Arcana Coelestia # 6756
6756. ‘Et exivit ad fratres suos’: quod significet conjunctionem cum veris Ecclesiae, constat a significatione ‘fratrum’ quod sint vera Ecclesiae, de qua sequitur; et ex significatione ‘exire ad illos’ quod sit conjungi illis. Quod ‘fratres’ attinet, significant illi nunc bona, nunc vera Ecclesiae; ubi agitur de Ecclesia caelesti, significant bona, 1 et cum agitur de Ecclesia spirituali, significant vera; causa est quia Ecclesia caelestis est in bono, at Ecclesia spiritualis in vero; et antiquis temporibus omnes qui ab Ecclesia fuerunt vocabant se fratres; qui ab Ecclesia spirituali fuerunt se quidem vocabant fratres ex bono, n. 3803, sed internae Ecclesiae homines hoc faciebant cum differentia secundum quale boni, ita secundum vera, nam bonum suum quale habet a veris; postea cum 2 Ecclesia deflexit a bono et inde quoque a vero, tunc non amplius ex consanguinitate et affinitate spirituali, quae sunt charitatis et fidei, se mutuo appellabant fratres, sed solum ex consanguinitate et affinitate naturali, 3 ut et ex amicitia; et quoque indigne ferre coeperunt viliorem se fratrem vocare; causa erat quia parum vel nihili faciebant proximitates ex origine spirituali, 4 ac plurimum et prae omni proximitates ex origine naturali et civili. Quod vera Ecclesiae dicantur fratres, 5 constat ex eo quod filii Jacobi repraesentarent' vera Ecclesiae in complexu, 6 n. 5403, 5419, 5427, 5458, 5512.
[2] Quod antiquis temporibus fratres dicti fuerint ex affinitate spirituali, 7 est quia nova nativitas seu regeneratio faciebat consanguinitates et 8 affinitates in superiore gradu quam nativitas naturalis; et quia 9 illa ab uno Patre ducunt originem, nempe a Domino; inde est quod homines post mortem qui in caelum veniunt non agnoscant amplius aliquem fratrem, ne quidem matrem et patrem, nisi ex bono et vero; secundum haec novas ibi fraternitates 10 nanciscuntur'; inde nunc est quod qui 11 ab Ecclesia fuerunt se mutuo vocaverint fratres.
[3] Quod 12 filii Israelis omnes illos fratres dixerint qui ex Jacobo fuerunt, reliquos autem socios, patet ab his locis:
apud Esaiam,
Commiscebo Aegyptum cum Aegypto, ut pugnet vir contra fratrem, et vir contra socium suum, 19:2:
apud eundem,
Vir socium suum 13 adjuvat, et fratri suo dicit, Confirma te, 41:6:
apud Jeremiam,
Vir a socio suo cavete vobis, et super ullo fratre ne confidite; omnis namque 14 frater supplantando supplantat, et omnis socius calumniatur, 9:3 [KJV 4]: 15
[4] quod omnes qui ex Jacobo se vocaverint fratres, apud Esaiam,
Tunc adducent omnes fratres vestros ex omnibus gentibus, 16 munus Jehovae, super equis, super curru, et super raedis cameratis, 66:20:
apud Mosen,
Ponendo pones super 17 eos regem, quem elegerit Jehovah Deus tuus, e medio fratrum tuorum pones super 17 eos regem; non poteris dare super 17 eos virum alienigenam, qui non frater 17 eorum sit, Deut. 17:15.
Etiam filios Esavi, quia ex Jacobo fuerunt, 18 dixerunt fratres, apud Mosen,
Transivimus cum fratribus nostris filiis Esavi habitantibus in Seir 19 , Deut. 2:8.
