7187. ‘Nunc videbis quid faciam Pharaoni’: quod significet manifestam perceptionem quid eveniet illis qui infestant, constat ex significatione ‘videre’ quod sit apperceptio, de qua n. 2150, 3764, 4567, 4723, 5400, hic manifesta perceptio quia dicitur de instructione a Divino; ex significatione ‘quid faciam’ quod sit quid eveniet; et ex repraesentatione ‘Pharaonis’ quod sint qui per injecta falsa infestant, de qua n. 6651, 6679, 6683, 7107, 7110, 7126, 7142.

7142. ‘Et clamaverunt ad Pharaonem’: quod significet indignationem contestatam coram illis qui infestabant, constat ex significatione ‘clamare’ quod hic sit indignationem contestari, ¹ nempe quod percussi sint, hoc est, ex injectis falsis laesi, et quod palea non daretur ad laterificandum, hoc est, quod modo ficticia et falsa reciperent et injicerent; et ex repraesentatione ‘Pharaonis’ quod sint qui infestant, de qua n. 6651, 6679, 6683, 7126.

Poznámky pod čarou: