10494. ‘Quia vir in filium suum, et in fratrem suum’: quod significet quando occlusum est internum, ne verum et bonum e caelo intrent in externum, constat ex significatione 'viri in filium et in fratrem seu postquam occiderint illos, quod sit occlusio interni quoad influxum veri et boni, de qua supra n. 10490, 10492; quod ‘filius’ sit verum videatur n. 489, 491, 533, 1147, 2623, 2628, 2803, 2813, 3373, 3704, 4257, 9807, et quod ‘frater’ sit bonum, n. 3815, 4121, 4191, 5409, 5686, 5692, 6756.

5409. ‘Fratres Josephi decem’: quod significet talia vera Ecclesiae quae corresponderent, constat ex significatione ‘fratrum’ quod sint vera quae Ecclesiae; haec dicuntur ‘fratres Josephi’ qui est verum a Divino, ex correspondentia; correspondentia enim facit ut conjuncta sint sicut frater fratri; per ¹ filios Jacobi significantur omnia fidei, seu vera Ecclesiae in communi, n. 5403, similiter per ‘fratres Josephi’, sed ex correspondentia; per ² decem filios Jacobi ex Leah significantur vera quae sunt Ecclesiae externae, ³ et per binos filios Jacobi ex Rachel significantur vera quae sunt Ecclesiae internae, ut patet ab illis quae de Leah et Rachele ostensa sunt, quod nempe ‘Leah’ sit affectio veri exterioris et ‘Rachel’ affectio veri interioris, de quibus n. 3758, 3782, 3793, 3819; quod Ecclesiae internum et externum sint fratres, videatur n. 1222; ⁴ Ipse Dominus inde vera et inde bona per charitatem et fidem correspondentia vocat ‘fratres’, hoc est, illos qui in veris et inde bono sunt ⁵ ;

apud Matthaeum, Rex dicet illis, Amen dico vobis, in quantum fecistis uni ex his fratribus meis minimis, Mihi fecistis, 25:40 et alibi Respondit illis Jesus, dicens, Quae est mater Mea, aut fratres Mei? et circumspiciens circumcirca, ... dixit, Ecce mater Mea et fratres Mei; ⁶ quisque namque fecerit voluntatem Dei, hic frater Meus, et soror Mea, et mater Mea, Marcus 3:33-35, Matth. 12:49, Luc. 8:21.

Poznámky pod čarou: