32
aut si non facis, dele me de libro tuo quem scripsisti.
Arcana Coelestia # 10496
10496. Vers. 30-35. Et factum postridie, et dixit Moscheh ad populum, Vos peccavistis peccatum magnum; et nunc ascendant ad Jehovam, forte expiaturus sum pro peccato vestro. Et reversus Moscheh ad Jehovam, et dixit, Obsecro, peccavit populus hic peccatum magnum, et fecerunt sibi deos auri. Et nunc si remittis peccatum eorum, et si non, dele me, quaeso, e libro Tuo quem scripsisti. Et dixit Jehovah ad Moschen, Illum qui peccavit Mihi, delebo eum e libro Meo. Et nunc vade, duc populum ad quod dixi tibi; ecce angelus Meus ibit coram te, et in die visitationis Meae et visitabo super illos peccatum eorum. Et percussit Jehovah populum super quod fecerunt vitulum quem fecit Aharon. 1 ‘Et factum postridie’ significat durationem cultus talis usque ad finem Ecclesiae: ‘et dixit Moscheh ad populum, Vos peccavistis peccatum magnum’ significat aversionem et abalienationem totalem: ‘et nunc ascendam ad Jehovam’ significat elevationem interiorum ad Dominum: ‘forte expiaturus sum pro peccato vestro’ significat possibilitatem ex Divina Domini Potentia apud illos qui ita se prorsus averterunt: ‘et reversus est Moscheh ad Jehovam’ significat conjunctionem: ‘et dixit, Obsecro, peccavit populus hic peccatum magnum’ significat quod tametsi gens illa prorsus se averterit et removerit a Divino: ‘et fecerunt sibi deos auri’ significat et colant jucundum infernale: ‘et nunc si remittis peccatum eorum’ significat usque aversionem illam a Divino non obstituram: ‘et si non, dele me quaeso e libro Tuo quem scripsisti’ significat internum Verbi, Ecclesiae, et cultus non periturum: ‘et dixit Jehovah, Illum qui peccavit Mihi, delebo eum e libro Meo’ significat responsum quod illi perituri qui avertunt se a Divino: ‘et nunc vade, duc populum ad quod dixi tibi’ significat gentem illam ad repraesentandum Ecclesiam, et non ut sit apud illam Ecclesia: ‘ecce angelus Meus ibit coram te’ significat quod usque Divinum Verum ducet: ‘et in die visitationis Meae visitabo super illos peccatum eorum’ significat statum eorum ultimum in particulari et in communi quando judicium: ‘et percussit Jehovah populum’ significat devastationem veri et boni apud gentem Israeliticam: super quod fecerunt vitulum' significant propter cultum ex amore infernali: ‘quem fecit Aharon’ significat hoc ab externis quae solum amabant.
Poznámky pod čarou:
1. See page ix preliminary note 2. 30. Et factum postridie, significat omne tempus sequens: et dixit Moscheh ad populum, significat admonitionem per Verbum: vospeccavistispeccatum magnum, significat reversionem et abalienationem totalem: et nunc ascendam ad Jehovam, significat conjunctionem cum Domino per Verbum: forte expiaturus sum pro peccato vestro, significat si possibile per illos qui se sic averterunt. 31. Et reversus Moscheh ad Jehovam, significat intercessionem: et dixit, obsecro, peccavit populus hic peccatum magnum, significat quod gens illa se valde averterit et removerit a Divino: et fecerunt sibi deos auri, significat quod coluerint jucundum infernale. 32. Et nunc si remittis peccatum eorum, significat ut recludatur quod occlusum est, ne sit talis aversio et remotio: et si non, dele me quaeso et libro tuo, quem scripsisti, significat ne pereat internum Verbi. 33. Et dixit Jehovah ad Moschen, significat responsum: illum qui peccavit Mihi, delebo eum e libro meo, significat quod perituri qui se averterunt. 34. Et nunc vade duc populum ad quod dixi tibi, significat quod repraesentent Ecclesiam, et non sit Ecclesia apud illos: ecce angelus meus ibit coram te, significat quod usque Divinum Verum ducet: et in die visitationis meae visitabo super illos peccatum eorum, significat statum eorum ultimum in communi et particulari, quando judicium. 35. Et percussit Jehovah populum, significat devastationem veri: super quod fecerunt vitulum significat propter cultum ex amore infernali: quem fecit Aharon, significat devastationem totalem.
