Arcana Coelestia # 9142
9142. ‘Ex optimo agri sui et ex optimo vineae suae rependet’: quod significet restitutionem ex bonis et veris adhuc integris, constat ex significatione ‘agri’ quod sit bonum Ecclesiae, et ex significatione ‘vineae’ quod sit verum Ecclesiae, de quibus supra n. 1 9139; ‘optimum’ dicitur quod post consumptionem adhuc est integrum; et ex significatione ‘rependere’ quod sit restitutio, de qua n. 9087.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
Arcana Coelestia # 2451
2451. Quod ‘omnes habitatores urbium’ significet quod ab illis separarentur omnia bona ut non nisi quam mala iis essent, constat significatione ‘habitatorum’ cum praedicantur de urbe quod sint bona, ut a pluribus in Verbo confirmari potest; etiam inde patet quod cum ‘urbs’ significat verum, ut ostensum, ‘habitator’ sit bonum, nam verum est in quo bonum habitat; et verum in quo non bonum, est sicut urbs vacua seu absque habitatore. Praeterea quod a malis separentur etiam omnia bona ut non nisi quam mala iis sint, videatur supra n. 2449.