273. Quod ‘spina et carduus’ significent maledictionem et vastationem, constat ex eo quod ‘messis et arbor fructus’ significent opposita, quae sunt benedictiones et multiplicationes: quod spina, carduus, sentis, vepris, urtica, talia significent, constat ex Verbo, ut apud Hoscheam,

Ecce abiverunt prae vastatione; Aegyptus congregabit eos, Moph ¹ sepeliet eos, desiderabile argento eorum; urtica hereditabit eos, vepris in tentoriis eorum, 9:6;

ubi ‘Aegyptus et Moph’ pro iis qui ex semet suisque scientificis de Divinis sapere volunt:

apud eundem prophetam, Perdentur excelsa Aven, peccatum Israelis, spina et carduus ascendet super altaria eorum, 10:8;

ubi ‘excelsa Aven’ pro amore sui, ‘spina et carduus super altaria’ pro profanatione:

apud Esaiam,

Super ubera plangentes propter agros desiderii, propter vitem frugiferam; super humo populi Mei spina sentica ascendet, 32:12, 13:

et apud Ezechielem,

Non erit amplius domus Israelis sentis pungens, et spina dolorifica ab omnibus circuitibus eorum, 28:24.

Imibhalo yaphansi: