17
Et ingressus est domum suam, Ananiæque et Misaëli et Azariæ, sociis suis, indicavit negotium,
17
Et ingressus est domum suam, Ananiæque et Misaëli et Azariæ, sociis suis, indicavit negotium,
600. (Vers. 14.) "Et seducat habitantes super terra propter signa quae data ei facere coram Bestia," significat quod per testificationes et contestationes inducant homines Ecclesiae in errores. - Per "seducere" significatur inducere in errores per "habitantes super terra" significantur homines Ecclesiae Reformatorum, ut supra (578, 588, 597); per "signa," quae data ei facere coram Bestia, significantur testificationes et contestationes (598, 599); per "Bestiam ex Mari," coram qua signa facta sunt, significatur fides Draconis apud Laicos (567); et per "Bestiam ascendentem ex Terra," quae fecit signa, et alibi vocatur Pseudopropheta, significatur fides Draconis apud Clericos (594). Simile dicitur a Domino apud Matthaeum 24:24-26.