiter, spiritus immundus exiens ex homine, et revertens cum septem aliis, Matth. 12:43-45; Luc. 11:26, tum si frater septies in die peccaverit et septies conversus fuerit, quod ei remittetur, Luc. 17:4, quod cor Nebuchadnezaris mutaretur ab homine, et cor bestiae daretur ei, dum septem tempora transiverint, Dan. 4:12, 22, 29 [KJV 15, 25, 32]; inde quoque erat quod amici Hiobi in terra septem dies et septem noctes sederint cum illo, et nihil locuti ad illum, Hiob. 2:13. Quod septuaginta similiter significent plenum, videatur n. 6508, tum quoque septimana, n. 2044, 3845. Ex his nunc constare potest quod per 'octavum diem' significetur principium status sequentis.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
2. The Manuscript inserts eorum.
3. ut
4. The following word or phrase is crossed out in the Manuscript, but it does appear in the first edition.
5. The Manuscript places this after manus.
6. The Manuscript places this after comburere.
7. The Manuscript places this after agro.
8. The following two (or in some cases more) words are transposed in the Manuscript.
9. haec significent alia
10. accenderent armis ignem
11. The Manuscript deletes et and inserts nec in the Manuscript, et, in the First Latin Edition and in the Second Latin Edition.
12. quid
13. significent
14. quid ignis
15. The Manuscript inserts quid.
16. Verbi
17. parum
18. The editors of the third Latin edition made a minor correction here. For details, see the end of the appropriate volume of that edition.
19. The following two (or in some cases more) words are transposed in the Manuscript.
20. significat, in the Manuscript, the First Latin Edition.
21. The Manuscript inserts quae intercedit.
22. The editors of the third Latin edition made a minor correction here. For details, see the end of the appropriate volume of that edition.
23. pariter quod amici Hiobi in terra septem dies et septem noctes sederint cum illo, et nihil loquuti ad illum, Job 2:13, ut et quod cor Nebuchadnezaris mutaretur abhomine, et cor bestiae daretur ei dum septem tempora transiverint super eum, Dan. 4:12, 22, 29, sic et perpluries alibi septem non significant septem, sed plenam periodum, ut et abstracte a periodo, ad plenum
Arcana Coelestia # 402
402. Quod per ‘urbem aedificatam’ significetur omne doctrinale et haereticum inde, constat ex Verbo ubicumque nomen alicujus urbis occurrit; ibi nusquam significatur urbs sed doctrinale quoddam, aut haereticum; nam quid urbs, et quid aliquod nomen urbis, prorsus ignorant angeli; nusquam aliquam urbis ideam habent nec possunt habere, quia in spiritualibus et caelestibus ideis sunt, ut ostensum prius; sed modo percipiunt quid significant; ut per ‘civitatem sanctam’, quae etiam ‘sancta Hierosolyma’ appellatur, nihil aliud intelligitur quam regnum Domini in universali, seu in unoquovis in particulari in quo regnum Domini; per ‘civitatem seu montem Zionis’ similiter; per hunc caeleste fidei, per illam spirituale fidei:
[2] ipsumque caeleste et spirituale describitur quoque per civitates, palatia, domos, muros, fundamenta murorum, antemuralia, portas, vectes; et in medio, templum; ut apud Ezech. xlviii; in Apoc. 21:15 ad fin; vocatur Sancta Hierosolyma, ibid. vers. 2, 10, 10;
apud Jer. 31:38;
apud Davidem, ‘Civitas Dei, sanctum habitaculorum Altissimi’, Ps. 46:5 [KJV Ps. 46:4];
apud Ezech. vocatur ‘Civitas, Jehovah ibi, Ezech. 48:35; de qua apud Esaiam,
Aedificabunt filii alienigenae muros tuos, ... incurvabunt se ad volas pedum tuorum, omnes reprobantes te, vocabuntque te Civitatem Jehovae, Zion Sancti 1 Israelis, 60:10, 14:
apud Zachariam,
[Vocabitur] Hierosolyma civitas veritatis; et mons 2 Zionis, mons sanctitatis, 8:3;
ubi ‘civitas veritatis seu Hierosolyma’ significat spiritualia fidei, et ‘mons sanctitatis seu Zionis’ caelestia fidei. Sicut caelestia et spiritualia fidei repraesentata sunt per civitatem, ita omnia doctrinalia significata sunt per ‘civitates, Jehudae et Israelis’, quae etiam dum nominantur, significant in specie aliquid doctrinale; sed quodnam, nemo scire potest nisi ex sensu interno.
[3] Sicut per ‘urbes’ significata sunt doctrinalia, etiam per ‘urbes’ significata sunt haeretica; et cum nominantur, etiam in specie aliquod haereticum significant; nunc solum quod ‘urbs’ in genere significet doctrinale vel haereticum, a sequentibus locis constare potest;
apud Esaiam,
[4] In die illo, erunt quinque urbes in terra Aegypti, loquentes labio Canaanis, et jurantes Jehovae Zebaoth, urbs Heres dicetur uni, 19:18;
ubi agitur de scientia spiritualium et caelestium tempore Adventus Domini:
apud eundem,
Tumultibus plena, urbs tumultuans, urbs exsultans, 22:1, 2;
ubi agitur de valle visionis seu phantasia:
apud Jeremiam,
Urbes meridiei clausae sunt, nec aperiens, 13:19;
ubi agitur de illis qui ‘in meridie’ seu in luce veritatis sunt, et eam exstinguunt:
apud eundem,
Cogitavit Jehovah perdere murum filiae Zionis, lugere facit promurale, ac murum, simul infirmati sunt; subsiderunt in terram portae ejus, perdidit et confregit vectes ejus, Thren. 2:8, 9;
ubi quisque videre potest quod per ‘murum, antemurale, portas et vectes’ non intelligantur alia quam doctrinalia: similiter apud Esaiam,
Cantabitur canticum hoc in terra Jehudae, Urbs valida nobis, salus ponet muros, et antemurale; aperite portas, ut ingrediatur gens justa, custodiens fidelitates, 26:1, 2:
apud eundem,
Exaltabo Te, confitebor Nomini Tuo, ... posuisti de urbe in acervum, urbem munitam in ruinam, palatium alienorum de urbe in saeculum non aedificetur; propterea honorabunt Te populus validus, urbs gentium formidabilium timebunt Te, 25:1-3;
ubi nec agitur de aliqua urbe: in prophetia Bileami, Erit Edomus hereditas, ... et dominabitur de Jacobo, et perdere faciet residuum de urbe, Num. 24:[18], 19; ubi quisque videre potest quod ‘urbs’ non significet urbem:
apud Esaiam,
Fracta est urbs inanitatis, clausa est omnis domus, ut non intret, clamor super vino in plateis, 24:10, 11;
ubi ‘urbs inanitatis’ pro inanitatibus doctrinae; ‘plateae’ hic et alibi significant quae sunt urbis, falsa aut vera:
apud Johannem,
Cum septimus angelus effudit phialam, ... disrupta est urbs magna in tres partes, et urbes gentium ceciderunt, Apoc. 16:[17, ] 19;
quod ‘urbs magna’ sit haereticum et quod ‘urbes gentium’ similiter, cuivis constare potest; explicatur etiam quod urbs magna sit mulier quam vidit, Apoc. 17:18;
quod ‘mulier’ sit talis Ecclesia, prius ostensum est.
Poznámky pod čarou:
1. sancti in the First Latin Edition
2. The Hebrew = ‘mountain of the Lord of Hosts’, but ‘Zion’ occurs earlier in the verse.
