17
sed filium odiosæ agnoscet primogenitum, dabitque ei de his quæ habuerit cuncta duplicia : iste est enim principium liberorum ejus, et huic debentur primogenita.
Deuteronomium 21:17
Arcana Coelestia # 9262
9262. ‘Ac innocentem et justum ne occidas’: quod significet aversationem pro destruendo bono interiore et exteriore, constat ex significatione ‘innocentis’ quod sit qui in bono interiore, ita in sensu abstracto bonum interius, de qua sequitur; ex significatione ‘justi’ quod sit qui in bono exteriore, et in sensu abstracto bonum exterius, nam ‘justum’ praedicatur de bono amoris erga proximum, at ‘innocens’ de bono amoris in Dominum; bonum amoris erga proximum est bonum exterius, et bonum amoris in Dominum est bonum interius; et ex significatione ‘occidere’ quod sit destruere. Quod ‘justum’ sit bonum amoris erga proximum, 1 videbitur etiam infra; at quod ‘innocens’ sit bonum amoris in Dominum, est quia illi in innocentia sunt qui amant Dominum; innocentia enim est agnoscere corde quod a se non nisi quam malum velit et non nisi quam falsum percipiat, et quod omne bonum quod amoris, et omne verum quod fidei, sit a Solo Domino; haec agnoscere corde non alii possunt quam qui Domino conjuncti sunt per amorem; tales sunt qui in intimo caelo sunt, quod inde caelum innocentiae vocatur; quapropter bonum quod illis, est interius bonum; est enim Divinum Bonum Amoris procedens a Domino quod qui 2 in caelo innocentiae sunt recipiunt; inde quoque illi nudi apparent et quoque sicut infantes; ex quo est quod innocentia repraesentetur per nuditatem et quoque per infantiam; quod per nuditatem, videatur n. 165, 213, 214, 8375, 3 et quod per infantiam, n. 430, 1616, 2280, 2305, 2306, 3183, 4 3494, 4563, 4797, 5608 fin.
[2] Ex illis quae de innocentia nunc dicta sunt, constare potest quod Divinum Domini non recipi 5 possit quam in innocentia; unde 6 est quod bonum non sit bonum nisi in eo sit innocentia, n. 2526, 2780, 3994, 6765, 7840, 7887, hoc est, agnitio quod ex proprio non nisi quam malum et falsum 7 procedat, et quod a Domino omne bonum et verum sit; credere illud, et credere hoc, et quoque velle hoc, est innocentia; est itaque bonum innocentiae ipsum bonum Divinum a Domino apud hominem; inde est quod ‘innocens’ significet illum qui in bono interiore est, ac in sensu abstracto bonum interius.
[3] Quia per ‘innocentem’ seu ‘innocentiam’ Divinum Bonum quod a Domino significatur, ideo crimen maxime nefandum fuit sanguinem innocentem effundere, et cum 8 factum, quod universa terra damnata esset usque dum id expiatum fuit, ut constare potest a processu 9 inquisitorio et expurgatorio si aliquis confossus deprehensus fuerit in terra, de qua re ita apud Moschen,
Cum invenitur confossus in terra jacens in agro, nec scitur quis percusserit eum, tunc exibunt seniores 10 tui, et judices tui, et metientur versus urbes, quae circum confossum; fiet autem, urbem proximam confosso, sument seniores urbis hujus vitulam bovis per quam labor non factus, quae non traxit in jugo, et deducent seniores urbis hujus vitulam ad vallem sterilem quae non colitur nec seritur, et decollabunt ibi vitulam in valle; dein accedent sacerdotes filii Levi, et omnes seniores urbis hujus adstantes confosso, lavabunt manus suas super vitula decollata in valle; et respondebunt et dicent, Manus nostrae non 11 fuderunt sanguinem hunc, et oculi nostri non viderunt; expia populo Tuo Israeli quem redemisti, Jehovah, nec 12 des sanguinem innocentem in medio populi Tui Israelis, sic expiabitur illis sanguis; tu vero removebis sanguinem innocentem e medio tui, si feceris rectum in oculis Jehovae, Deut. 21:1-10;
quisque videre potest quod hic processus inquisitorius et expurgatorius sanguinis innocentis effusi in terra arcana caeli involvat, quae nullatenus sciri possunt nisi sciatur quid significatur per ‘confossum in agro’, per ‘vitulam bovis per quam 13 labor non factus, et quae non traxit in jugo’, quid per ‘vallem sterilem quae non colitur nec seritur’, per ‘decollationem vitulae in illa valle’, per ‘lavationem manus super vitula’, et per reliqua; quod haec mandata fuerint absque 14 quod significaverint arcana, nullatenus conveniret Verbo, quod a Divino dictatum est et quoad quamlibet vocem et iotam inspiratum; nam 15 tale absque altiore significatione 'fuisset 16 rituale nullius sanctitatis, immo vix alicujus rei;
[4] sed usque patet quaenam arcana inibi latent ex sensu interno, ita si sciatur quod per ‘confossum in terra jacentem in agro’ significetur verum et bonum 17 exstinctum in Ecclesia ubi 18 bonum, quod per ‘urbem proximam confosso’ significetur verum doctrinae Ecclesiae cujus bonum exstinctum est, quod per ‘vitulam bovis per quam labor non factus est, et quae non traxit in jugo’ 19 bonum externi seu naturalis hominis, qui nondum sibi attraxit falsa fidei et mala amoris per servitium cupiditatum, quod per ‘vallem sterilem quae non colitur nec seritur’ significetur mens naturalis non exculta veris et bonis fidei, ex ignorantia, quod per ‘decollationem in illa valle’ significetur expiatio propter non culpam quia 20 ex ignorantia, quod per ‘lavationem manus’ significetur purificatio e nefando illo crimine; ex his cognitis 21 patet quod per ‘effundere sanguinem innocentem’ significetur exstinguere Divinum Verum et Bonum quod a Domino, ita Ipsum Dominum apud hominem Ecclesiae;
[5] sciendum est 22 quod per totum hunc processum 23 repraesentatum fuerit in caelo crimen tale factum absque culpa, quia ex ignorantia in qua innocentia, et inde ut non malum; singula usque ad minutissima in illo processu aliquid essentiale illius rei 24 repraesentabant; quae autem repraesentabant, constat ex sensu interno; quod ‘confossus’ sit verum et bonum exstinctum, videatur n. 4503, quod ‘terra’ sit Ecclesia, n. 662, 1066, 1067, 1262, 1413, 1607, 1733, 1850, 2117, 25 2118 fin. , 2928, 3355, 4447, 4535, 5577, 8011, 8732, quod ‘ager’ sit Ecclesia quoad bonum, ita bonum Ecclesiae, n. 2971, 3310, 3766, 4982, 7502, 7571, 26 9139, quod ‘urbs’ sit doctrina veri 27 , ita verum doctrinae Ecclesiae, n. 402, 2268, 28 2449, 2712, 2943, 3216, 4492, 4493, quod ‘bos’ sit bonum externi seu naturalis hominis, n. 2180, 2566, 2781, 29 9134, inde ‘vitula’ bonum infans, n. 1824, 1825;
[6] quod ‘labor non factus et [non] traxit in jugo’ sit quod adhuc non serviverit falsis et malis, ex ignorantia, patet, nam ‘laborare et trahere in jugo’ est servire; quod ‘vallis’ sit mens inferior, quae mens naturalis vocatur, n. 30 3417, 4715, quod ‘sterilis’ sit quae absque veris et bonis, n. 3908, 31 ita ‘vallis quae non colitur et seritur’ est mens naturalis nondum exculta veris et bonis, ita quae adhuc est in ignorantia, quod ‘semen quo seritur’ sit verum fidei, n. 1025, 1447, 32 1610, 1940, 2848, 3038, 3373, 3671, 6158; quod ‘decollatio’ sit expiatio, est quia per mactationes bestiarum variarum, sicut per sacrificia, significabantur expiationes; quod ‘lavatio manus’ sit purificatio a falsis et malis, n. 3147, hic itaque purificatio a nefando illo crimine, nam ‘effundere sanguinem’ 33 in genere 34 significat violentiam inferre 35 bono et vero, n. 9127, 36 sic ‘effundere sanguinem innocentem’ significat exstinguere Divinum a Domino apud hominem, ita Ipsum Dominum apud illum; nam verum et bonum apud hominem est Ipse Dominus, quia sunt ab Illo.