[5] Quod 20 antiquis temporibus se fratres appellaverint qui 21 erant ab Ecclesia, erat, ut supra dictum, quia Dominum pro unico Patre agnoverunt, et quia ab Ipso eis nova anima et nova vita; idcirco Dominus dicit,
22 Nolite vocari Rabbi, unus 23 est vester Magister, Christus, omnes autem vos fratres estis, Matth. 23:8.
Quia fraternitas spiritualis est ex amore, quod nempe unus sit alterius, et qui in bono sunt ‘in Domino sunt, et Dominus in illis’, Joh. 14:20, idcirco fratres 24 vocantur a Domino, apud Matthaeum, Jesus extendens manum Suam super discipulos Suos dixit, Ecce mater Mea, et fratres Mei; quisquis enim fecerit voluntatem Patris Mei, Qui est in caelis, ille Meus frater, et soror, et mater est, 12:49 [, 50]:
apud eundem,
In quantum fecistis uni ex fratribus Meis minimis Mihi fecistis, 25:40: et quoque discipulos ‘fratres’ vocat Matth. 28:10 25 ; Joh. 20:17;
per ‘discipulos’ in sensu repraesentativo intelliguntur omnes qui in veris fidei et bono charitatis 26 .
Poznámky pod čarou:
1. at
2. Ecclesiae deflexerunt
3. et quoque
4. sed maximopere
5. patet a filiis Jacobi qui repraesentabant
6. et fratres a Josepho qui repraesentabat Bonum internum, dicti sunt, videatur Arcana Coelestia 6040, 6064, 6070, 6101, 6106, 6027
7. erat
8. The Manuscript inserts inde.
9. The Manuscript inserts omnia bona inter se affinitates habent, et quoque omnia vera, quia.
10. habent
11. The Manuscript inserts olim.
12. The Manuscript inserts etiam.
13. adjuvaret
14. The editors of the third Latin edition made a minor correction here. For details, see the end of the appropriate volume of that edition.
15. The Manuscript inserts et praeterea Deut. 15:1. 2. 3.
16. The editors of the third Latin edition made a minor correction here. For details, see the end of the appropriate volume of that edition.
17. Hebrew second person singular as in Arcana Coelestia 2360.
18. vocabant
19. The Manuscript inserts a via planitiei.
20. The Manuscript places this after Ecclesia.
21. fuerant
22. The Manuscript inserts Vos.
23. The Manuscript inserts enim.
24. The Manuscript places this after Domino.
25. The editors of the third Latin edition made a minor correction here. For details, see the end of the appropriate volume of that edition.
26. The Manuscript inserts 3354, 3348 (3488 is probably intended), 3858 f.
Arcana Coelestia # 2360
2360. Quod ‘fratres’ dicat quia ex bono ex quo exhortationem, constat a significatione ‘fratris’; ‘frater’ significat idem in Verbo ac proximus, ex causa quia quisque amare debet proximum sicut seipsum, ita fratres dicti ex amore seu, quod idem, ex bono; haec nominatio et salutatio proximi venit inde quod Dominus in caelo omnium Pater sit, et quod omnes amet ut filios; et sic quod amor sit conjunctio spiritualis; refert inde universum caelum sicut unam generationem ex amore et charitate, n. 685, 917;
[2] ideo omnes filii Israelis quia regnum Domini caeleste, hoc est, amoris et charitatis, repraesentabant, inter se ‘fratres’ dicti sunt, tum quoque ‘socii’, sed hoc, seu socii, non ex bono amoris sed ex vero fidei; ut apud Esaiam,
Vir socium suum adjuvant, et fratri suo dicit, Confirma te, 41:6:
apud Jeremiam,
Sic dicetis vir ad socium suum, et vir ad fratrem suum, Quid respondit Jehovah? et quid locutus est Jehovah? 23:35:
apud Davidem,
Propter fratres meos et socios meos loquar, Age pacem in te, Ps. 122:8:
apud Mosen,
Non urgebit socium suum et fratrem suum, quia proclamata intermissio Jehovae, Deut. 15:2, 3:
apud Esaiam,
Confundam Aegyptum cum Aegypto, et pugnabunt vir contra fratrem suum, et vir contra socium suum, 19:2:
apud Jeremiam,
Vir a socio suo cavete, et super ullo fratre ne fidatis, omnis namque frater supplantando supplantabit, et omnis socius calumniabitur, 9:3 [KJV 4].
