Novokřesťanské studium Bible

Bible

 

Exodus 30

Studie

   

1 Facies quoque altare ad adolendum thymiama, de lignis setim,

2 habens cubitum longitudinis, et alterum latitudinis, id est, quadrangulum, et duos cubitos in altitudine. Cornua ex ipso procedent.

3 Vestiesque illud auro purissimo, tam craticulam ejus, quam parietes per circuitum, et cornua. Faciesque ei coronam aureolam per gyrum,

4 et duos annulos aureos sub corona per singula latera, ut mittantur in eos vectes, et altare portetur.

5 Ipsos quoque vectes facies de lignis setim, et inaurabis.

6 Ponesque altare contra velum, quod ante arcum pendet testimonii coram propitiatorio quo tegitur testimonium, ubi loquar tibi.

7 Et adolebit incensum super eo Aaron, suave fragrans, mane. Quando componet lucernas, incendet illud :

8 et quando collocabit eas ad vesperum, uret thymiama sempiternum coram Domino in generationes vestras.

9 Non offeretis super eo thymiama compositionis alterius, nec oblationem, et victimam, nec libabitis libamina.

10 Et deprecabitur Aaron super cornua ejus semel per annum, in sanguine quod oblatum est pro peccato, et placabit super eo in generationibus vestris. Sanctum sanctorum erit Domino.

11 Locutusque est Dominus ad Moysen, dicens :

12 Quando tuleris summam filiorum Israël juxta numerum, dabunt singuli pretium pro animabus suis Domino, et non erit plaga in eis, cum fuerint recensiti.

13 Hoc autem dabit omnis qui transit ad nomen, dimidium sicli juxta mensuram templi (siclus viginti obolos habet) ; media pars sicli offeretur Domino.

14 Qui habetur in numero, a viginti annis et supra, dabit pretium.

15 Dives non addet ad medium sicli, et pauper nihil minuet.

16 Susceptamque pecuniam, quæ collata est a filiis Israël, trades in usus tabernaculi testimonii, ut sit monimentum eorum coram Domino, et propitietur animabus eorum.

17 Locutusque est Dominus ad Moysen, dicens :

18 Facies et labrum æneum cum basi sua ad lavandum : ponesque illud inter tabernaculum testimonii et altare. Et missa aqua,

19 lavabunt in ea Aaron et filii ejus manus suas ac pedes,

20 quando ingressuri sunt tabernaculum testimonii, et quando accessuri sunt ad altare, ut offerant in eo thymiama Domino,

21 ne forte moriantur ; legitimum sempiternum erit ipsi, et semini ejus per successiones.

22 Locutusque est Dominus ad Moysen,

23 dicens : Sume tibi aromata, primæ myrrhæ et electæ quingentos siclos, et cinnamomi medium, id est, ducentos quinquaginta siclos, calami similiter ducentos quinquaginta,

24 casiæ autem quingentos siclos, in pondere sanctuarii, olei de olivetis mensuram hin :

25 faciesque unctionis oleum sanctum, unguentum compositum opere unguentarii,

26 et unges ex eo tabernaculum testimonii, et arcam testamenti,

27 mensamque cum vasis suis, et candelabrum, et utensilia ejus, altaria thymiamatis,

28 et holocausti, et universam supellectilem quæ ad cultum eorum pertinet.

29 Sanctificabisque omnia, et erunt Sancta sanctorum ; qui tetigerit ea, sanctificabitur.

30 Aaron et filios ejus unges, sanctificabisque eos, ut sacerdotio fungantur mihi.

31 Filiis quoque Israël dices : Hoc oleum unctionis sanctum erit mihi in generationes vestras.

32 Caro hominis non ungetur ex eo, et juxta compositionem ejus non facietis aliud, quia sanctificatum est, et sanctum erit vobis.

33 Homo quicumque tale composuerit, et dederit ex eo alieno, exterminabitur de populo suo.

34 Dixitque Dominus ad Moysen : Sume tibi aromata, stacten et onycha, galbanum boni odoris, et thus lucidissimum ; æqualis ponderis erunt omnia :

35 faciesque thymiama compositum opere unguentarii, mistum diligenter, et purum, et sanctificatione dignissimum.

36 Cumque in tenuissimum pulverem universa contuderis, pones ex eo coram tabernaculo testimonii, in quo loco apparebo tibi. Sanctum sanctorum erit vobis thymiama.

37 Talem compositionem non facietis in usus vestros, quia sanctum est Domino.

38 Homo quicumque fecerit simile, ut odore illius perfruatur, peribit de populis suis.

   

Ze Swedenborgových děl

 

Arcana Coelestia # 10200

Prostudujte si tuto pasáž

  
/ 10837  
  

10200. ‘In mane 1 in mane’: quod significet cum status amoris in claro est, constat ex significatione ‘mane’ quod sit cum status amoris in claro est, de qua n. 10134; inde ‘in mane 2 in mane’ seu singulis matutinis, est cum ille status. Quod in caelis succedant status amoris et lucis, hoc est, boni et veri, continue, 3 sicut in terris mane, meridies, vespera, et diluculum, et sicut ver, aestas, autumnus, et hiems, prius aliquoties ostensum est; tum quod inde tempora illa diei et anni originem ducant, nam quae in mundo existunt sunt imagines rerum quae in caelis, ex causa quia omne naturale existit a spirituali, hoc est, a Divino in caelis; inde patet quales sunt variationes statuum in caelis, nam noscuntur ex comparatione 4 cum statibus caloris et lucis in mundo; calor enim in caelis est bonum amoris a Domino, et lux ibi est verum fidei a Domino. Quod tales ibi successiones statuum sint, est causa ut angeli ibi continue perficiantur, sic enim pertranseunt omnes varietates boni et veri 5 , ac imbuunt illa; differentiae varietatum boni amoris et veri fidei ibi etiam se habent sicut differentiae caloris et lucis in singulis regionibus seu climatibus telluris, nempe aliter propius ad aequatorem, et aliter remotius ab illo utrinque; ac aliter unoquovis die cujusvis anni, et quoque aliter unoquovis anno; nam prorsus simile seu idem nusquam redit; provisum enim est ut non detur prorsus idem, tam in mundo spirituali quam in mundo naturali; inde perfectio continue crescit.

Poznámky pod čarou:

1. The Manuscript deletes et, and inserts in compare Arcana Coelestia 10176

2. et

3. The editors of the third Latin edition made a minor correction here. For details, see the end of the appropriate volume of that edition.

4. statuum

5. The Manuscript inserts ibi.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

Ze Swedenborgových děl

 

Arcana Coelestia # 10176

Prostudujte si tuto pasáž

  
/ 10837  
  

10176. CAPUT XXX

1. 1 Et facies altare suffitionis suffimenti, lignis schittim facies illud.

2. Cubitus longitudo ejus, et cubitus latitudo ejus; quadratum erit; et duo cubiti altitudo ejus; ex illo cornua ejus.

3. Et obduces illud auro puro, tectum ejus et parietes ejus circumcirca et cornua ejus; et facies ei limbum auri circumcirca.

4. Et duos annulos auri facies ei desub limbo ejus, super duabus costis ejus, facies super duobus lateribus ejus; et erit ad receptacula vectibus, ad portandum illud in illis.

5. Et facies vectes lignis schittim, et obduces illos auro.

6. Et dabis illud ante velum, quod super arca testimonii, ante propitiatorium quod super testimonio, quo conveniam te ibi.

7. Et suffiet super illo Aharon suffimentum aromatum in mane in mane, in adornando lucernas suffiet illud.

8. Et in ascendere faciendo Aharon lucernas inter vesperas suffiet illud; suffimentum juge coram JEHOVAH in generationes vestras.

9. Non ascendere facietis super illo suffimentum alienum, et holocaustum et minham, et libamen non libabitis super eo.

10. Et expiabit Aharon super cornubus ejus semel in anno de sanguine peccati expiationum, semel in anno expiabit super illo in generationes vestras; sanctum sanctorum hoc JEHOVAE.

11. Et locutus est JEHOVAH ad Moschen, dicendo,

12. Cum sustuleris summam filiorum Israelis quoad numeratos illorum, et dabunt quisque expiationem animae suae JEHOVAE in numerando illos, et non sit in illis plaga in numerando illos.

13. Hoc dabunt omnis transiens super numeratos, dimidium sicli in siclo sanctitatis, viginti oboli siclus, dimidium sicli sublatio JEHOVAE.

14. Omnis transiens super numeratos a filio viginti annorum et supra, dabit sublationem JEHOVAE.

15. Dives non dabit plus, et pauper non dabit minus, ex dimidio sicli ad dandum sublationem JEHOVAE, ad expiandum super animabus Nostris.

16. Et accipies argentum expiationum a cum filiis Israelis, et dabis illud ad opus tentorii conventus; et erit filiis Israelis ad recordationem coram JEHOVAH, ad expiandum super animabus vestris.

17. Et locutus est JEHOVAH ad Moschen, dicendo,

18. Et facies labrum aeris, et basin ejus aere, ad lavandum, ei dabis illud inter tentorium conventus et inter altare, et dabis ibi aquas

19. Et lavabunt Aharon et filii ejus ex eo manus suas et pedes suos.

20. In intrando illos in tentorium conventus, lavabunt aquis, ne moriantur, vel in accedendo illos ad altare ad ministrandum, ad adolendum ignitum JEHOVAE.

21. Et lavabunt manus suas et pedes suos, ne moriantur; et erit illis statutum saeculi, illi et semini illius, generationibus illorum.

22. Et locutus est JEHOVAH ad Moschen, dicendo,

23. Et tu accipe tibi aromata praecipua, myrrham optimam quingenta, et cinnamomum aromaticum dimidium ejus quinquaginta e ducenta, et calamum aromaticum quinquaginta et ducenta,

24. Et casiam quingenta, in siclo sanctitatis; et oleum olivae hinem.

25. Et facies illud oleum unctionis sanctitatis, unguentum unguenti opus unguentarii, oleum unctionis sanctitatis erit.

26. Et unges illo tentorium conventus, et arcam testimonii.

27. Et mensam et omnia vasa ejus, et candelabrum et vasa ejus, et altare suffitus.

28. Et altare holocausti, et omnia vasa ejus, et labrum et basin ejus.

29. Et sanctificabis illa, et erunt sanctum sanctorum; omnis tangens illa sanctificabitur.

30. Et Aharonem et filios ejus unges, et sanctificabis eos ad fungendum sacerdotio Mihi.

31. Et ad filios Israelis loqueris, dicendo, Oleum unctionis sanctitatis erit hoc Mihi in generationes vestras

32. Super carnem hominis non fundetur; et in qualitate ejus non facietis sicut illud, sanctum hoc, sanctum erit vobis.

33. Vir qui fecerit unguentum sicut illud, et qui dederit ex illo super alienum, et exscindetur e populis suis.

34. Et dixit JEHOVAH ad Moschen, Accipe tibi aromata fragrantia, stacten, et onychen, et galbanum, fragrantia, et tus purum; tantum in tanto erit.

35. Et facies illud suffimentum unguentum opus unguentarii, salitum, purum, sanctum.

36. Et tundes ex illo minutim, et dabis de illo ante testimonium in tentorio conventus, quo conveniam te ibi; sanctum sanctorum erit vobis.

37. Et suffimentum quod facis in qualitate ejus, non facietis vobis; sanctum erit tibi JEHOVAE.

38. Vir qui fecerit sicut illud ad faciendum odorem eo, et exscindetur e populis suis.

CONTENTA

10176a. 2 Agitur in hoc capite de altari suffitus, de expiatione cujusvis per argentum de labro et lavatione inde, et de praeparatione olei unctionis, et suffimenti. Per suffitionem in sensu interno significatur auditio et receptio omnium cultus quae ex amore et charitate, a Domino; per expiationem cujusvis per argentum significatur addicatio omnium cultus Domino et nihil sibi, ut nulli sit meritum; per labrum et lavationem significatur purificatio a malis primum in omni cultu; per praeparationem olei unctionis significatur qualitas amoris in cultu; et per praeparationem suffimenti qualitas cultus inde.