[7] Simile significatur per ‘effundere sanguinem innocentem’ in Deut. 19:10, 27:25; Esai. 59:3, 7; Jer. 2:34, 7:6, 19:4, 22:3, 17; Joel. 4:19 [KJV 3:19]; Ps. 94:21. ‘Innocens’ in sensu proximo significat qui absque culpa, et absque malo, 37 quod etiam 38 testabantur olim per ‘lavationem manuum’, Ps. 26:6; Ps. 73:13; Matth. 27:24; Joh. 18:38, 19:4;
hoc inde est quia bonum quod a Domino apud hominem est absque culpa ac absque malo; id bonum est bonum innocentiae in sensu interno, ut ostensum est; sed bonum quod absque culpa et malo est in externo homine, hoc est, bonum exterius, vocatur ‘justum’, ut quoque apud Davidem,
Non associabitur Tibi thronus perditionum, qui conglomerant se contra animam justi, et sanguinem innocentem condemnant, Ps. 94:[20, ] 21.
Poznámky pod čarou:
1. videatur Arcana Coelestia 612, 2235, 5069; et
2. innocentes
3. The following word or phrase is crossed out in the Manuscript, but it does appear in the first edition.
4. The editors of the third Latin edition made a minor correction here. For details, see the end of the appropriate volume of that edition.
5. The Manuscript deletes possit and inserts queat.
6. sequitur
7. The following word or phrase is crossed out in the Manuscript, but it does appear in the first edition.
8. The Manuscript inserts id.
9. inquisitionis et expurgationis
10. urbis, in the First Latin Edition and in the Second Latin Edition
11. confuderunt, in the Second Latin Edition
12. das
13. The following two (or in some cases more) words are transposed in the Manuscript.
14. significatione 'arcanorum
15. si
16. The Manuscript inserts hoc modo.
17. The Manuscript inserts (word in the Manuscript was not deciphered by the Editors)
18. bona
19. The Manuscript inserts significetur.
20. in
21. patebit
22. ita
23. repraesentabatur
24. sistebat
25. The editors of the third Latin edition made a minor correction here. For details, see the end of the appropriate volume of that edition.
26. The editors of the third Latin edition made a minor correction here. For details, see the end of the appropriate volume of that edition.
27. The Manuscript inserts Ecclesiae.
28. The editors of the third Latin edition made a minor correction here. For details, see the end of the appropriate volume of that edition.
29. The editors of the third Latin edition made a minor correction here. For details, see the end of the appropriate volume of that edition.
30. The editors of the third Latin edition made a minor correction here. For details, see the end of the appropriate volume of that edition.
31. quod ager qui colitur sit bonum Ecclesiae, videatur mox supra, ita ager qui non colitur nec seritur, est ubi non bonum Ecclesiae, et
32. The editors of the third Latin edition made a minor correction here. For details, see the end of the appropriate volume of that edition.
33. est violentiam
34. The editors of the third Latin edition made a minor correction here. For details, see the end of the appropriate volume of that edition.
35. vero et bono
36. The Manuscript deletes sic, inserts and deletes sed, and inserts et.
37. The Manuscript inserts aliquid facit, .
38. The editors of the third Latin edition made a minor correction here. For details, see the end of the appropriate volume of that edition.
