15
qui semper erunt in circulis, nec umquam extrahentur ab eis.
9550. ‘Solidum fiet candelabrum’: quod significet quod omne ex bono, constat ex significatione ‘solidi’ quod sit totum quantum, ita omne ex bono, quod per ‘aurum’ significatur; omne enim spirituale, quod per ‘candelabrum’, quatenus illuminat, significatur, existit ex caelesti, et quoque continue per id subsistit, sicut omne verum a bono; nam si bonum subducis, exstinguitur momento verum, anima enim veri est bonum; se habet hoc sicut affectio quae amoris ad cogitationem; si subducitur affectio quae amoris, exstinguitur ilico cogitatio, affectio enim est ipsa vita seu anima cogitationis; omnis affectio quae amoris, est boni, et omnis cogitatio inde est veri; 1 verum quod ex bono vocatur spirituale, et bonum ex quo verum, vocatur caeleste.
Poznámky pod čarou:
1. verum est quod vocatur spirituale, et bonum quod coeleste