Arcana Coelestia # 93
93. Statum hominis caelestis donati tranquillitate pacis, recreati per pluviam, et liberati a servitute mali et falsi, ita describit Dominus per Ezechielem,
Pangam illis foedus pacis, et cessare faciam feram malam terra, et habitabant in deserto confidenter, et dormient in silvis; et dabo illos, et circuitus collis Mei, benedictionem, et descende faciam pluviam in tempore suo; pluviae benedictionis erunt; dabit arbor agri fructum suum, et terra dabit proventum suum et erunt super humo sua in confidentia, et scient quod Ego Jehovah, quod fregero lora jugi eorum, et liberavero eos e manu facientium servire sibi eos:... vos grex Meus, grex pascui Mei, homo vos, Ego Deus vester, 34:25-27, 31:
et quod hoc fiat tertio die, qui idem in Verbo significat ac septimus 1 per Hoscheam,
Vivificabit nos a duobus diebus, in die tertio suscitabit nos et vivemus coram Ipso; et sciemus, et sequemur ad sciendi Jehovam; sicut aurora paratus egressus 2 Ipsius, et veniet sic pluvia nobis, sicut pluvia serotina irrigans terram, 6:2, 3:
quodque hoc comparetur germini agri, per Ezechielem ubi de Antiqua Ecclesia,
Sicut germen agri dedi te, et crevisti, et adolevisti, et venisti in decora decorum, 16:7:
tum
Surculo plantationum, et operi manuum Jehovae Dei, Esai. 60:21.
Poznámky pod čarou:
1. Septimum in the First Latin Edition
2. Schmidius has exitus over which Swedenborg wrote exortus in his copy, but here he prefers egressus.
