22
Filii quoque Oziel : Misaël, et Elisaphan, et Sethri.
Arcana Coelestia # 7187
7187. ‘Nunc videbis quid faciam Pharaoni’: quod significet manifestam perceptionem quid eveniet illis qui infestant, constat ex significatione ‘videre’ quod sit apperceptio, de qua n. 2150, 3764, 4567, 4723, 5400, hic manifesta perceptio quia dicitur de instructione a Divino; ex significatione ‘quid faciam’ quod sit quid eveniet; et ex repraesentatione ‘Pharaonis’ quod sint qui per injecta falsa infestant, de qua n. 6651, 6679, 6683, 7107, 7110, 7126, 7142.
Arcana Coelestia # 7110
7110. ‘Et praecepit Pharao die illo’: quod significet cupiditatem infestandi vera Ecclesiae dum in illo statu, constat a significatione ‘praecipere’ quod sit mandatum, et quia mandato malorum inest cupiditas malum faciendi, inde enim mandatum ab illis venit, idcirco 1 per ‘praecepit’ etiam significatur cupiditas; ex repraesentatione ‘Pharaonis’ quod sint qui infestant vera Ecclesiae, de qua n. 6651, 6679, 6683; et ex significatione ‘diei’ quod sit status, de qua n. 23, 487, 488, 493, 893, 2 2788, 3462, 3785, 4850.
Poznámky pod čarou:
1. The Manuscript places this after etiam.
2. The editors of the third Latin edition made a minor correction here. For details, see the end of the appropriate volume of that edition.
