11
Et erit in die illa : dabo Gog locum nominatum sepulchrum in Israël, vallem viatorum ad orientem maris, quæ obstupescere faciet prætereuntes : et sepelient ibi Gog, et omnem multitudinem ejus, et vocabitur vallis multitudinis Gog.
Ezechiel 39:11
Arcana Coelestia # 9141
9141. ‘Et desolaverit in agro alterius’: quod significet consumptionem bonorum cohaerentium, constat ex significatione ‘desolare’ quod sit deprivare per cupiditates, ita consumere, de qua sequitur, et ex significatione ‘in agro alterius’ quod sint bona cohaerentia, ‘ager’ enim est Ecclesia, et quae in agro sunt bona, n. 9139, ita quae ‘in agro alterius’ sunt bona propinqua quae cohaerent; nam bona apud hominem se habent sicut generationes in terra 1 , et inde sunt quae in varia propinquitate et cohaerentia, n. 9079; quae non in eadem domo sunt, aut in eadem familia quae simul 2 , sed usque affinia, sunt quae intelliguntur per ‘esse in agro alterius’.
[2] Quod ‘desolare’ sit deprivare per cupiditates et sic consumere, est quia per vocem 3 qua in lingua originali exprimitur ‘desolare’, proprie significatur incendere et comburere 4 , inde quoque depascere et consumere; et quia inde 5 derivatio illius vocis, per ‘desolare’ hic significatur consumptio quae fit per cupiditates, cupiditates enim apud hominem sunt ignes qui consumunt; est enim apud hominem ignis vitae et lux vitae; ignis vitae est amor ejus, et lux vitae est fides ejus; amor boni, hoc est, amor in Dominum et amor erga proximum, faciunt ignem vitae apud hominem bonum et apud angelum caeli, et amor veri ac fides veri 6 faciunt lucem vitae apud illos 7 ; ast amor mali, hoc est, amor sui et amor mundi, faciunt ignem vitae apud hominem malum et apud spiritum inferni, ac amor falsi et fides falsi 6 faciunt lumen vitae apud illos 7 ; sed amor mali vocatur in Verbo combustio ignis, quia comburit et consumit illa quae amoris boni et veri sunt; quod combustio ignis id sit, videatur n. 1297, 1861, 5215, 9055.
[3] Quod consumptio per cupiditates per illam vocem in lingua originali significetur, patet a sequentibus his locis:
apud Esaiam,
Jehovah in judicium veniet cum senioribus populi Sui, et principibus ejus; vos consumpsistis (succendistis) vineam, 3:14:
apud eundem,
Flatus Jehovae, sicut fluvius sulfuris, consumit (incendit) eum, 30:33;
‘fluvius sulfuris’ sunt falsa ex malis amoris sui et mundi, n. 2446:
[4] apud Ezechielem,
Exibunt habitatores urbium Israelis, et incendent ac comburent arma, et scutum et clypeum, cum arcu et cum telis, et cum baculo 8 manus, et cum hasta; accendent illis ignem septem annis, ut non adferant ligna ex agro, et 9 excidant ex silvis, 39:9, 10;
ita describitur consumptio et desolatio boni et veri 10 per cupiditates; sed quis hoc videbit nisi sciat quid significatur per habitatores urbium Israelis, 11 tum quid per ‘arma, scutum, clypeum, arcum cum telis’, per ‘baculum 12 manus et hastam’, per ‘septem annos’, perque ‘ligna ex agro et ex silvis’? quod ‘habitatores’ sint bona, videatur n. 2268, 2451, 13 2712, quod ‘urbes’ sint vera, et inde doctrinalia 14 ex Verbo, n. 2268, 2449', 2943, 3216, 4492, quod ‘Israel’ sit Ecclesia, n. 4286, 6426, 6637, inde ‘habitatores urbium Israelis’ sunt bona doctrinalium Ecclesiae, et in opposito sensu illa versa in mala et falsa; quod ‘scutum, clypeus, 15 tela quae arcus’ sint vera doctrinae e Verbo, per quae tutatio a falsis mali, n. 2686, 2709, 16 6422, quod ‘baculus 17 manus’ sit potentia veri ex bono, n. 4876, 7026, ‘hasta’ similiter, sed potentia interior; quod septem anni sint 18 status plenus, ita ad plenum, n. 6508, 8976, ita ‘accendere ignem septem annis’ est ad plenum consumere per cupiditates, ' ‘ligna ex agro sunt’ 19 bona interiora Ecclesiae, n. 3720, 8354, 20 et quod ‘ager’ sit Ecclesia, n. 2971, 3766, 7502, 7571, et ‘ligna ex silvis’ sunt 21 bona exteriora, n. 3220, 9011 fin. ; his cognitis 22 sciri potest quod per prophetica illa describatur consumptio 23 omnium quae Ecclesiae sunt per cupiditates, usque dum nihil boni et veri Ecclesiae internae et externae supersit, quod significatur per quod ‘accendent ignem septem annis, ut non adferant ligna ex agro, neque excidant ex silvis’.
[5] Per eandem vocem etiam describitur consumptio boni et veri Ecclesiae apud Malachiam,
Ecce dies veniens, ardens sicut clibanus, quo erunt omnes insolenter peccantes, et omnis operator malitiae, stipula; et consumet (accendet) eos dies veniens, dixit Jehovah Zebaoth, Qui non relinquet illis radicem aut ramum, 3:19 [KJV 4:1];
‘dies veniens’ est ultimum tempus Ecclesiae, quando amores sui et mundi regnaturi sunt et consumpturi omnia vera et bona Ecclesiae, usque dum nihil supersit in interno hominis et in externo ejus; quae significantur 24 per quod ‘non relinquet illis radicem aut ramum’; ‘radix’ boni et veri est in interno hominis, et ‘ramus’ est in externo 25 ; inde nunc patet quod per ‘desolare’ significetur consumptio per cupiditates, similiter alibi in Verbo.
Poznámky pod čarou:
1. terris
2. una est
3. The editors of the third Latin edition made a minor correction here. For details, see the end of the appropriate volume of that edition.
4. comburere et incendere
5. The Manuscript inserts est.
6. ejus
7. The Manuscript deletes illos and inserts illum.
8. The editors of the third Latin edition made a minor correction here. For details, see the end of the appropriate volume of that edition.
9. neque
10. The Manuscript inserts Ecclesiae.
11. per habitatores urbium Israelis in Sensu interno significatur
12. The editors of the third Latin edition made a minor correction here. For details, see the end of the appropriate volume of that edition.
13. The Manuscript inserts 2481, in the First Latin Edition, and inserts 2563 in the Second Latin Edition. The Manuscript has 2451 at the foot of the page and again at the beginning of the next page, which, in writing the copy for his printer, Swedenborg probably misread as 2481.
14. The Manuscript inserts quae.
15. si ac
16. The editors of the third Latin edition made a minor correction here. For details, see the end of the appropriate volume of that edition.
17. The editors of the third Latin edition made a minor correction here. For details, see the end of the appropriate volume of that edition.
18. septem anni quod sit
19. quod ligna ex agro sint
20. The following word or phrase is crossed out in the Manuscript, but it does appear in the first edition.
21. quod sint
22. The editors of the third Latin edition made a minor correction here. For details, see the end of the appropriate volume of that edition.
23. vastatio
24. quod significatur
25. The Manuscript inserts ejus.
Arcana Coelestia # 2686
2686. Quod ‘arcus’ sit doctrina veri, constat a significatione 'ejus; in Verbo ubicumque agitur de bellis et memorantur bella, in sensu interno non alia significantur bella quam spiritualia, n. 1664; fuerunt etiam libri in Antiqua Ecclesia qui inscripti Bella Jehovae, ut constat apud Mosen, Num. 21:14-16, quae prophetico stilo conscripta 1 sensum internum habuerunt, et egerunt de Domini pugnis et tentationibus, tum de Ecclesiae, et illorum qui ab Ecclesia; quod exinde patet quia aliqua inde desumpta sunt a Mose; tum quoque a libris aliis Ecclesiae istius, qui vocati Libri Enuntiatorum propheticorum, de quibus Num. 21:27-30, in quibus eadem paene verba sunt quae apud Jeremiam, conferantur Num. 21:28 et Jer. 48:45: ex quibus etiam concludi potest quod Antiquae Ecclesiae fuerint scripta tam historica quam prophetica, quae Divina et inspirata, et quae in interno sensu agebant de Domino ac Ipsius regno, et quod illa iis Verbum, sicut nobis libri historici et prophetici, qui in sensu litterae agunt de Judaeis et Israelitis, sed in sensu interno de Domino et de illis quae Ipsius sunt.
[2] Quia ‘bellum’ in Verbo, sicut etiam in Antiquae Ecclesiae libris, significabat bellum spirituale, ita omnia arma, ut gladius, hasta, clypeus, scutum, tela, sagittae, et arcus significabant talia in specie quae sunt belli in spirituali sensu intellecti; de singulis armis, quid in specie significent, ex Divina Domini Misericordia, alibi dicetur; hic nunc quid ‘arcus’, quod nempe doctrinam veri, et hoc a telis, sagittis, seu 2 jaculis, quae sunt doctrinalia ex quibus et cum quibus pugnant illi imprimis qui spirituales sunt, qui inde olim dicti [sunt] jaculatores arcus:
[3] quod ‘arcus’ significet doctrinam veri, constare potest ab his locis:
apud Esaiam,
Jehovae tela acuta, et omnes arcus Ipsius tensi, ungulae equorum Ipsius sicut rupes reputantur, et rotae Ipsius sicut procella 3 , 5:28;
ibi de veris doctrinae agitur; ‘tela’ sunt vera spiritualia, ‘arcus’ doctrina, ‘ungulae equorum’ vera naturalia, ‘rotae’ doctrina eorum; quae quia talia significant, ideo Jehovae tribuuntur, Cui non tribui possunt nisi in sensu spirituali, aliter forent verba inania et non decentia:
apud Jeremiam,
Dominus tetendit arcum quum sicut inimicus 4 , constitit dextra Ipsius sicut hostis 4 , et occidit omnia desiderabilia oculi in tentorio filiae Zionis, effudit sicut ignem iram Suam Thren. 2:4;
‘arcus’ pro doctrina veri, quae apparet illis qui in falsis sicut 5 6 inimicum et hostile, non alius arcus praedicari potest de Domino:
apud Habakkuk, Jehovah equitas super equis Tuis, currus Tui salus, denudando denudabitur arcus Tuus, 3:8, 9;
ibi ‘arcus’ etiam est doctrina boni et veri:
apud Mosen,
Exacerbabunt eum, et jaculabuntur, odio habebunt eum sagittarii, sedebit in firmo arcus sui, et roborabuntur brachia manuum ipsius a manibus fortis Jacobi, inde pastor, lapis Israelis, Gen. 49:23, 24;
[4] ubi de Josepho; ‘arcus’ pro doctrina boni et veri:
apud Johannem, Vidi, cum ecce equus albus, et sedens super illo habens arcum, cui data est corona, Apoc. 6:2;
‘equus albus’ pro sapientia, ‘sedens super illo’ pro Verbo, ut dicitur manifeste, 19:13, ubi de equo albo iterum agitur; et quia ‘sedens super illo’ est Verbum, constat quod ‘arcus’ sit doctrina veri:
apud Esaiam,
Quis excitavit ab oriente justitiam, vocavit eum ad sequelam Sui, dedit coram Ipso gentes, et regibus dominari fecit? dedit sicut pulverem gladio Suo, sicut stipulam propulsam arcu Suo, 41:2;
ubi agitur de Domino, ‘gladius’ pro vero, 7 ‘arcus’ pro doctrina ab Ipso apud eundem,
Ponam in eis signum, et mittam ex eis evasores, ad gente Tarshish, Pul et Lud trahentes arcum, Tubal et Javan, 66:19;
‘trahentes arcum’ pro docentes doctrinam, quid Tarshish, videatur n. 1156; quid Lud, n. 1195, 1231; quid Tubal, n. 1151; quid Javan, n. 1152, 1153, 1155:
[5] apud Jeremiam,
Prae voce equitis et jacientis arcum, fugiens tota urbs, intrarunt in nubes, et in rupes ascenderunt, tota urbs deserta est, 4:29;
‘eques’ pro illis qui veram dicunt, ‘arcus’ pro doctrina veri, quam fugiunt seu timent illi qui in falsis:
apud eundem,
Disponite aciem contra Babelem circumcirca; omnes tendentes arcum jacite ad eam, ne parcatis telo, quia Jehovae peccavit, 50:14 8 , 50:29; 51:2, 3;
ubi ‘jacientes et tendentes arcum’ pro dicentibus et docentibus doctrinam veri:
[6] apud Zachariam, Exscindam currum ex Ephraimo, et equum ex Hierosolyma, et exscindetur arcus belli, et loquetur pacem gentibus, 9:10;
‘Ephraimus’ pro intellectu veri Ecclesiae, ‘arcus’ pro doctrina:
apud Samuelem, Lamentatus David lamentationem super Shaule, et super Jonathane, filio ejus, et dixit ad docendum filios Jehudae arcum, 2 Sam. 1:17 [18];
ubi de ‘arcu’ non agitur, sed de doctrinalibus fidei:
apud Ezechielem,
Dictum Domini Jehovih, Hic dies de quo locutus sum, et exibunt habitatores urbium Israelis, et succendent et comburent arma, et scutum, et clypeum, arcum et tela, et baculum manus et hastam, et succendent in illis ignem septem annis, 39:9;
arma ibi nominata sunt omnia arma belli spiritualis; ‘arcus cum telis’ pro doctrina et ejus veris: ipsa etiam vera separata a bonis apparent in altera vita, cum repraesentantur ad visum, sicut tela.
[7] Prout ‘arcus’ significat doctrinam veri, etiam in opposito sensu significat doctrinam falsi; similia in Verbo ut plurimum sensum oppositum habent, ut passim dictum et ostensum; ut apud Jeremiam,
Ecce populus veniens e terra septentrionis, et gens magna excitabitur e lateribus terrae, arcum et hastam prehendunt, crudelis illa, et non miserebuntur, vox eorum sicut mare tumultuabitur, super equis equitabunt, instructus tanquam vir ad bellum, contra te filia Zionis, 6:22, 23;
ubi ‘arcus’ pro doctrina falsi:
apud eundem,
Ecce populus veniens e septentrione, et gens magna, ac reges multi excitabitur a lateribus terrae, arcum et hastam tenent, crudeles illi, et non miserentur, 50:[41], 42;
similiter: apud eundem,
Tendunt linguam suam, arcus eorum mendacium, et non ad veritatem, praevalent in terra, quia e malo in 9 malum egressi sunt, et Me non noverunt, 9:1, 2 [KJV 2, 3];
quod ‘arcas’ sit doctrina falsi, patet manifeste, nam dicitur quod ‘tendant linguam, arcus eorum mendacium, et non ad veritatem’:
[8] apud eundem,
Dixit Jehovah Zebaoth, Ecce Ego frangens arcum Elami, principium fortitudinis ejus, 49:35:
apud Davidem,
Ite, videte opera Jehovae, qui ponit desolationes 10 in terra, cessare faciens bella usque ad extremitatem terrae, arcum frangit, concidit hastam, plaustra comburit igne, Ps. 46:9, 10 [KJV Ps. 46:8, 9]:
apud eundem,
Notus in Jehuda Deus, in Israele magnum nomen Ipsius, et erit in Shalem tabernaculum Ipsius, et habitaculum Ipsius in Zione, ibi fregit jacula ignita arcus, scutum, et gladium, et bellum, Ps. 76:2-4 [KJV Ps. 76:1-3]:
apud eundem,
Ecce impii tendunt arcum, praeparant sagittas suas super nervo, ad jaculandum in tenebris rectos corde, Ps. 11:2;
hic manifeste ‘arcus et sagittae’ pro doctrinalibus falsi.
Poznámky pod čarou:
1. The Manuscript inserts etiam.
2. The Manuscript has et.
3. procellae, in the First Latin Edition
4. The Manuscript has these reversed, then altered them as in the First Latin Edition, but in the explanation omitted to transpose them.
5. The Manuscript inserts et malis.
6. The following two (or in some cases more) words are transposed in the Manuscript.
7. The Manuscript inserts et.
8. Text quoted is 50:14, the others differ but deal with same subject.
9. The Manuscript has ad.
10. Schmidius has vastitates. Swedenborg copied this but subsequently altered to desolationes.