[3] Quod omnes ab Ecclesia illa dicti sint uno nomine fratres, apud Esaiam,
Adducent omnes fratres vestros de omnibus gentibus munus, et Jehovae, super equis, et super curru, et super rhedis cameratis, et super mulis, et super dromadibus, ad montem sanctitatis Meae, Hierosolymam, 66:20;
qui non sciunt praeter sensum litterae, ut judaei, non alios significari credunt quam Jacobi posteros, tum quod illi super equis, et super curru, et super rhedis cameratis, super mulis reducentur ab illis quos gentes vocant, ad Hierosolymam; sed per ‘fratres’ intelliguntur omnes qui in bono, et per ‘equos, currus, rhedas’ illa quae sunt veri et boni, et per ‘Hierosolymam’ regnum Domini:
[4] apud Mosen,
Cum fuerit inter te egenus de uno fratrum tuorum, in una portarum tuarum, ... non obfirmabis cor tuum, et non claudes manum tuam e fratre tuo egeno, Deut. 15:7, 11:
apud eundem,
E medio fratrum tuorum pones super te regem, non poteris dare supra te vinum alienigenam, qui non frater tuus ille; ... et non efferet 1 se cor ejus prae fratribus suis, Deut. 17:15, 20:
apud eundem,
Prophetam e medio tui, de fratribus tuis, sicut me, suscitabit tibi Jehovah Deus tuus, Huic oboedietis, Deut. 18:15, 20.
[5] Exinde patet quod judaei et Israelitae se omnes dixerint fratres, foederatos autem socios ; at quia illi nihil praeter historica et mundana Verbi sapiebant, inde fratres se dixisse credebant quia omnes filii unius patris seu Abrahami essent; at in Verbo non dicti sunt fratres inde, sed a bono quod repraesentabant; ‘Abrahamus’ etiam in sensu interno non 2 aliud est quam ipse amor, hoc est, Dominus, n. 1893:1965, 1989, 2011, Cujus filii, et sic fratres, sunt qui in bono, immo omnes qui ‘proximus’ dicuntur, ut Dominus docet apud Matthaeum, Unus est vester Magister, Christus, omnes vos fratres estis: 23:8:
[6] apud eundem,
Quisquis irascitur fratri suo temere, obnoxius erit judicio quicumque dixerit fratri suo Raka, obnoxius erit synedrio... Si obtuleris munus [tuum] super altari, et apud hoc recordatus fueris. quod frater tuus habeat aliquid contra te, relinque ibi munus coram altari, et abi prius reconciliare fratri, 5:22-24:
apud eundem,
Cur cernis festucam, quae in oculo fratris tui?... quomodo dices fratri tuo, Sine festucam ejiciam ex oculo tuo? 7:2-4:
apud eundem,
Si peccaverit in te frater tuus, abi et argue eum inter te e ipsum solum: si te audiverit, lucratus es fratrem tuum, 18:15:
apud eundem,
Accedens Petrus ad Ipsum, dixit, Domine, quoties peccabit in me frater meus, et remittere debeo? 18:21:
apud eundem,
Sic et Pater Meus caelestis faciet vobis, si non remiseritis suo quisque fratri ex cordibus delicta eorum, 18:35.
[7] Ex his liquet quod omnes in universo dicantur fratres qui proximus et hoc inde quia quisque amare debet proximum ut seipsum, ita ei amore seu bono: et quia Dominus est Ipsum Bonum, et omnes spectat ex bono 3 , et est Ipse Proximus in supremo sensu, Ipse quoque illo: vocat fratres, ut apud Johannem, Dixit Jesus ad Mariam, ... Abi ad fratres Meos, 20:57:
et apud Matthaeum, Respondens rex dicet illis, Amen dico vobis, in quantum fecistis uni ex his fratribus Meis minimis, Mihi fecistis, 25:40.
Inde nunc constat quod ‘frater’ sit vox amoris.
Poznámky pod čarou:
1. The Manuscript has efferat.
2. The Manuscript has nec.
3. The Manuscript places this after sensu.
