Arcana Coelestia # 9143
9143. ‘Quando exiverit ignis’: quod significet ex 1 affectione mali iram, constat ex significatione ‘ignis’ quod sit amor, hic amor mali et ejus affectio, de qua mox supra n. 9141; affectio mali dicitur quia per affectionem intelligitur continuum amoris; quod ‘ignis’ sit ex affectione mali ira, est quia ita inde est, nam cum impugnatur id quod homo amat, igneum erumpit et quasi ardet; inde est quod ira describatur in Verbo per ‘ignem’, et dicatur ‘ardere’, ut apud Davidem,
Ascendit fumus ex naso Ejus, et ignis ex ore Ejus; prunae arserunt ex Eo, Ps. 18:9 [KJV Ps. 18:8]:
apud eundem,
Osculamini Filium, ne irascatur, quia ardebit brevi ira Ejus, Ps. 2:12:
apud Esaiam,
Quis manebit nobis igne comedente? quis manebit nobis focis aeternitatis? 33:14:
apud eundem,
Effudit super illum excandescentiam irae Suae, inflammavit illum circumcirca, nec agnovit; incendit eum, nec tamen posuit super cor, 42:25:
apud eundem,
Ecce Jehovah in Igne veniet, et sicut procella currus Ejus, ad retribuendum in excandescentia irae Suae, et increpatio Ejus in flammis ignis, 66:15:
apud Moschen, Respexi et descendi de monte, cum mons ardens igne: extimui propter iram et excandescentiam, qua iratus fuit Jehovah contra nos, Deut. 9:15, 19;
in his et in pluribus aliis locis ira describitur per ‘ignem’; tribuitur ira 2 Jehovae, hoc est, Domino, sed est apud hominem, n. 5798, 6997, 3 8284, 8483; quod Dominus apparuerit super monte Sinai populo Israelitico secundum quale ejus, ideo in igne, fumo, caligine, videatur n. 6832. Sed sciendum quod ira sit ignis erumpens ex affectione mali, zelus autem 4 ignis erumpens ex affectione boni, n. 4164, 4444, 5 8598; ideo etiam zelus describitur per ‘ignem’ apud Moschen, Jehovah Deus tuus est ignis comedens, Deus zelotes, Deut. 4:24:
et apud Zephaniam, Effundam super eos omnem excandescentiam irae Meae, quoniam in igne zeli Mei comedetur tota terra, 3:8.
Quod ‘zelus Jehovae’ sit amor et misericordia, et 6 quod dicatur ira, quia apparet malis cum incurrunt in poenam sui mali sicut ira, n. 8875.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
2. ibi
3. The editors of the third Latin edition made a minor correction here. For details, see the end of the appropriate volume of that edition.
4. The Manuscript inserts sit.
5. The editors of the third Latin edition made a minor correction here. For details, see the end of the appropriate volume of that edition.
6. sed
Arcana Coelestia # 3750
3750. Qualem ideam de caelo habent, etiam illi qui prae omnibus aliis creduntur communicationem cum caelo, et inde influxum habere, etiam mihi ad vivum ostensum est: qui supra caput apparent, sunt ii qui in mundo se coli voluerunt ut dii, et apud quos amor sui ad summum per gradus potentiae, et ad summum per imaginarium liberum inde evectus est; et 1 sunt simul dolosi sub specie innocentiae et amoris in Dominum;
[2] illi apparent in alto supra caput ex phantasia altitudinis, sed usque sub pedibus in inferno sunt; unus ex illis ad me se demittebat; et dictum ab aliis quod fuerit in mundo pontifex; locutus est mecum admodum blande, et primum de Petro et ejus clavibus, quos putabat se habuisse; sed cum quaereretur de potestate intromittendi in caelum quoscumque libebat, tam crassam ideam habebat de caelo ut repraesentaret sicut januam per quam introitus; dicebat quod illam gratis aperuerit pauperibus, sed quod divites aestimati, et quod sanctum fuisset id quod dederant; interrogatus num credat quod remanserint ibi illi quos intromiserat, dixit, quod hoc non sciat, si non, quod inde exeant; porro dictum quod scire interiora eorum non 2 posset, num digni, forte praedones qui in inferno erunt; dixit quod hoc non ei curae fuerit, si non digni, quod queant emitti; sed instruebatur quid per claves Petri intellectum, quod nempe fides amoris et charitatis, et quia solus Dominus dat talem fidem, quod solus Dominus sit Qui intromittit in caelum, et quod Petrus non appareat alicui, et quod simplex spiritus sit qui non plus potestatis habet quam alius. De Domino non aliam opinionem habuit quam quod colendus, quantum dat potestatem talem, at si non daret, perceptum quod cogitaret quod non magis colendus: porro cum locutus cum illo de interno homine, de eo spurcam ideam habuit.
[3] Qualem respirationis libertatem, plenitudinem, et jucunditatem habuerit, cum super solio suo in consistorio sederit, et ex spiritu sancto se locutum crediderit, mihi ad vivum ostensum est; mittebatur in similem statum in quo fuerat cum ibi, nam in altera vita quilibet facile in statum vitae quem habuit in mundo, mitti potest, quia status vitae suae quemlibet post mortem manet, et communicata est mecum respiratio qualis ei tunc fuerat, erat libera cum jucunditate, lenta, regularis, alta, implens pectus, 3 sed cum contradicebatur, tunc in abdomine erat, ex respirationis continuo, aliquid quasi se volvens ac repens; et cum putaret Divinum esse quod pronuntiabat, percepit id ex quadam respiratione magis tacita et quasi consentiente.
[4] Ostensum mihi dein, a quibus pontifices tales tunc reguntur, quod nempe a sirenum turba quae supra caput, quae imbuerunt naturam et vitam insinuandi se in affectiones quascumque animo imperandi, et 4 subjiciendi sibi alios, ac perdendi quoscumque sui causa, quibus sanctitas et innocentia est pro medio; timent sui, et caute agunt, at data occasione in crudelia absque ulla misericordia, sui causa, ruunt 5 .
Poznámky pod čarou:
1. The Manuscript places this after dolosi.
2. The Manuscript has potuisset
3. The Manuscript has at
4. The Manuscript places this after medio.
5. The Manuscript inserts 3751. continuatio de Maximo Homine, et de correspondentia ibi cum corde et pulmone ad finem capitis sequentis.