10176b. SENSUS INTERNUS

vers. 1-10. Et facies altare suffitionis suffimenti, lignis schittim facies illud. Cubitus longitudo ejus, et cubitus latitudo ejus; quadratum erit; et duo cubiti altitudo ejus; ex illo cornua ejus. Et obduces illud auro puro, tectum ejus [et] parietes ejus circumcirca et cornua ejus; et facies ei limbum auri circumcirca. Et duos annulos auri facies ei desub limbo ejus, super duabus costis ejus, facies super duobus lateribus ejus; et erit ad receptacula vectibus, ad portandum illud in illis. Et facies vectes lignis schittim, et obduces illos auro. Et dabis illud ante enim, quod super arca testimonii, ante propitiatorium quod super testimonio, quo conveniam te ibi. Et suffiet super illo Aharon suffimentum aromatum in mane in mane, in adornando lucernas suffiet illud. Et in ascendere faciendo Aharon lucernas inter vesperas suffiet illud; suffimentum juge coram Jehovah in generationes vestras. Non ascendere facietis super illo suffimentum alienum, et holocaustum et minham, et libamen non libabitis super eo. Et expiabit Aharon super cornubus ejus semel in anno de sanguine peccati expiationum, semel in anno expiabit super illo in generationes vestras; sanctum sanctorum hoc Jehovae. ‘Et facies altare suffitionis suffimenti’ significat repraesentativum auditionis et receptionis gratae omnium cultus quae ex amore et charitate a Domino: ‘lignis schittim facies illud’ significat ex amore Divino: ‘cubitus longitudo ejus, et cubitus latitudo ejus’ significat aequum ex bono et ex vero 3 : ‘quadratum erit’ significat sic perfectum: ‘et duo cubiti altitudo ejus’ significat ‘gradus boni et veri, et eorum’ conjunctionem: ‘ex illo cornua ejus’ significat veri potentias ex bono 4 amoris et charitatis: ‘et obduces illud auro puro’ significat repraesentativum omnium cultus ex bono: ‘tectum ejus’ significat in parietes ejus' significat interiora: ‘et cornua ejus’ significat exteriora: ‘et facies ei limbum auri circumcirca’ significat terminationem ex bono ne adeantur et laedantur a malis: ‘et duos annulos auri facies ei desub limbo’ significat sphaeram Divini Boni, per quam conjunctio et conservatio: ‘super duabus costis ejus’ significat cum veris ab una parte: ‘facies super duobus lateribus ejus’ significat cum bono ab altera: ‘et erit ad receptacula vectibus’ significat potentiam veri ex bono ibi: ‘ad portandum illud in illis’ significat 5 inde conservationem in statu: ‘et facies vectes lignis schittim’ significat potentiam ex bono amoris Domini: ‘et obduces illos auro’ significat 6 fundationem omnium super bono: ‘et dabis illud ante velum, quod super arca testimonii’ significat in caelo interiore ubi id conjungitur caelo intimo: ‘ante propitiatorium quod super testimonio’ significat ubi auditio et receptio omnium cultus ex bono amoris a Domino: ‘quo conveniam te ibi’ significat sic praesentiam et influxum Domini: ‘et suffiet super illo Aharon’ significat elevationem cultus ex amore et charitate a Domino: ‘suffimentum aromatum’ significat auditionem et receptionem gratam: ‘in mane in 7 mane’ significat cum status amoris in claro est: ‘in adornando lucernas suffiet illud’ significat cum verum etiam venit in suam lucem: ‘et in ascendere faciendo Aharon lucernas inter vesperas suffiet illud’ significat elevationem etiam in statu amoris obscuro cum etiam verum est in sua umbra: ‘suffimentum juge coram Jehovah’ significat in omni cultu ex amore a Domino: ‘in generationes vestras’ significat in aeternum illis qui in fide ex amore: ‘non ascendere facietis super illo suffimentum alienum’ significat non cultum ex alio amore quam Domini: ‘et holocaustum et minham’ significat [quod] non ibi repraesentativum regenerationis per vera et bona amoris caelestis 8 : ‘et libamen non libabitis super eo’ significat non ibi repraesentativum regenerationis per vera et bona amoris spiritualis 9 : ‘et expiabit Aharon super cornubus ejus’ significat purificationem a malis per vera fidei quae ex bono amoris': ‘semel in anno’ significat perpetuo: ‘de sanguine peccati expiationum’ significat per vera quae ex bono innocentiae: ‘semel in anno expiabit super illo’ significat remotionem malorum perpetuam 10 : ‘in generationes vestras’ significat qui ab Ecclesia in veris et bonis fidei: ‘sanctum sanctorum hoc Jehovae’ significat quoniam ex Divino Caelesti.

Poznámky pod čarou:

1. See page ix preliminary note 1. The Manuscript has begins here.

2. There is a numbering problem here in the First Latin Edition. We have opted to include the text of Exodus 30, the CONTENTA, and the section entitled SENSUS INTERNUS (numbered 10176 in the First Latin Edition) all in section 10176 here.

3. The Manuscript inserts inde.

4. The Manuscript inserts quod.

5. The following word or phrase is crossed out in the Manuscript, but it does appear in the first edition.

6. The Manuscript inserts sic.

7. et compare n. 102

8. The Manuscript inserts intimi.

9. nec repraesentativum veri coelestis quod ex amore intimo

10. de sanguine peccati expiationum semel in anno, significat per vera quae ex bono innocentiae, quae purificant: expiabit super illo, significat remotionem malorum

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org