Arcana Coelestia # 9139
9139. ‘Quando desolaverit vir agrum vel vineam’: quod significet deprivationem boni et veri Ecclesiae per cupiditates, constat ex significatione ‘desolare’ quod sit deprivare per cupiditates, de qua infra n. 1 9141, ex significatione ‘agri’ quod sit Ecclesia quoad bonum, qua n. 2 2971, 3766, 4982, 7502, ita bonum Ecclesiae, et ex significatione ‘vineae’ quod sit Ecclesia quoad verum, ita verum Ecclesiae; quod ‘ager’ sit Ecclesia quoad bonum, est quia illa quae agri sunt, ut triticum et hordeum, significant bona Ecclesiae interna et externa', n. 3941, 7602, 7605, et quod ‘vinea’ sit Ecclesia quoad verum, est quia ‘vinum’, quod vineae est, significat verum boni, n. 1071, 6377.
[2] Quod ager et vinea id significent, ducit originem ex repraesentativis in mundo spirituali, nam coram spiritibus apparent agri tritico et hordeo pleni, cum angelis qui in superiore caelo sunt, sermo est de coetu qui in bono; et apparent vineae plenae uvis, cum torcularibus ibi 3 , cum angelis 4 sermo est de coetu qui in vero 5 boni est; repraesentativa illa non sunt ex eo quod talia sint in terris sed ex correspondentiis, quod triticum et hordeum, seu inde panis, nutriant corpus sicut bonum amoris et charitatis nutrit animam, et quod vinum similiter ut potus, sicut verum et bonum fidei animam; inde est quod bona amoris et vera fidei in Verbo dicantur cibi ac potus, sunt etiam in eo sensu cibi et potus caelestes 6 , n. 56-58, 680, 681, 1973, 1974, 4459, 4792, 5147, 5293, 5576, 5579, 5915, 8562.
[3] Quod ‘vinea’ sit Ecclesia quoad bonum et verum fidei, quae Ecclesia spiritualis vocatur 7 , constat ex locis in Verbo ubi nominatur, ut apud Jeremiam,
Pastores multi perdiderunt vineam Meam, conculcarunt agrum, Meum; redegerunt agrum desiderii [Mei] in desertum solitudinis; posuit illam (vineam) in solitudinem, 8 12:10, 11;
ubi ‘vinea’ et ‘ager’ manifeste pro Ecclesia; et quia Ecclesia est Ecclesia ex vero et bono fidei et charitatis, patet quod ‘vinea’ ibi sit Ecclesia quoad verum, et ‘ager’ quoad bonum:
apud Esaiam,
Jehovah in judicium venit cum senioribus populi Sui et principibus ejus; vos succenditis vineam, 3:14;
hic 9 quoque ‘vinea’ manifeste pro Ecclesia quoad bonum et verum 10 fidei, seniores 11 enim cum quibus Jehovah in judicium veniet sunt bona Ecclesiae, n. 12 6524, 6525, et ‘principes’ sunt vera ejus, n. 5044:
[4] apud eundem,
Cantabo dilecto Meo canticum amici Mei de vinea ejus; vinea fuit dilecto Meo in cornu filii olei, quam circumdedit, et plantavit vite nobili, 5:1, 2, seq. ;
hic de Domino, Qui est ‘dilectus’ et ‘amicus’, ‘vinea’ est Ecclesia ‘spiritualis’ Ipsius, ‘vitis nobilis’ est bonum fidei illius Ecclesiae, ‘cornu filii olei’ est bonum fidei illius Ecclesiae ex bono amoris; qui non scit aliquid de sensu interno Verbi, nequaquam scire potest quid significat vinea in cornu filii olei'; in illis verbis usque tale arcanum latet quod exprimi vocibus non potest; describitur per illa plene conjunctio regni spiritualis Domini cum regno caelesti Ipsius, hoc est, conjunctio secundi caeli cum tertio, consequenter conjunctio boni fidei in Dominum, quod est regni spiritualis, cum bono amoris in Dominum, quod est regni caelestis; ‘vinea’ est regnum spirituale, ‘in cornu’ est in potentia, ita in illo, ‘filius olei’ est bonum amoris externum regni caelestis 13 ; regnum caeleste, quod est caelum intimum Domini, vocatur 14 olea' 15 seu olivetum, quia 16 ‘oleum’ est bonum amoris caelestis, n. 886, 4582, 17 4638; sciatur quod regnum Domini in terris sit Ecclesia. Quod bina regna sint, regnum caeleste et regnum spirituale 18 , et quod regnum spirituale constituat secundum caelum, et regnum caeleste tertium, videatur n. 3887, 4138, 4279, 4286; de conjunctione illorum, n. 6435:
[5] apud eundem,
In die illo, vinea meri, respondete illi; Ego Jehovah custodiens illam, in momentis irrigabo illam, 27:2, 3;
‘vinea meri’ pro Ecclesia 19 spirituali:
apud Amos, In omnibus vineis planctus, transibo per te; vae desiderantibus diem Jehovae! quid vobis dies Jehovae? ille tenebrarum et non lucis, 5:17, 18;
ibi de ultimo tempore Ecclesiae, quando non amplius bonum ac verum fidei, quod tempus est dies Jehovae, qui tenebrarum et non lucis; inde dicitur, ‘in omnibus vineis planctus’:
apud Johannem in Apocalypsi, Misit angelus falcem suam in terram, et vindemiavit vitem terrae, et conjecit in torcular irae Dei 20 magnum, 14:18, 19;
‘vindemiare vitem terrae’ est consumere verum et bonum 21 Ecclesiae; ‘terra’ hic est Ecclesia. Ex his 22 constare potest unde est quod Dominus toties assimilaverit regnum caelorum vineae, ut apud Matthaeum 20:1 seq. , 21:28, 29, 33-41; Marcus 12:1-13, et unde est quod Dominus Se vocaverit vitem, ' apud Johannem 23 ,
Quemadmodum palmes non potest fructum ferre a seipso ni manserit in vite, ita neque vos, nisi in Me manseritis; Ego sum vitis, vos palmites; sine Me non potestis facere quicquam, 24 15:1 seq. ;
‘vitis’ est fides in Dominum, proinde 25 est Dominus quoad fidem, nam Dominus est fides quia fides est ab Ipso, fides enim 26 non est fides nisi quae ab Ipso, inde etiam est quod ‘vitis’ sit fides 27 quae in Ipsum.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
2. The editors of the third Latin edition made a minor correction here. For details, see the end of the appropriate volume of that edition.
3. ubi exprimitur vinum ex uvis
4. The following two (or in some cases more) words are transposed in the Manuscript.
5. veris
6. cibi ac potus coelestes ac spirituales
7. seu quod idem, Ecclesia spiritualis
8. The editors of the third Latin edition made a minor correction here. For details, see the end of the appropriate volume of that edition.
9. ibi
10. verum et bonum
11. succendere illam est destruere illam per cupiditatem mali
12. The editors of the third Latin edition made a minor correction here. For details, see the end of the appropriate volume of that edition.
13. The Manuscript inserts ubi conjunctio.
14. The editors of the third Latin edition made a minor correction here. For details, see the end of the appropriate volume of that edition.
15. The following word or phrase is crossed out in the Manuscript, but it does appear in the first edition.
16. inde
17. The editors of the third Latin edition made a minor correction here. For details, see the end of the appropriate volume of that edition.
18. Quod Regnum spirituale et Regnum coeleste Domini sit
19. The Manuscript inserts a Regno.
20. The editors of the third Latin edition made a minor correction here. For details, see the end of the appropriate volume of that edition.
21. The Manuscript inserts fidei.
22. The Manuscript inserts nunc.
23. his verbis
24. The Manuscript inserts Joh.
25. ita quoque
26. ita fides
27. ita
