Novokřesťanské studium Bible

Bible

 

Exodus 6

Studie

   

1 Dixitque Dominus ad Moysen : Nunc videbis quæ facturus sim Pharaoni : per manum enim fortem dimittet eos, et in manu robusta ejiciet illos de terra sua.

2 Locutusque est Dominus ad Moysen dicens : Ego Dominus

3 qui apparui Abraham, Isaac et Jacob in Deo omnipotente : et nomen meum Adonai non indicavi eis.

4 Pepigique fœdus cum eis, ut darem eis terram Chanaan, terram peregrinationis eorum, in qua fuerunt advenæ.

5 Ego audivi gemitum filiorum Israël, quo Ægyptii oppresserunt eos : et recordatus sum pacti mei.

6 Ideo dic filiis Israël : Ego Dominus qui educam vos de ergastulo Ægyptiorum, et eruam de servitute, ac redimam in brachio excelso et judiciis magnis.

7 Et assumam vos mihi in populum, et ero vester Deus : et scietis quod ego sum Dominus Deus vester qui eduxerim vos de ergastulo Ægyptiorum,

8 et induxerim in terram, super quam levavi manum meam ut darem eam Abraham, Isaac et Jacob : daboque illam vobis possidendam. Ego Dominus.

9 Narravit ergo Moyses omnia filiis Israël : qui non acquieverunt ei propter angustiam spiritus, et opus durissimum.

10 Locutusque est Dominus ad Moysen, dicens :

11 Ingredere, et loquere ad Pharaonem regem Ægypti, ut dimittat filios Israël de terra sua.

12 Respondit Moyses coram Domino : Ecce filii Israël non audiunt me : et quomodo audiet Pharao, præsertim cum incircumcisus sim labiis ?

13 Locutusque est Dominus ad Moysen et Aaron, et dedit mandatum ad filios Israël, et ad Pharaonem regem Ægypti ut educerent filios Israël de terra Ægypti.

14 Isti sunt principes domorum per familias suas. Filii Ruben primogeniti Israëlis : Henoch et Phallu, Hesron et Charmi :

15 hæ cognationes Ruben. Filii Simeon : Jamuel, et Jamin, et Ahod, et Jachin, et Soar, et Saul filius Chananitidis : hæ progenies Simeon.

16 Et hæc nomina filiorum Levi per cognationes suas : Gerson, et Caath, et Merari. Anni autem vitæ Levi fuerunt centum triginta septem.

17 Filii Gerson : Lobni et Semei, per cognationes suas.

18 Filii Caath : Amram, et Isaar, et Hebron, et Oziel ; anni quoque vitæ Caath, centum triginta tres.

19 Filii Merari : Moholi et Musi : hæ cognationes Levi per familias suas.

20 Accepit autem Amram uxorem Jochabed patruelem suam : quæ peperit ei Aaron et Moysen. Fueruntque anni vitæ Amram, centum triginta septem.

21 Filii quoque Isaar : Core, et Nepheg, et Zechri.

22 Filii quoque Oziel : Misaël, et Elisaphan, et Sethri.

23 Accepit autem Aaron uxorem Elisabeth filiam Aminadab, sororem Nahason, quæ peperit ei Nadab, et Abiu, et Eleazar, et Ithamar.

24 Filii quoque Core : Aser, et Elcana, et Abiasaph : hæ sunt cognationes Coritarum.

25 At vero Eleazar filius Aaron accepit uxorem de filiabus Phutiel : quæ peperit ei Phinees. Hi sunt principes familiarum Leviticarum per cognationes suas.

26 Iste est Aaron et Moyses, quibus præcepit Dominus ut educerent filios Israël de terra Ægypti per turmas suas.

27 Hi sunt, qui loquuntur ad Pharaonem regem Ægypti, ut educant filios Israël de Ægypto : iste est Moyses et Aaron,

28 in die qua locutus est Dominus ad Moysen, in terra Ægypti.

29 Et locutus est Dominus ad Moysen, dicens : Ego Dominus : loquere ad Pharaonem regem Ægypti, omnia quæ ego loquor tibi.

30 Et ait Moyses coram Domino : En incircumcisus labiis sum, quomodo audiet me Pharao ?

   

Ze Swedenborgových děl

 

Arcana Coelestia # 7673

Prostudujte si tuto pasáž

  
/ 10837  
  

7673. ‘Extende manum tuam’: quod significet dominium potentiae, constat ex significatione ‘extendere’ quod 1 praedicetur de dominio, de qua sequitur; et ex significatione ‘manus’ quod sit potentia, de qua n. 878, 3387, 4931-4937, 5327, 5328, 5544, 6292, 6947, 7011, 7188, 7189, 7518. Quod ‘extendere manum’ sit dominium potentiae, est quia potentia manui 2 seu brachio est cum extenditur; 3 idcirco cum dicitur de Jehovah quod extendat manum seu brachium, significatur potentia illimitata seu infinita actu. Inde est quod Jehovah toties dixerit ad Moschen, cum miracula fierent, quod extenderet manum aut baculum, sicut Extende manum tuam super aquas Aegypti, et erunt sanguis, 7:19: Extende manum tuam super flumina, et fac ascendere ranas, 8:1, 2 [KJV 5, 6]:

Extende baculum tuum, et percute pulverem terrae, et erit in pediculos, 8:11, 12 [KJV 16, 17]:

Extende manum tuam versus caelum, et erit grando, 9:22, 23; 4 ita nequaquam dictum fuisset, 5 nisi per ‘extensionem manus’ in supremo sensu' significaretur omnipotentia Jehovae.

[2] Similiter per quod dictum Joschuae, 6 quod extenderet lanceam, de qua ita apud illum, Dixit Jehovah ad Joschuam, Extende lanceam quae in manu tua versus Ajam; cum ergo extenderet Joschua lanceam quae in manu illius versus Ajam, insidiae surrexerunt ocius e loco suo, et cucurrerunt, cum primum extenderet manum suam, et venerunt ad urbem, et ceperunt illam: Joschua non retraxit manum suam quam extendit cum lancea, usque dum devotioni dati omnes habitatores Ajae, 8:18, 19, 26; quia hoc fuit repraesentativum omnipotentiae Divinae, etiam vim habuit, prout omnia repraesentativa cum mandata illo tempore.

[3] Pluribus quoque in locis 7 describitur omnipotentia per quod ‘Jehovah extendat manum’, tum per ‘manum Ipsius extensam’, et per ‘brachium Ipsius extensum’; per quod ‘Jehovah extendat manum’, apud Esaiam,

Accensa est ira contra populum Suum, et extendit manum Suam super illum, et percussit illum, et commoti sunt montes 5:25:

apud Ezechielem,

Extendam manum Meam contra illum, et perdam illum 14:9, 13:

apud eandem, Extendam manum Meam contra te, et dabo te in praedam gentibus, 25:7: Extendam manum Meam super Edomum, et exscindam ex illa hominem et bestiam. Extendam manum Meam super Philisthaeos, et exscindam, ibid. vers. 13, 16:

pariter Ezech. 35:3; Esai. 31:3; Zeph. 1:4, 2:13: describitur omnipotentia per ‘manum extensam’ apud Esaiam,

Manus Jehovae extensa super omnes gentes, quis reprimet illam? 14:27, 28:

apud Jeremiam,

Pugnabo 8 vobiscum per manum extensam, et per brachium forte, et in ira et in furore, 9 21:5:

apud 10 Esaiam, Adhuc manus Ipsius extensa est, 9:11, 16, 10:4.

Tum per ‘brachium extensum’ apud Jeremiam,

Ego feci terram, hominem, et bestiam, per virtutem Meam magnam, et per brachium Meum extensum, 27:5:

apud eundem,

Tu fecisti caelum et terram per virtutem Tuam magnam, et brachium Tuum extensum; non impossibile est prae Te ullum verbum, 32:17;

quod hic per ‘brachium extensum’ significetur omnipotentia, patet; similiter pluribus aliis in locis ubi dicitur ‘per manum fortem et brachium extensum’, ut Deut. 4:34, 5:15, 7:19, 9:29 11 , 11:2, 26:8; 1 Reg. 8:42; 2 Reg. 17:36; Jer. 32:21; Ezech. 20:33, 34.

[4] 12 Dicitur etiam de Jehovah quod ‘extendat caelos’ et tunc quoque per ‘extendere’ significatur omnipotentia, quod nempe limites caeli amplificet, et impleat illos qui ibi vita et sapientia, ut apud Esaiam,

Jehovah Qui extendit sicut tenue caelos, et expandit illos sicut tentorium ad habitandum, 40:22:

apud eundem,

Jehovah extendens caelos, expandens terram, dans animam populo super illa, et spiritum ambulantibus in illa, 42:5:

apud Jeremiam,

Qui facit terram virtute Sua, parat orbem sapientia Sua, et intelligentia Sua extendit caelos, 51:15:

apud Sachariam, Jehovah extendens caelos, et fundans terram, et formans spiritum hominis in medio ejus, 12:1; praeter alibi, ut Esai. 44:24, 45:12; Ps. 104:2.

Ex his nunc constare potest cur Moschi mandatum ut extenderet manum et baculum 13 , et quod tunc miracula facta sint; quodque sic per ‘extendere manum’ significetur dominium potentiae, et in supremo sensu omnipotentia.

Poznámky pod čarou:

1. sit dominium

2. et

3. ideo quoque,

4. quod

5. si non

6. The Manuscript deletes quod and inserts ut.

7. omnipotentia Jehovae describitur per extendere manum, per manum extensam, et per brachium extensum; per extendere manum

8. The editors of the third Latin edition made a minor correction here. For details, see the end of the appropriate volume of that edition.

9. The editors of the third Latin edition made a minor correction here. For details, see the end of the appropriate volume of that edition.

10. The editors of the third Latin edition made a minor correction here. For details, see the end of the appropriate volume of that edition.

11. The editors of the third Latin edition made a minor correction here. For details, see the end of the appropriate volume of that edition.

12. Vox extendere etiam alibi praedicatur de omnipotentia, ut quod Jehovah extendat coelos, per quod significatur quod limites amplificet et illos qui ibi impleat vitaet sapientia

13. The Manuscript inserts suum.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

Bible

 

3 Regum 8:42

Studie

       

42 extentum ubique), cum venerit ergo, et oraverit in hoc loco,

©2024 New Christian Bible Study Corporation. All rights reserved. Printed from newchristianbiblestudy.org