Arcana Coelestia # 10628
10628. ‘Quia populus durus cervice ille’: quod significet tametsi gens Israelitica non recipit Divinum ab interiore, constat ex significatione ‘populi duri cervice’ quod sit qui non recipit influxum a Divino, de qua n. 10429, ita non Divinum ab interiore, nam Divinum influit ab interiore apud hominem. Quomodo cum 1 his se habet, constat ex illis quae de gente 2 Israelitica prius ostensa sunt, quod nempe in externis cultus, Ecclesiae, et Verbi 3 esset, et prorsus non in interno, proinde extra externum, et non intra; quid sit esse extra externum et non intra, videatur n. 10551, 10608.
Poznámky pod čarou: