Arcana Coelestia # 7565
7565. ‘Et reliquit servos suos et pecus suum in agro’: quod significet quod non recondita et reservata sint, constat ex significatione ‘relinqui in agro’ quod sit perire a falsis e malis, quae significantur per ‘grandinem ex qua 1 morerentur’, n. 7559-7561; haec sunt quae non recondita et reservata sunt, et sunt illa vera et bona quae non Domini sunt, de quibus mox supra n. 7564; per ‘servos’ significantur 2 illi qui in mente naturali, n. 7562, 7563, et per ‘pecus’ vera et bona quae quia non Domini sunt, in interioribus non recondi possunt.
Poznámky pod čarou:
Arcana Coelestia # 7563
7563. ‘Fugere fecit servos suos et pecus suum ad domos’: quod significet quod recondita et reservata sint in interioribus, constat ex significatione ‘servorum’ quod sint illa quae in mente naturali, ut mox supra n. 7562; ex significatione ‘pecoris’ quod sit verum et bonum, de qua etiam supra n. 7556; et ex significatione ‘domuum’ quod sint quae intus in homine, ubi bonum et 1 verum a Domino reconduntur et reservantur, de qua n. 7560; inde patet quod per ‘fugere fecit servos suos et pecus suum ad domos’ significetur quod vera et bona quae in mente naturali, illa nempe quae Domini sunt, collecta sint ac recondita et reservata in interioribus.
Poznámky pod čarou:
1. verum altered to vera