9126. ‘Et percussus, et moriatur’: quod significet si tunc damno afficitur usque ut exstinguatur, constat ex significatione ‘percuti’ cum de vero et bono, quod sit laedi aut ¹ damno affici, ut n. 9034, 9058, et ex significatione ‘mori’ quod sit exstingui. Quod verum ac bonum hic intelligantur, est quia per ‘furem’ seu ‘furtum’ significatur id quod ablatum est, ita bonum ac verum, ut quoque in sequentibus: Si inveniendo inventum fuerit in manu illius furtum a bove usque ad asinum, usque ad pecudem, viventes. vers. 3 ² ; ‘bos’, ‘asinus’, et ‘pecus’ significant ³ bona et vera exteriora et interiora, et vocantur ‘furtum’ quia sunt in manu furis; pariter argentum et vasa, vers. 6, quae etiam vera interiora et exteriora sunt; simile per ‘furem’ quod per ‘furtum’ significatur, quia ⁴ ‘fur’ in sensu abstracto a persona est furtum, hoc est, verum et bonum ablatum, videatur mox supra n. 9125.

Imibhalo yaphansi: