Arcana Coelestia # 9271
9271. Vers. 10-13. Et sex annis seres terram tuam et colliges proventum ejus. Et septimo intermittes eam et dimittes eam, et comedent egeni populi tui; et residuum illorum comedet fera agri; ita facies vineae tuae, oliveto tuo. Sex diebus facies opera tua, et die septimo cessabis, propterea ut requiescat bos tuus et asinus tuus, et respiret filius ancillae tuae, et peregrinus. Et omne quod dixi ad vos custodietis; et nomen deorum aliorum non memorabitis, non audietur super ore tuo. ‘Et sex annis seres terram tuam’ significat statum primum cum homo Ecclesiae instruitur in veris et bonis fidei: ‘et colliges proventum ejus’ significat bona veri inde: ‘et septimo intermittes eam et dimittes eam’ significat statum alterum cum homo Ecclesiae in bono est, et sic in tranquillo pacis: ‘et comedent egeni populi tui’ significat conjunctionem per bonum charitatis cum illis qui in paucis veris sunt et usque desiderant instrui: ‘et residuum eorum comedat fera agri’ significat per illos cum iis qui in jucundis veri externi sunt: ‘ita facies vineae tuae, oliveto tuo’ significat quod ita sit 1 cum bono spirituali et cum bono caelesti: ‘sex diebus facies opera tua’ significat statum laboris et pugnae 2 quando in jucundis externis quae conjungenda internis: ‘ 3 et die septimo cessabis’ significat statum boni quando in internis, et illius tranquillum pacis tunc: ‘propterea ut requiescat bos tuus et asinus tuus’ 4 significat tranquillum 5 pacis bonis et veris externis simul: ‘et respiret filius ancillae tuae, et peregrinus’ significat statum vitae illorum qui in veris et bonis extra Ecclesiam: ‘et omne quod dixi ad vos custodietis’ significat quod praecepta, judicia, et statuta facienda sint: ‘et nomen deorum aliorum non memorabitis’ significat quod non cogitandum ex doctrina falsi: ‘non audietur super ore tuo’ significat quod non oboediendum ulla affirmatione.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
2. The Manuscript inserts Arcana Coelestia 8510, 8888, compare Arcana Coelestia 9278
3. in, in the First Latin Edition and in the Second Latin Edition
4. The following note is interpolated here: videatur quod jejunaverint armenta apud Jonam [Jon. 3:7]
5. The following word or phrase is crossed out in the Manuscript, but it does appear in the first edition.
