Arcana Coelestia # 9544
9544. ‘Et facies scutulas ejus, acetabula ejus, et scutellas ejus, et scopulas ejus, quibus integetur’: quod significet cognitiones boni et veri 1 caelestis, constat ex significatione 'vasorum in genere, quod sint 2 scientifica seu cognitiones, de qua n. 3068, 3079; ita vasa in specie, quae hic recensentur, sunt cognitiones boni et veri caelestis; bonum caeleste est bonum amoris in Dominum, et verum caeleste est bonum amoris mutui; cognitiones illorum bonorum significantur per 3 vasa illa; et quia cognitiones 4 significantur, et cognitiones sunt memoriae naturalis hominis, et naturale est externum, ideo dicitur quibus mensa integetur; naturale enim quia est extra, seu infra 5 , ac tegit et claudit quod intra seu supra est, ideo 6 vocatur integumentum, n. 6377. Cui usui essent vasa illa, videatur Lev. 24:6, 7;
9544a. [Auro puro facies illa' significat quod ex bono. ]
Poznámky pod čarou:
1. coelestes, in the First Latin Edition and in the Second Latin Edition
2. The Manuscript deletes vera scientifica, and inserts cognitiones.
3. instrumentalia
4. The Manuscript inserts illae.
5. The Manuscript inserts est.
6. dicitur tegumentum
